Mazamure Maxaafaa 86:7 - Wolaytta Bible

⁷ Neeni taayyo alliyo gishshau, ta metuwaa gallassan taani neeyyo waassais.

Mazamure Maxaafaa 86:7 Iomraidhean Croise

Mazamure Maxaafaa 142:1

Ta qaalaa xoqqu oottada, taani GODAASSI waassais. Ta qaalaa xoqqu oottada, GODAASSI watiwatais.

Mazamure Maxaafaa 142:3

Taani hitido wode, neeni ta ogiyaa eraasa. Taani hemettiyo ogiyan taayyo gitiyaa qotti wottidosona.

Mazamure Maxaafaa 17:6

Abeet Xoossau, taani woossin, neeni siyiyo gishshau, taani nena woossais. Ne haittaa taakko zaarada, taani neeyyo yootiyoogaa ezgga.

Mazamure Maxaafaa 18:6

Tana metoi iissin, GODAA xeesaas; “Tana maadda” gaada ta Xoossaayyo waassaas. I ba Beeta Maqidasiyan ta cenggurssaa siyiis; taani waassido waasoi a haittan wodhdhiis.

Mazamure Maxaafaa 50:15

Yaatada, metuwaa gallassi tana xeesa. Taani nena ashshana; neenikka tana bonchchana” yaagees.

Mazamure Maxaafaa 91:15

I tana xeegiyo wode, taani ayyo koyana. Metuwan taani aara issippe gidana; taani a ashshananne bonchchana.

Isiyaasa 26:16

Abeet GODAU! Metuwaa wode eti nena koyidosona. Neeni eta qaxxayido wode, eti nena woossidosona.

Yoonaasa 2:2

“Taani ta tuggaa giddon de7aidda GODAA xeegaas; xeegin i tau koyiis. Taani Si7ooliyaa ulo giddon de7aidda waassaas; neenikka ta waasuwaa siyadasa.

Luqaasa 22:44

Ba wozanaa giddon mishettidi, daro minttidi woossees. I cawattiyo cawai sa7an xokkiya suutta milatees.

Ibraawe 5:7

Yesuusi sa7an de7iyo wode, bana haiquwaappe ashshanau danddayiya Xoossaa keehi yeekkidinne afuxxidi woossiisinne oichchiis; Xoossai a woosaa siyidoogee, i bana toochchidoogaassanne bau yayyidoogaassa.