Mikiyaasa 4:2 - Wolaytta Bible

² Daro kawotettatu asai yiidi, “Haayite; GODAA deriyaa, Yaaqooba Xoossaa Beeta Maqidasiyaa ane pude kiyoos. I koyiyoogaadan nuuni baana mala, i nuna ba ogiyaa tamaarissana” yaagana. Aissi giikko, higgee Xiyooneppe, GODAA qaalaikka Yerusalaameppe kiyana.

Mikiyaasa 4:2 Iomraidhean Croise

Mazamure Maxaafaa 110:2

GODAI ne kawotaa maataa Xiyooneppe kiittana; kiittidi, “Ne morkketa haara!” yaagana.

Mazamure Maxaafaa 119:1

Bantta ogiyan boree bainnaageetinne GODAA higgiyaadan hemettiyaageeti anjjettidaageeta.

Mazamure Maxaafaa 119:171

Neeni ne awaajjuwaa tana tamaarissiyo gishshau, ta doonaappe galatai pulttana.

Mazamure Maxaafaa 122:1

Eti tana, “Ane GODAA keettaa boos” yaagin, taani ufaittaas.

Mazamure Maxaafaa 25:12

GODAASSI yayyiya asi oonee? I kaallanau bessiyo ogiyaa GODAI a tamaarissana.

Isiyaasa 2:3

Daro asai yiidi, “Haayite! GODAA deriyaa, Yaaqooba Xoossaa Beeta Maqidasiyaa ane pude kiyoos. I koyiyoogaadan nuuni baana mala, i nuna ba ogiyaa tamaarissana” yaagana. Aissi giikko, higgee Xiyooneppe, GODAA qaalaikka Yerusalaameppe kiyana.

Isiyaasa 54:13

Ne attuma naata ubbaa GODAI tamaarissana; ne naatu sarotettaikka darana.

Isiyaasa 56:7

taani ta geeshsha deriyaa ehaana; ehaada ta woosa keettan eta ufaissana. Eti ta yarshshiyoosaa bollan shiishshiyo, xuuggiyo yarshshoinne hara yarshshoi ekettana; aissi giikko, ta keettai asai ubbai Xoossaa woossiyo keetta geetettana” yaagees.

Ermmaasa 31:6

Efireema gezziyan naagiyaageeti, “Haayite; GODAAKKO, nu Xoossaakko, pude Xiyoone ane boos!” yaagidi xeesiyo wodee yaana' yaagaas” yaagees.

Ermmaasa 42:3

Nuuni biyo ogiyaanne nuuni oottanabaa i nuna bessanaadan, GODAA ne Xoossaa nu gishshatau woossa” yaagidosona.

Hoose7a 6:3

GODAA ane eroos; a erana mala, minttidi ane a kaalloos. Awai mokkiyoogee tuma gidiyoogaadan, ikka tumu beettana. Badhdheesa iraadan, biittaa aliya balggo iraadan, i nuukko yaana” yaagees.

Zakkaariyaasa 14:16

Hegaappe guyyiyan, Yerusalaameera olettida kawotettatu ubbaappe paxa attida ubbai Kawuwaassi, Ubbaappe Wolqqaama GODAASSI goinnanaunne Daase Ba7aalaa bonchchanau laittan laittan Yerusalaame baana.

Zakkaariyaasa 2:11

He wode daro Aihuda gidenna kawotettati GODAARA gaittidi, a asa gidana; ikka eta giddon de7ana. Qassi inttekka Ubbaappe Wolqqaama GODAI tana inttekko kiittidoogaa he wode erana.

Zakkaariyaasa 9:10

GODAI hagaadan yaagees; “Taani paraa gaareta Israa7eelappe, olaa paratakka Yerusalaameppe xaissana; olaa wonddafeekka meqerettana. Qassi ne kawoi kawotettatussi saruwaa awaajjana; i ha abbaa gaxaappe hini abbaa gaxaa gakkanaashiininne Efiraaxiisa SHaafaappe sa7aa gaxaa gakkanaashin haarana” yaagees.

Marqqoosa 16:20

Erissiyo ashkkarati biidi, ubbasan qaalaa yootidosona. Godaikka etaara issippe oottees; eti yootiyo qaalaikka tuma gididoogaa Xoossai etayyo immiyo malaatatun erissiis.

Luqaasa 24:47

Qassi nagaraappe simmiyoogeenne nagaraa atto giyoogee Yerusalaameppe doommidi, Aihuda gidenna asa ubbaassi a sunttan odettanau bessees’ geetettidi xaafettiis.

Yohaannisa 6:45

Hananabaa yootiyaageeti, ‘Xoossai asa ubbaa tamaarissana’ yaagidi xaafidosona; Aawai giyoogaa siyiyaageenne Aawaappe tamaariyaagee ooninne taakko yees.

Yohaannisa 7:17

Xoossaa sheniyaa oottanau dosiya ooninne ha taani tamaarissiyoogee Xoossaa matappe yiyaakko woi qassi taani ta huupheppe haasayiyaakko erana.

Yesuusi Kiittidoogeetu Oosuwaa 1:8

SHin Geeshsha Ayyaanai intte bolli wodhdhiyo wode, wolqqaa intte ekkana; ekkidi Yerusalaameeninne Yihudaa biitta ubban, Samaariyaaninne sa7aa gaxaa gakkanaashinkka taassi markkattiyaageeta gidana” yaagiis.

Yesuusi Kiittidoogeetu Oosuwaa 13:42

PHauloosinne Barnnaabaasi Aihuda woosa keettaappe kiyishin, asai eta naa77antto Sambbatankka hegaa gujjidi yootana mala woossiis.

Zaarettido Wogaa 6:1

“Intte laattanau biyo biittan intte oottanaadan taani inttena tamaarissana mala, GODAI intte Xoossai tana azazido azazoti awaajotinne higgeti hageeta.