Mazamure Maxaafaa 9:9 - Wolaytta Bible

⁹ GODAI un77ettidaageetuyyo baqati attiyoobaa; meto wodiyankka geli attiyo soho.

Mazamure Maxaafaa 9:9 Iomraidhean Croise

Hanidabaa Odiya Koiro Maxaafaa 16:33

Hegaappe guyyiyan woran de7iya mitta ubbai ufaissan GODAA sinttan yexxana. Aissi giikko, i sa7aa bollan pirddanau yees.

Mazamure Maxaafaa 108:12

Asa maadoi pattenna gishshau, morkkiyaara olettanau neeni nuna maadda.

Mazamure Maxaafaa 142:4

Taani ushachchi simmada xeelliyo wode, tana maaddiyaabi issoinne baawa; taani qosetta attiyoosi baawa; tana naagiyaabi mulekka baawa.

Mazamure Maxaafaa 18:2

GODAI tau wogga zaallaa; taani olaappe naagettiyo miixaa; i tana ashshiyaagaa. Ta Xoossai taani akko baqatiyo ta wogga zaallaa. I ta gonddalliyaa. I tana ashshiya wolqqaamaa; i taani qosetta attiyo soho.

Mazamure Maxaafaa 20:1

Neeni metootido wode GODAI ne woosaa siyo; Yaaqooba Xoossaa sunttai nena naago.

Mazamure Maxaafaa 32:7

Neeni taayyo qosettiyo soho; neeni tana metuwaappe naagana. Atotettaa yettaa yexxiyaageeta ta yuushuwan wottadasa.

Mazamure Maxaafaa 37:39

Xillotu atotettai GODAAPPE yees; metuwaa wode i etayyo naagetti attiyo soho.

Mazamure Maxaafaa 46:1

Xoossai nuuni naagetti attiyo sohonne nuuyyo wolqqa. Nuna metoi gakkiyo wode, maaddanau i ubbaton matan de7ees.

Mazamure Maxaafaa 46:7

Ubbaappe Wolqqaama GODAI nunaara de7ees; Yaaqooba Xoossai nuuni qosetti attiyo soho.

Mazamure Maxaafaa 48:3

He katamaa gimbbiyaa giddon, banan saro sohoi de7iyoogaa Xoossai bessiis.

Mazamure Maxaafaa 50:15

Yaatada, metuwaa gallassi tana xeesa. Taani nena ashshana; neenikka tana bonchchana” yaagees.

Mazamure Maxaafaa 62:8

Asau, Xoossan ubba wode ammanettite; i nuuyyo qato gidiyo gishshau, intte metuwaa ayyo yootite.

Mazamure Maxaafaa 67:5

Abeet Xoossau, asai nena galato; asai ubbai nena galato.

Mazamure Maxaafaa 7:9

Qofaanne wozanaa qorada eriya xillo Xoossau, iitatu geniyaa neeni xaissa. SHin xilluwaa sarotan mintta wotta.

Mazamure Maxaafaa 96:10

Kawotettatu giddon, “GODAI kawotiis! Sa7ai minni eqqiis; mulekka qaaxxenna. GODAI asaa bolli suuretettan pirddana” yaagite.

Leemiso Maxaafaa 18:10

GODAA sunttai mino gimbbe mala; xillo asi yaa woxxidi saro attana.

Isiyaasa 32:2

Asai huuphiyan huuphiyan carkkuwaappe geemmiyo soho, gotiyaappe baqatiyo soho gidana; mela sohuwan goggiya haattanne booddila biittan de7iya gita zaallaa kuwaa mala gidana.

Isiyaasa 8:14

I geeshsha soho gidana; shin Yihudaa biittaa asaayyoonne Israa7eela biittaa asaayyo i xubbiya shuchchanne ooggiya zaalla gidana; Yerusalaamen de7iya asaayyo i gitenne pire gidana.

Naahooma 1:7

GODAI keha; metuwaa gallassikka baqati attiyo soho; i banan ammanettiyaageeta erees.

Luqaasa 13:34

“Yerusalaame katamaa asau, Yerusalaame katamaa asau, hananabaa yootiyaageeta intte woreeta; Xoossai inttekko kiittidoogeetakka shuchchan caddeeta; kuttiyaa ba marata ba qefiyan haphphiyoogaadan, taani intte naata issi diri shiishshanau aapputoo koyidanaa! SHin tana diggideta.

Zaarettido Wogaa 33:27

Merinaa Xoossai intteyyo qato; a merinaa kusheti intteppe garssaara de7oosona. I intte sinttappe intte morkketa gooddiis; intte eta wurssi xaissanaadan intteyyo yootiis.

Ibraawe 6:18

Xoossai worddotanau danddayenna ha naa77u laamettenna yohotun, i immana giido nu sinttan de7iyaagaa oiqqanau baqatida nuuyyo gita minttettoi de7ees.