Mikiyaasa 1:3 - Wolaytta Bible

³ Be7ite, GODAI ba de7iyo geeshsha sohuwaappe yees; duge yiidi, deretu huuphiyan hemettees.

Mikiyaasa 1:3 Iomraidhean Croise

Iyyooba Maxaafaa 40:12

Ane loitta xeellada, otorettiya ubbaa yeellaya; iitaa oottiyaageeta ubbaa eti de7iyoosan yedhdha!

Mazamure Maxaafaa 115:3

Nu Xoossai saluwaana; i ba dosidobaa aiba gidikkokka oottees.

Isiyaasa 25:10

Aissi giikko, GODAA kushee ashshanau ha deriyaa bollan gidana. SHin darccaa pito ollan yeggidi yedhdhiyoogaadan, Moo7aaba biittaa asai ba sohuwan yerettana.

Isiyaasa 26:21

Biittaa bollan de7iya asaa, eta nagaraa gishshau qaxxayanau, GODAI ba de7iyoosaappe kiyidi yees. Biittaikka ba bollan gukkida suuttaa qonccissana; woridoogeetakka naa77antto genttenna.

Hizqqeela 3:12

Hegaappe guyyiyan, tana Ayyaanai pude denttin, taappe guyyessan, wolqqaama cenggurssan, “GODAA bonchchoi i de7iyoosan galatettidaagaa gido!” giishin siyaas.

Amoxa 4:13

Dereta giigissidaagee, carkkuwaakka medhdhidaagee, ba wozanaa qofaa asau qonccissiyaagee, wonttaa poo7uwaa xumau laammiyaagee, biittan de7iya xoqqa dereta yedhdhiyaagee, au sunttai GODAA, Ubbaappe Wolqqaama Xoossaa.

Amoxa 9:5

Godai, Ubbaappe Wolqqaama GODAI sa7aa bochchees; bochchin sa7ai seerees; qassi sa7an de7iyaabai ubbaikka yeekkees. Naile SHaafai kixxidi balbbuqettiyoogaadan, biitta ubbai balbbuqettees; qassi he kixai wodhdhiyoogaadankka wodhdhees.

Imbbaaqooma 3:19

Ubbaa Haariya GODAI tau wolqqa; ta tohuwaa gaaraa tohuwaadan minttees; taani xoqqa sohotun hemettanau tana danddayissees. (Yexxiyaageeta kaalettiyaagaa hassayissiyoobaa: ha mazamuree diixxiyoobaa diixxiiddi yexxiyo mazamure.)

Zakkaariyaasa 14:4

He gallassi a tohoti Yerusalaameppe arshsho baggaara de7iya Dabira Zaite Deriyaa bolli eqqana. Dabira Zaite Dereekka arshshoppe arggo gakkanaashin, naa77u kiyidi phalqqettana; phalqqettin keehi aaho wombbai merettana; yaatobare deriyaassi baggai huuphessa baggi, qassi baggaikka tohossa baggi sher77i gaana.

Zaarettido Wogaa 32:13

“I biittaayyo xoqqa sohuwaa eta kessiis. SHooqan mokkida aifiyaa eta miziis. Zaallaa kooppuwaappe eta eessaa miziis; shuchcha biittaappe zaitiyaa miziis.

Zaarettido Wogaa 33:29

Inttenoo Israa7eela asau! Intte aiba anjjettidetii! GODAI ashshido intte mali oonee? I intteyyo gonddallenne inttena maaddiyaagaa; an intte xooniyo bisuwaa. Intte morkketi intte sinttan gufannana; inttekka eta qatuwaa laalana” yaagiis.