Mazamure Maxaafaa 9:10 - Wolaytta Bible

¹⁰ Ne sunttaa eriyaageeti nenan ammanettoosona; aissi giikko, GODAU, neeni nena koyiyaageeta yegga bayakka.

Mazamure Maxaafaa 9:10 Iomraidhean Croise

Sameela Maxaafaa Naa77anttuwaa 22:3

Ta Xoossai taani akko baqatiyo ta wogga zaallaa. I ta gonddalliyaa; i tana ashshiya wolqqaamaa. I taani qosetta attiyo soho; i tana makkalanchcha asatuppe ashshees.

Hanidabaa Odiya Koiro Maxaafaa 28:9

“Solomonaa, ta na7au, ne aawaa Xoossaa era. Ne kumetta wozanaaninne ne eeno giya qofan ayyo ootta. Aissi giikko, GODAI wozanaa ubbaa qorees; qofan de7iya halchchuwaa ubbaakka erees. Neeni a koyikko, i neeyyo beettana; shin neeni a aggikko, i nena merinau aggi bayana.

Mazamure Maxaafaa 37:28

Aissi giikko, GODAI xillobaa dosees. Xoossaa asata i yeggenna; xilloti merinau naagettoosona. SHin iitatu zerettai xoqollettana.

Mazamure Maxaafaa 37:39

Xillotu atotettai GODAAPPE yees; metuwaa wode i etayyo naagetti attiyo soho.

Mazamure Maxaafaa 5:11

SHin neekko baqati qosetti attiya ubbai ufaittona; eti ubbaton ufaissan yexxona. Neenikka eta naagana; ne sunttaa siiqiya ubbati nenan keehi ufaittona.

Mazamure Maxaafaa 57:1

Tana maara; abeet Xoossau, tana maara; taani neekko baqatais. Taani bashshai aadhdhana gakkanaassi, ne qefiyaa giddo baqatada attais.

Mazamure Maxaafaa 91:14

Xoossai hagaadan yaagees; “I tana siiqido gishshau, taani a ashshana. I ta sunttaa erido gishshau, taani a naagana.

Leemiso Maxaafaa 18:10

GODAA sunttai mino gimbbe mala; xillo asi yaa woxxidi saro attana.

Isiyaasa 25:4

Neeni hiyyeesau baqati attiyo soho. Metootanchchaukka ba metuwaa wode baqati attiyo soho, uushuwaappe sheephetiyo sohonne awaa seelaappe attiyo kuwa gidadasa. Aissi giikko, meqetti bainna asaa hanqqoi gimbbiyaa shociya uushuwaa malanne

Isiyaasa 45:19

taani geeman, awankko issi xuma biittan haasayabeikke. Yaaqooba zerettaassikka, 'Tana mela sohuwan koyite' gabeikke. Taani GODAI tumaa haasayais; likkebaa odais.

Ermmaasa 29:13

Intte tana koyana; intte tana intte polo wozanaappe koyido wode demmana.

Naahooma 1:7

GODAI keha; metuwaa gallassikka baqati attiyo soho; i banan ammanettiyaageeta erees.

Yohaannisa 17:3

Asai nena issi Xoossaa gididaagaa erana malanne, qassi neeni kiittido Yesuus Kiristtoosa erana mala, hagee merinaa de7o.

Naa77antto Qoronttoosa 4:6

Aissi giikko, “Xumaappe poo7oi poo7ana” giida Xoossai nu wozanan ba poo7uwaa poo7issiis; qassi i ba bonchcho eratettaa poo7uwaa Kiristtoosa sinttan poo7iyaagaa nuuyyo immanau poo7issiis.

Naa77antto Ximootiyoosa 1:12

Qassi taani ha metuwaa ekkiyoogee hegaa gishshassa. SHin taani ammanidoogaa eriyo gishshau, yeellatikke. Qassi taani ayyo immido hadaraa he gallassai gakkanaassi, i naaganau danddayiyoogaa erais.

Koiro Yohaannisa 2:3

Nuuni Xoossaa azazuwaa naagikko, tumu a eriyoogaa hegan shaakkanau danddayoos.

Koiro Yohaannisa 5:20

Nuuni tumu Xoossaa eranaadan, Xoossaa Na7ai yiidoogaanne nuuyyo akeekaa immidoogaa eroos. Nuuni tumu Xoossaa giddon, a Na7aa Yesuus Kiristtoosa giddon de7eettees; i tumu Xoossaanne merinaa de7uwaa.