Mazamure Maxaafaa 92:12 - Wolaytta Bible

¹² Xilloti zambbaadan daayana; qassi Liibaanoosa zigaadan diccana.

Mazamure Maxaafaa 92:12 Iomraidhean Croise

Kawotu Maxaafaa Koiruwaa 4:33

Solomoni Liibaanoosa zigaappe doommidi, keettaa gimbbiyaa bolli mokkiya hiisoophphiyaa giyo mittaa gakkanaashin, mittaabaa yootiis; hegaadankka qassi mehetubaa, do7atubaa, kafotubaa, sa7aara gooshettiya meretatubaanne moletubaa tamaarissiis.

Kawotu Maxaafaa Koiruwaa 6:29

Qol77uwaanne wuigiyaa godaa ubbaa kiruubeta, zambbaanne ciyyida ciishshaa misiliyaa massidoogan alleeqissiis.

Asttiri Maxaafaa 9:5

He keerido gallassi Aihudati bantta morkketa ubbaa bisuwan goora7idi wurssidosona; banttana ixxiya ubbaa bollankka bantta koyaa oottidosona.

Mazamure Maxaafaa 1:3

Hegee goggiya haattaa xaphuwan tokettidi, aifiyoo aginan aifiya, ba haittaakka qoqqofenna mittaa mala. I oottiyo ubbai au hanees.

Mazamure Maxaafaa 104:16

GODAA mittati, i tokkido Liibaanoosa zigati, daro iraa uyoosona.

Mazamure Maxaafaa 148:9

Inttenoo, deretoo, keratoo, miyo aifiyaa aifiya mittatoo, zigatoo, ubbatikka a galatite.

Mazamure Maxaafaa 37:34

GODAN ufaissaa wottada, a ogiyaa naaga. Neeni biittaa laattana mala, i nena gitayana. Iita asati xoqollettidi xayishin, neeni be7ana.

Mazamure Maxaafaa 52:8

SHin taani Xoossaa keettan aaciya wogaraa mala. Aggenna a siiquwan taani meri merinau ammanettais.

Mazamure Maxaafaa 72:7

I de7iyo laitta ubban xillotettai daayo; aginai xayana gakkanaassi sarotettai daro.

Mazamure Maxaafaa 92:7

Hegeenne, iitati maataadan diccikkokka, iita oottiya ubbati daayikkokka, eti merinaayyo xayana.

Isiyaasa 55:13

Agunttaa gishshaa xiiddai, gom77oriyaa gishshaakka xaittai mokkana. Mokkidi hegee GODAI hassayettiyoobanne merinau xayenna malaata gidana” yaagees.

Isiyaasa 65:22

Eti keexxin, harai de7enna; harai maanau tokkiyoobaa tokkokkona. Ta asaa laittai mittaa laittaadan aduqqana; qassi taani dooridoogeeti bantta adussa wodiyau bantta kushiyaa oosuwan ufaittana.

Ermmaasa 17:8

I haattaa lanqqiyan tokettidi, ba xaphuwaa goggiya haattau yeddida mittaa mala. Awaa suuluwaassikka i yayyenna. Aissi giikko, he mittaa haittai irxxi irxxashin de7ees. Irai bukkenna laittankka hirggenna; aifiyaa aifiyoogaakka dabarssenna.

Amoxa 2:9

“Gidikkonne, zigaadan aduqqidi, wolaadan minnida Amoore biittaa asata eta sinttappe xaissidaagee tana. Taani etau bolla aifiyaarakka garssa xaphuwaarakka ubbaa xaissaas.

Mikiyaasa 7:10

He wode ta morkkeekka be7ana; qassi tana, “GODAI ne Xoossai awan de7ii?” yaagi yaagidi qilliicciyaagee yeellaa maayana; i ogiyan de7iya urqqaadan yerettishinkka taani ta aifiyan be7ana.

Qoodaabaa 24:6

Eti micettida wombbaadan, shaafaa doonan de7iya ataakilttiyaa sohuwaadan, GODAI tokkido godare uuttaadaaninne haattaa doonan de7iya zigaadan hanoosona.