Mazamure Maxaafaa 92:2 - Wolaytta Bible

^2-3 Tammu baqettan waaxettida diittaanne maazinqqiyaa diixxiiddi, maallado aggenna siiquwaa, qammi neeni ammanettiyaagaa gidiyoogaa awaajjiyoogee lo77o.

Mazamure Maxaafaa 92:2 Iomraidhean Croise

Hanidabaa Odiya Koiro Maxaafaa 25:1

Daawitinne ola gadaawati Asaafa naatuppe, Hemaana naatuppenne Yidutuuna naatuppe maazinqqiyan diittaaninne daalan hananabaa yootiyaageetu oosuwaa oottanaadan dummayidosona. Banttau imettida oosuwaa oottin, sunttai mazggafettido asati hageeta.

Iyyooba Maxaafaa 35:10

SHin ooninne, 'Xoossai, tana Medhdhidaagee, qamman mazamuriyaa immidaagee, sa7aa do7atuppe aattidi, nuna tamaarissiyaageenne saluwaa kafotuppe aadhdhida eranchcha nuna oottiyaagee awan de7ii?' yaagenna.

Mazamure Maxaafaa 101:1

Taani aggenna siiquwaabaanne xillo pirddaabaa yexxana; abeet GODAU, taani neeyyo yexxana.

Mazamure Maxaafaa 145:2

Taani nena ubba gallassi sabbana; ne sunttaanne meri merinau galatana.

Mazamure Maxaafaa 147:1

GODAA galatite! Nu Xoossaa sabbiyoogee lo77ottennee; a sabbiyoogee ufaissiyaabaanne bessiyaabaa.

Mazamure Maxaafaa 42:8

Gallassi GODAI aggenna ba siiquwaa taayyo kiittees. Qammikka a yettai tanaara de7ees; he yettaikka taani taayyo de7uwaa immiya Xoossaa woossiyo woosaa.

Mazamure Maxaafaa 71:15

Woisaakko likkiyaa erana xayikkokka, ta doonai gallassa ubban ne xillotettaabaanne ashshiya ne oosuwaabaa yootana.

Mazamure Maxaafaa 77:2

Taani ta metuwaa gallassi Godaa koyais. Qamman taani shemppennan ta kusheta akko miccais; gidikkonne, taani minettanau danddayikke.

Mazamure Maxaafaa 9:3

Ta morkketi guyye simmiyo wode, ne sinttappe xubetti xayana.

Isiyaasa 63:7

GODAI nuussi oottido ooso ubbaa gishshatau, GODAA aggenna siiquwaanne a galataa taani yootana; ee, ba maarotaaninne ba kehatettaa daruwan Israa7eela asaassi i immido cora lo77obaa taani yootana.

Yohaannisa 1:17

Aissi giikko, Xoossai higgiyaa Muuse baggaara immiis; shin aaro kehatettainne tumatettai Yesuus Kiristtoosa baggaara yiis.

Yesuusi Kiittidoogeetu Oosuwaa 16:25

SHin qamma bilahe gidiyo heeran PHauloosinne Sillaasi Xoossaa woossiiddi, mazamuriyaa yettan Xoossaa galatoosona; galatishin qashuwaasai eti giyoobaa siyees.