Nahimiyaa Maxaafaa 6:2 - Wolaytta Bible

² Hegaa eti siyido wode, Sanbbalaaxinne Gesheemi hagaadan yaagidi, taakko kiittidosona; “Oono giyo dembban de7iya qeeri katamatuppe issuwan yaada nunaara gaitta” yaagidosona. SHin eti ta bolli iitaa oottanau maqettidosona.

Nahimiyaa Maxaafaa 6:2 Iomraidhean Croise

Sameela Maxaafaa Naa77anttuwaa 20:9

Yoo7aabi Amaasa, “Ta ishau, neeni saro de7ai?” yaagiis; yaagidi Yoo7aabi Amaasa yeranau ba ushachcha kushiyan a buuchchaa oiqqiis.

Sameela Maxaafaa Naa77anttuwaa 3:27

Abaneeri Kebroona katamaa guyye simmidi yiido wode, Yoo7aabi aara dumma haasayanabaadan dirssaa pengge a ekkidi efiis; ba ishaa Asaaheela suuttaa achchanau Abaneera uluwaa caddiis; caddin Abaneeri he sohuwan haiqqiis.

Hanidabaa Odiya Koiro Maxaafaa 8:12

Elppa7aala attuma naati Ebeera, Misha7aamanne SHemeda. SHemedi Oonanne Looda katamatanne eta heeran de7iya moottata keexxiis.

Nahimiyaa Maxaafaa 11:35

Loodan, Oonooninne Kushe Hiillatu Zanggaaraa giyoosankka de7idosona.

Nahimiyaa Maxaafaa 3:22

Appe kaalliyaagaa Yerusalaame heera garatiya biittan de7iya qeeseti gimbbidosona.

Nahimiyaa Maxaafaa 6:3

Hegaa gishshau, taani etayyo hagaadan yaagada zaarada kiittaas; “Taayyo daro oosoi de7ees; hegaa gishshau, taani intte giyo sohuwaa baanau danddayikke. Taani yaa bin, oosoi aissi xubettii?” yaagaas.

Mazamure Maxaafaa 12:2

Ubbatikka issoi issuwaassi wordduwaa haasayoosona; issoi issuwaa sheleeshshiya inxxarssan baletuwan haasayoosona.

Mazamure Maxaafaa 37:12

Iita asi xillo asa bolli maqetteesinne ba achchaa garccees.

Mazamure Maxaafaa 37:32

Iita asi xillo asa wochcheesinne woranau koyees.

Eranchchaa Maxaafaa 4:4

Asai ba amottidobaa demmanau keehi daafuridi oottees; shin he daafurai ba laggiyaa bollan qanaatiyo qofaappe denddidaagaana gidiyoogaa taani akeekaas. Hegeekka qassi hada; carkkuwaa oiqqanau yedettiyoogaa mala.

Ermmaasa 41:2

Nataaniyaa na7ai Isimaa7eelinne aara de7iya tammu asati bantta bisuwaa bisuwaa kessidi, Baabiloone kawoi Yihudaa haariyaagaa oottidi sunttido Ahiqaama na7aa Gadaaliyaa woridosona.

Hizqqeela 33:31

Eti kase asai yiyoogaadan neekko yoosona; ta asaadan ne sinttan uttoosona; neeni odiyoogaakka siyoosona; shin oottokkona. Eti siiqobaa haasayoosona; shin eta wozanai go77a xalaalau yaaretees.