Mazamure Maxaafaa 93:1 - Wolaytta Bible

¹ GODAI kawotiis! Bonchchuwaa maayiis; wolqqaa gixxiis. Sa7ai minnidi eqqiis; mulekka qaaxxenna.

Mazamure Maxaafaa 93:1 Iomraidhean Croise

Hanidabaa Odiya Koiro Maxaafaa 16:30

Biittan de7iya asau ubbau, a sinttan kokkorite. Sa7ai minni eqqiis; mulekka qaaxxenna.

Hanidabaa Odiya Koiro Maxaafaa 16:31

Saloti ufaittona; sa7aikka hashshu go! Kawotettatu giddon eti, “GODAI kawotiis!” yaagona.

Hanidabaa Odiya Koiro Maxaafaa 29:12

Duretainne bonchchoi neeppe yees; neeni ubbabaa haaraasa. Wolqqainne minotai ne kushiyaana; neeni asaa ubbaa gitayanaunne minttanau danddayaasa.

Iyyooba Maxaafaa 40:10

Hegaa gidikko, ane ne bonchchuwaaninne gitatettan dendda! Ne puulaanne anggaa maaya!

Mazamure Maxaafaa 103:19

GODAI salotun ba kawotaa araataa essiis; a kawotettai ubbaa haarees.

Mazamure Maxaafaa 145:13

Ne kawotettai merinaa kawotettaa; ne maatai yeleta ubbaa gakkanaassa. GODAI ba giido qaalau ubbau ammanettiyaagaa; i ba ooso ubban qarettiyaagaa.

Mazamure Maxaafaa 18:32

Taayyo wolqqaa immiyaageenne ta ogiyaa saro oottiyaagee Xoossaattennee.

Mazamure Maxaafaa 59:13

ne hanqquwan eta xaissa. Xoossai Yaaqooba zareta haariyoogaanne sa7aa gaxaa gakkanaassi de7iya biittaa haariyoogaa asai erana mala, eta mulekka attennaadan xaissa.

Mazamure Maxaafaa 65:6

Neeni nena wolqqaa gixissada; gita dereta ne minotettan essadasa.

Mazamure Maxaafaa 65:7

Neeni abbaa wocamaanne beetaa gunttaa sirphphi oottaasa; qassi deree denddiyo denttaa irxxissaasa.

Mazamure Maxaafaa 75:3

Sa7ainne an de7iyaageeti ubbai qaaxxinkka, a mintta essiyaagee tana.

Mazamure Maxaafaa 96:10

Kawotettatu giddon, “GODAI kawotiis! Sa7ai minni eqqiis; mulekka qaaxxenna. GODAI asaa bolli suuretettan pirddana” yaagite.

Mazamure Maxaafaa 97:1

GODAI kawotiis sa7an de7iya asai ufaitto; haaho haruurotun de7iya asatikka ufaittona.

Mazamure Maxaafaa 99:1

GODAI kawotiis! Hegaassi asati kokkorona. Kiruubeta giyo kiitanchchatuppe bollaara kawotaa araatan uttees; hegaassi biittai qaaxxo;

Isiyaasa 11:5

Xillotettai a xeessau dancco gidana; ammanettiyoogeekka a miyyiyau qabatto gidana.

Isiyaasa 45:12

Taani sa7aa oottaas; asaakka a bolli medhdhaas. Salota taani ta kushiyan tolaas; etan de7iya meretata ubbaakka azazaas.

Isiyaasa 45:18

Salota medhdhida GODAI, biittaakka giigissidi oottidaagee, qassi asi de7anaadaanappe attin, biittaa coo medhdhibeenna Xoossai hagaadan yaagees; “Taani GODAA; taappe hari baawa;

Isiyaasa 49:8

GODAI hagaadan yaagees; “Taani doorido wodiyan ne oishaa zaaraas. Atotettaa gallassi taani nena maaddaas. Taani nena naagana; neeni biittaa zaarettada essana mala, asi de7enna biittatakka neeni laatissana mala, taani nena asaayyo maachcha oottada immaas.

Isiyaasa 51:16

Salota miccanaadan, biittaa baasuwaakka baasanaadan, qassi Xiyoone, 'Neeni ta asa' gaanaadan, taani ta qaalaa ne doonan wottaas; ta kushiyaa kuwan taani nena genttaas” yaagees.

Isiyaasa 51:9

Abeet GODAU, beegotta! Beegotta! GODAA qesiyau, wolqqaa maaya; kase aadhdhida wodetuuninne yeletatun beegottidoogaadan beegotta. Ra7aaba giyo demiyaa qanxxerettidaagee, miimminttiyaakka caddidaagee nena gidikkiiyye?

Isiyaasa 52:7

Lo77o mishiraachchuwaa ehiya, sarotettaa yootiya, ufaissiya mishiraachchuwaa yootiya, atotettaa yootiyaanne, Xiyoonekka, “Ne Xoossai kawotees” giiddi deretu bollaara yiya bitaniyaa tohoti aiba lo77iyoonaa!

Isiyaasa 59:17

GODAI xillotettaa tiran wottiyo ola miishshadan maayiis; ba huuphiyankka atotettaa qophiyaa wottiis. Haluwaa kessiyo maayuwaakka maayidi, mishuwaa qumaashshaa qumaayiis.

Isiyaasa 63:1

Eedooma biittan de7iya Booxira giyo katamaappe zo7o maayuwaa maayidi yiyaagee, hegee i oonee? Ha puulaara de7iya maayuwaa maayidi, ba wolqqaa minotettan sinttau horddofiyai oonee? GODAI, “Hegee xilluwaa haasayiyaanne wolqqan ashshiya tana gidikkinaa!” yaagees.

Maatiyoosa 6:13

Nuna iitabaappe ashshanaappe attin, paacen gelissoppa. Kawotettai, wolqqainne bonchchoi merinaukka neessa. Amin77i’ yaagite.

Ibraawe 1:8

SHin ba Na7aabaa haasayiiddi, “Xoossau, ne kawotaa araatai meri merinau de7ees. Ne kawotaa xam77aikka xillotettaa xam77aa.

Ajjuutaa 19:6

Hegaappe guyyiyan, daro asadan wocamiya, wolqqaama shaafadan guummiya, wolqqaama dadaadan xuuqqiya cenggurssaa taani siyaas. He cenggurssai, “Xoossaa galatai gakko. Aissi giikko, nu Godai, Ubbaappe Wolqqaama Xoossai kawotiis.