Mazamure Maxaafaa 97:3 - Wolaytta Bible

³ Tamai appe sinttaara bees; a yuuyi aadhdhida morkketa xuuggees.

Mazamure Maxaafaa 97:3 Iomraidhean Croise

Mazamure Maxaafaa 18:8

A siiriyaappe hanqquwaa cuwai cuwattiis; a doonaappe miya tamaa lacoinne xuuggiya bonqqoi kiyiis.

Mazamure Maxaafaa 18:9

Saluwaa i phalqqidi, duge wodhdhiis; he wode a gediyaappe garssaara sikkida shaarai de7ees.

Mazamure Maxaafaa 50:3

Nu Xoossai yaana; co77u geenna. Eexxiya tamai a sinttaana; wolqqaama gotee a yuushuwaana.

Hizqqeela 1:4

Taani xeelliyo wode, gotee huuphessaara yiyaagaa be7aas; wolqqaama poo7oi gita shaaraa dooddi wottiis; he shaaraa giddoora wolqqanttai pozhzhu gees. Wolqqanttau giddo wozanai phooliya nahaasiyaa milatees.

Daaneela 7:10

Tamaa shaafai pulttidi, a araataa giddoppe kiyees. SHa7utoo sha7ati ayyo oottoosona; qassi daro miilooneti a sinttan eqqidosona. Yaatidaashin pirddaa pirddiyoogee doomettiis; maxaafatikka dooyettidosona.

Imbbaaqooma 3:5

GODAI boshaa baappe sinttau kiittees; haiquwaakka ba geeduwaa kaalettees.

Milkkiyaasa 4:1

Ubbaappe Wolqqaama GODAI hagaadan yaagees; “Be7ite, coociyaa tamaadan eexxiya gallassai matattiis; otorettiyaageetinne iitaa oottiyaageeti ubbai utula mala gidana. He yiya gallassai eta xuuggana; etayyo xaphuwaa xeeraakka ashshenna.

Zaarettido Wogaa 32:22

Ta hanqqoi tamaadan eexxidi, biittan de7iyaaba ubbaa xuuggana. He tamai Si7ooliyan de7iyaagaarakka gattidi xuuggana; deriyaa baasuwaa gakkanaashin, he tamai maana.

Zaarettido Wogaa 4:11

“He wode intte shiiqidi deriyaa xaphon eqqideta; saluwaayyo giddo ginaa gakkanaashin, he deriyaa bollan tamai eexxees; he deriyaa xaphoi sakkana xumaaninne shaaran goozetti uttiis.

Zaarettido Wogaa 4:36

I inttena tamaarissanau koyido gishshau, ba cenggurssaa saluwaappe inttena sissiis. Qassi ha sa7an ba gita tamaa inttena bessiis; he tamaa giddoppe intte a qaalaa siyideta.

Zaarettido Wogaa 5:4

He deriyaa bollan eexxiya tamaa giddon gididi, GODAI intte baazzan eqqidi inttenaara haasayiis.

Naa77antto Tasalonqqe 1:8

Qassi Xoossai bana erennaageetanne nu Godaa Yesuus Kiristtoosa wonggeliyaa mishiraachchuwaayyo azazettennaageeta qaxxayana.

Ibraawe 12:29

Aissi giikko, nu Xoossai tumu bashshiya tama.

Ajjuutaa 11:5

Ooninne eta qohanau koyikko, eta doonaappe tamai kiyees; kiyidi eta morkketakka xaissees. Qassi ooninne eta qohanau koyikko, hegaadankka haiqqana.

Ajjuutaa 20:15

De7o maxaafan ba sunttai xaafettibeenna asi ooninne tama abban yegettiis.