Nahimiyaa Maxaafaa 6:16 - Wolaytta Bible

¹⁶ Nu yuushuwan de7iya kawotettatu giddon de7iya nu morkketi hegaa siyido wode yayyidosonanne yeellatidosona. Aissi giikko, hagee oosoi nu Xoossai maaddin oosettidoogaa akeekidosona.

Nahimiyaa Maxaafaa 6:16 Iomraidhean Croise

Nahimiyaa Maxaafaa 2:10

SHin Beeti-Horoona katamaa asa gidiya Sanbbalaaxinne Amoona biittaa halaqa gidiya Xoobbee, “Israa7eela asaassi lo77obaa oottiya asi yiis” giyoogaa siyido wode, keehi yiillotidosona.

Nahimiyaa Maxaafaa 4:1

Nuuni gimbbiyaa dirssaa oosuwaa doommidoogaa Sanbbalaaxi siyido wode hanqquwaa eexxi kiyiis; qassi keehi yiillotidi, nuna baceessiis.

Nahimiyaa Maxaafaa 4:7

Sanbbalaaxi, Xoobbee, Araba biittaa asai, Amoona biittaa asainne Ashddooda katamaa asai Yerusalaame gimbbiyaa oosoi lo77o hanotettan oosettiiddi de7iyoogaanne daahettida sohotikka barettidoogaa siyido wode keehi yiillotidosona.

Nahimiyaa Maxaafaa 6:17

He wodiyan Aihudata kaalettiyaageeti ubba wode Xoobbiyaassi dabddaabbiyaa xaafiiddi gam77idosona; ikka zaaridi, etayyo xaafiis.

Mazamure Maxaafaa 109:27

Abeet GODAU, hegee ne kushe gididoogaanne hegaa neeni oottidoogaa ta morkketi erona.

Mazamure Maxaafaa 126:2

He wode nuuni daro ufaitti miiccidi, ufaissaa yettaa yexxida. Yaatin, hara kawotettati bantta giddon, “Hageetussi GODAI gitabaa oottiis” yaagidosona.

Mazamure Maxaafaa 129:5

Xiyoone ixxiya ubbai yeellatidi guyye simmo.

Mazamure Maxaafaa 147:2

GODAI Yerusalaame bottokonees; Israa7eela asatuppe betidaageetakka shiishshees.

Kessaabaa 14:25

Laagoi eta waissana mala, GODAI eta para gaaretu irzzuwaa binqqirssaa diggiis; diggin Gibxxeti, “GODAI eta maaddidi Gibxxe oliyo gishshau, ane nuuni Israa7eela asaappe baqatoos” yaagidosona.

Ermmaasa 33:9

Hegaappe guyyiyan, Yerusalaame katamai taayyo ufaissaa, bonchchuwaanne galataa sa7an de7iya kawotettatu ubbaa sinttan ehaana. Taani Yerusalaame asaassi oottiyo lo77obaanne he katamaassi ehiyo duretettaanne sarotettaa siyidi, kawotettati ubbai yashshan kokkorana” yaagees.

Qoodaabaa 23:23

Yaaqooba zariyaa gakkana biti baawa; Israa7eela asaa qohana murunnoikka baawa. Asai ha77i, 'Yaaqoobassinne Israa7eelassi Xoossai oottidobaa be7ite' yaagana.

Yesuusi Kiittidoogeetu Oosuwaa 5:38

“Ha77ikka taani intteyyo odais; ha asatuppe shaahettite; eta bochchoppite. Aissi giikko, ha qofainne ha oosoi asi oottidobaa gidikko xayana.

Yaasu Maxaafaa 2:11

Nuuni hegaa siyido wode, nu wozanai maashiis; asai ubbai intteyyo xaliyoogaa aggi bayiis. Aissi giikko, GODAI intte Xoossai bolla saluwaanikka garssa sa7aanikka Xoossa.

Yaasu Maxaafaa 2:9

“GODAI ha biittaa intteyyo immidoogaa, intte nuna gita yashshaa yashshiyoogaanne ha biittan de7iya asai ubbai intteyyo hirggaa maashiyoogaa taani erais.

Yaasu Maxaafaa 5:1

Yorddaanoosa SHaafaappe arggo baggaara de7iya Amooretu kawotinne Meediteraane Abbaa lanqqiyaa lanqqiyaa oiqqidi de7iya Kanaanetu kawoti ubbai, Israa7eela asai pinnana gakkanaassi GODAI Yorddaanoosa SHaafaa haattaa melissidoogaa siyido wode, eta wozanai maashiis. Maashin eti Israa7eela asaara gaittanau xalibookkona.