Mazamure Maxaafaa 9:19 - Wolaytta Bible

¹⁹ Abeet GODAU, neeni dendda! Asi xoonoppo! Ne sinttan kawotettatu bolli neeni pirdda.

Mazamure Maxaafaa 9:19 Iomraidhean Croise

Doomettaabaa 32:28

Yaagin bitanee a, “Hagaappe sinttau ne sunttai Israa7eela geetettoppe attin, Yaaqooba geetettoppo; aissi giikko, neeni Xoossaaranne asaara baaxetada xoonadasa” yaagiis.

Hanidabaa Odiya Naa77antto Maxaafaa 14:11

Hegaappe guyyiyan, Asi GODAA ba Xoossaa woossidi, “Abeet GODAU, wolqqi bainna olanchchati wolqqaama olanchchata xoonanaadan maaddiyai neeppe attin, harai baawa! Abeet GODAU, nu Xoossau, nuuni nenan ammanettidi, ha cora olanchchatuura ne sunttan olettanau yiido gishshau, neeni nuna maadda. Abeet GODAU, neeni nu Xoossaa; nena asi xoonenna” yaagiis.

Mazamure Maxaafaa 10:12

Abeet GODAU, dendda. Xoossau, ne kushiyaa xoqqu oottada dentta; hiyyeesaa dogoppa.

Mazamure Maxaafaa 149:7

Hegeenne, eti kawotettatuyyo haluwaa kessanaassanne asata qaxxayanaassa.

Mazamure Maxaafaa 3:7

Abeet GODAU, dendda! Abeet ta Xoossau, tana ashsha! Aissi giikko, neeni ta morkketa ubbaa goggocuwaa shocadasa; iitatu achchaakka menttadasa.

Mazamure Maxaafaa 44:23

Abeet Godau, dendda! Aissi xiskkai? Beegotta! Merinaassi nuna aggoppa.

Mazamure Maxaafaa 44:26

Abeet Godau, dendda! Nuna maadda! Aggenna ne siiquwaa gishshau, nuna woza.

Mazamure Maxaafaa 7:6

Abeet GODAU, ne hanqquwan denddada, ta morkketu eexxiya hanqquwaa xaissa. Ta Xoossau, beegotta; tumaa pirdda.

Mazamure Maxaafaa 79:6

Nena erenna deretu bollinne ne sunttaa xeesenna kawotettatu bolli ne hanqquwaa tiga.

Isiyaasa 51:9

Abeet GODAU, beegotta! Beegotta! GODAA qesiyau, wolqqaa maaya; kase aadhdhida wodetuuninne yeletatun beegottidoogaadan beegotta. Ra7aaba giyo demiyaa qanxxerettidaagee, miimminttiyaakka caddidaagee nena gidikkiiyye?

Ermmaasa 10:25

Ne hanqquwaa nena erenna kawotettatu bollinne ne sunttaa xeesenna asatu bolli tiga. Aissi giikko, eti Yaaqooba asaa miidosona; eti eta ashshennan mi bayidosonanne eta aawaa biittaa xaissidosona.

Yuu7eela 3:12

Qassikka GODAI hagaadan yaagees; “Kawotettati denddidi, Yoosaafixa Wombbaa yoona; aissi giikko, Israa7eela yuushuwan de7iya kawotettatu ubbaa bollan pirddanau taani yan uttana.

Mikiyaasa 5:15

Taayyo azazettibeenna kawotettatu bolli yiilluwaaninne hanqquwan taani haluwaa kiyana” yaagees.

Sofonaasa 3:8

GODAI hagaadan yaagees, “Ane taani pirddiyo gallassai gakkanaashin, guuttaa takki giite. Aissi giikko, taani deretanne kawotettata shiishshanau qachchaas; shiishshada ta hanqquwaa suuluwaa eta bolli gussana. Sa7ai muleerakka ta hanqquwaa taman xuugettana.

Zakkaariyaasa 14:18

Gibxxe biittaa asaikka biidi goinnennan ixxikko, Daase Baalaa bonchchanau beennan ixxiya asaa GODAI shociyo boshai eta bollankka yaana.

Ajjuutaa 19:15

Asa zareta i dechchana qara bisoi a doonaappe kiyees. Birata dullan asaa i haarana. Ubbaappe Wolqqaama Xoossaa hanqquwaa eessai buulettiyoosan woine aifiyaa i gum77ana.

Sameela Maxaafaa Koiruwaa 2:9

I Xoossaa asatu gediyaa naagees; shin iitata i xuman co77u oottana. Asi ba wolqqan xoonenna;