Mazamure Maxaafaa 98:1 - Wolaytta Bible

¹ GODAAYYO ooratta yettaa yexxite; aissi giikko, i maalaalissiyaabaa oottiis. A ushachcha kusheenne a geeshsha qesee ayyo xoonuwaa immiis.

Mazamure Maxaafaa 98:1 Iomraidhean Croise

Doomettaabaa 3:15

Taani nenanne maccaasiyo, ne zerettaanne i zerettaa morkke kessana; i ne huuphiyaa qoxxana; neenikka a qirbbiyaa dukkana” yaagiis.

Iyyooba Maxaafaa 40:9

Xoossaa wolqqaa mala wolqqai neeyyo de7ii? Xoossai guummiyoogaadan neeni guummanau danddayai?

Mazamure Maxaafaa 105:5

Inttenoo, a ashkkaraa Abrahaama zerettatoo, doorettida Yaaqooba naatoo, i oottido maalaalissiyaabaa, a malaataanne i pirddido pirddaa hassayite.

Mazamure Maxaafaa 136:4

A xalaalai gita maalaalissiyaabaa oottees; aggenna a siiqoi merinaagaa.

Mazamure Maxaafaa 139:14

Neeni tana maalaalissiya oorattabaa oottada medhdhido gishshau, taani nena galatais. Ne oosoti maalaalissiyaageeta! Taani qassi hegaa wurssada erais.

Mazamure Maxaafaa 149:1

GODAA galatite! GODAAYYO ooratta yettaa yexxite! Ammaniyaageetu yaa7an a sabbite!

Mazamure Maxaafaa 33:3

Ooratta yettaa yexxite; loitti diixxiiddi, qaalaa xoqqissidi yexxite.

Mazamure Maxaafaa 72:18

Maalaalissiyaabaa barkka oottiya GODAASSI, Israa7eela Xoossaassi galatai gido.

Mazamure Maxaafaa 77:14

Neeni maalaalissiyaabaa oottiya Xoossaa. Asaa giddon ne wolqqaa qonccissiyaagaa.

Mazamure Maxaafaa 86:10

Aissi giikko, neeni gita; neeni maalaalissiyaabaa oottaasa. Ne xalaalai Xoossaa.

Mazamure Maxaafaa 89:14

Xillotettainne suure pirddai ne kawotaa araataassi baaso. Aggenna siiqoinne tumatettai nena ajaboosona.

Mazamure Maxaafaa 96:1

GODAASSI ooratta yettaa yexxite; sa7an de7iya asau, ubbai GODAASSI yexxite.

Mazamure Maxaafaa 96:3

Kawotettaa giddon a bonchchuwaabaa, asaa ubbaa giddon a maalaalissiya oosuwaabaa awaajjite.

Kessaabaa 15:11

Abeet GODAU, Xoossatu giddon ne malai oonee? Geeshshatettan bonchchettiyaabi, bonchchuwan yayettiyaabi, garamiyaabaa oottiyaabi ne malai oonee?

Kessaabaa 15:6

“Abeet GODAU, ne ushachcha kushee wolqqan goobidaagaa; GODAU, ne ushachcha kushee morkkiyaa mentterettiis.

Isiyaasa 12:5

GODAI gita oosuwaa oottido gishshau, ayyo yexxite. Hagee sa7a ubban eretto.

Isiyaasa 42:10

GODAASSI ooratta mazamuriyaa yexxite; biittaa gaxaappe doommidi, a galataa yootite. Abbaa bollan biyaageetinne an kumida ubbaikka ane waassona. Abbaa doona biittatinne etan de7iya ubbaikka yexxona.

Isiyaasa 52:10

GODAI ba geeshsha qesiyaa kawotettatu ubbaa sinttan qonccissiis; qassi biittaa gaxai ubbaikka nu Xoossaa atotettaa be7ana.

Isiyaasa 59:16

Huqqunnettidaageeta maaddiya asi bainnaagaa GODAI be7iis; be7idi gaannatiya asi bainnaagau garamettiis. Hegaa gishshau, i eta ba gita wolqqaaninne ba suure pirddan ashshanau, i ba huuphen geliis.

Isiyaasa 63:5

Taani xeellaas; shin tana maaddiya issi asinne beettibeenna. Maaddiyaabi xayido gishshau, taani maalaalettaas. Hegaa gishshau, ta qesee taayyo xoonuwaa ehiis; ta hanqqoikka tana maaddiis.

Ermmaasa 31:22

Inttenoo, ammanoi bainna Israa7eelatoo, aude gakkanaashin toilattuuteetii? GODAI sa7aa bollan issi oorattabaa medhdhana; hegeenne, maccaasi attumaasaassi eqettidi, saro ashshiyoogaa mala oorattabaa” yaagees.

Yohaannisa 16:33

Intte ta giddon de7iiddi, saro de7ana mala, taani hagaa intteyyo odaas. Sa7an intte waayettana. SHin minnite; taani sa7aa xoonaas” yaagiis.

Yesuusi Kiittidoogeetu Oosuwaa 19:20

Hegaa mala wolqqaama ogiyan Xoossaa qaalai dicceesinne aakkees.

Qolasiyaasa 2:15

Kiristtoosi he masqqaliyan halaqatuppenne godatuppe wolqqaa wotti ekkidi, eta omooddidoogaa asa ubbaa qoncciyan yuushshi bessiis.

Ajjuutaa 14:3

Issi xeetanne oitamanne oiddu sha7u asati kawotaa araataa sinttan, oiddu paxa de7iya meretatu sinttaaninne cimatu sinttan eqqidosona. Eqqidi sa7aappe wozettida etappe attin, harai ooninne tamaaranau danddayenna ooratta mazamuriyaa yexxidosona.

Ajjuutaa 17:14

Eti Dorssaara olettana; shin dorssainne dorssaara de7iyaageeti, i xeegidoogeetinne dooridoogeeti, a kaalliya ammanettidaageeti, he kawota xoonana; aissi giikko, i godatu Godaanne kawotu Kawuwaa” yaagiis.

Ajjuutaa 3:21

Qassi taani xoonada ta Aawaara a kawotaa araatan uttidoogaadan, xoonida urau tanaara ta kawotaa araatan uttiyo alaafetettaa immana.

Ajjuutaa 5:9

Eti, “Xaatta woraqataa ekkanaunne maatafaa peerada dooyanau neeyyo bessees. Aissi giikko, neeni shuhettadasa. Neeni qommo ubbaappe, dumma dumma biitta qaala ubbaappe, yara ubbaappenne zare ubbaappe ne suuttan Xoossaayyo asaa wozadasa.

Ajjuutaa 6:2

Taani issi bootta paraa be7aas. He paraa toggidaagee wonddafiyaa oiqqiis; qassi ayyo akiliilee imettiis. Olaa i xooniiddinne qassikka xoonanau kiyiis.