Nahimiyaa Maxaafaa 4:10 - Wolaytta Bible

¹⁰ He wodiyan Yihudaa asai hagaadan yaagidosona; “Toohuwaa tookkiyoogee kaseegaappe nuna daafurssees; qassi denttanau koshshiya gimbbiyaappe kolettida daro shuchchaikka biron de7ees. Yaatin, nuuni hachchi ha gimbbiyaa waatidi gimbbanau danddayiyoonii?” yaagidosona.

Nahimiyaa Maxaafaa 4:10 Iomraidhean Croise

Hanidabaa Odiya Naa77antto Maxaafaa 2:18

Solomoni he asaappe laappun tammu sha7aa tookkiyoobaa toossanau, hosppun tammu sha7aa gezziyan shuchchaa qoo7anau dooriis; qassi eta wochchanau heezzu sha7anne usuppun xeetu asata sunttiis.

Hanidabaa Odiya Naa77antto Maxaafaa 34:13

tookkiya asatu bollinne dumma dumma oosuwaa oottiyaageetu bolli sunttettidosona. Qassi hara Leewati xaafeta, halaqatanne penggiyaa naagiyaageeta gididosona.

Nahimiyaa Maxaafaa 4:11

Nu morkketi, “Nuuni biidi eta giddo gakkanaashin, eti oosuwaa oottennaadan teqqanaashiininne eta worana gakkanaashin, eti erokkona” yaagidosona.

Nahimiyaa Maxaafaa 4:2

Ba laggetunne Samaariyaa olanchchatu sinttan i hagaadan yaagiis; “Hageeti, ha pattenna Aihudati ai oottiyoonaa? Katamaa zaarettidi gimbbanau koyiyoonaayye? Yarshshuwaakka yarshshanau koyiyoonaa? Oosuwaa issi gallassi wurssanabaa etau milatiiyye? Gimbbiyaassi haniya shuchchaa ha xuugettidi issisan doorettida suuppaa giddoppe kessanabaa etau milatii?” yaagiis.

Nahimiyaa Maxaafaa 4:9

SHin nuuni nu Xoossaa woossida; etappe denddidaagan qamminne gallassi naagiya naaganchchatakka wottida.

Hizqqeela 29:18

“Laa asa na7au, Baabiloone Kawoi Naabukadanaxoori Xiiroosa bolli olaa denttanau giigiis; etau huuphee xiirettana gakkanaashiininne hasheekka masunxxana gakkanaashin, olanchchati deexo toohuwaa tookkanaadan oottidosona; gido shin, kawoikka olanchchatikka ha daafura ubban eti Xiiroosappe demmidobi baawa.

Hagge 1:2

“Ubbaappe Wolqqaama GODAI hagaadan yaagees; 'Hagee asai, GODAA Beeta Maqidasiyaa zaarettidi keexxiyo wodee biron gakkibeenna' yaagees” yaagiiddi yiis.

Qoodaabaa 13:31

SHin Kaaleebaara pude biida asati, “He biittaa asai nuuppe minniyo gishshau, nuuni eta xoonanau danddayokko” yaagidosona.

Qoodaabaa 32:9

Waanidi giikko, eti Eshkkoola Zanggaaraa kiyidi, he biittaa xeellido wode, Israa7eelati GODAI etayyo immido biittaa gelenna mala, eti Israa7eelatu wozanaa shugissidosona.