Naahooma 3:1 - Wolaytta Bible

¹ Daro asaa suuttaa gussida Nanawe katameessi aayye7ana! Worddoi in kumi uttiis. A wolqqan ekkidonne bonqqido duretau qoodi baawa.

Naahooma 3:1 Iomraidhean Croise

Mazamure Maxaafaa 62:10

Makkalan ammanettoppite; bonqqi shiishshidi duretanau halchchoppite. Intte duretettai darikkokka, intte wozanaa a bolli wottoppite.

Isiyaasa 17:14

Sa7ai qammiyo wode, eti shabbirettana; sa7ai wonttanaappe kasetidi, eti xayiichchana; nubaa wolqqan ekkiyaageetu qaadainne nuna bonqqiyaageetu saamai hagaa.

Isiyaasa 24:9

Hagaappe sinttanau yettaa yexxiiddi, eti woiniyaa eessaa uyokkona; mattoyiya ushshai uyiyaageetau camo gidana.

Isiyaasa 42:24

Yaaqooba omooddiyaagau, Israa7eela bonqqiyaagau aattidi immidai oonee? A bollan nuuni nagaraa oottido, a ogiyan eti beennan ixxidonne a higgiyaukka eti azazettennan ixxido GODAA gidenneeyye?

Hoose7a 4:2

Ha biittan de7iyaabai qanggetta, worddo, asa woro, wuussanne shaaramuxa xalaala. Eti maachcha ubbaa kanttidosona; asaa woroi woruwaa kaallees.

Naahooma 2:12

Gaammoi ba maratussi gidiyaabaa oiqqiis; banaara de7iya macca gaammeessikka mentterettidi immiis. Ba geessuwaa hasi oiqqidoban, ba gonggoluwaakka hasi ehiido ashuwan kunttiis.

Naahooma 2:13

Ubbaappe Wolqqaama GODAI hagaadan yaagees; “Be7a, taani ne bollan denddaas! Taani ne para gaareta taman xuuggana; ne wodala gaammotakka bisoi maana. Neeni hasiyoobaa taani biittaappe xaissana; neeyyo kiitettiyaageetu qaalaikka naa77antto mulekka siyettenna” yaagees.

Imbbaaqooma 2:12

“Katamaa makkalan baasidi, asaa suuttan keexxiyaageetoo, intteyyo aayye7ana!