Mazamure Maxaafaa 80:9 - Wolaytta Bible

⁹ Neeni lanqqiyaa qeexadasa; yaatin, xaphuwaa yeddidi, daayidi, biitta ubbaa gakkiis.

Mazamure Maxaafaa 80:9 Iomraidhean Croise

Sameela Maxaafaa Naa77anttuwaa 7:10

Qassi taani ta asaassi Israa7eelassi soho immada, eta he sohuwan tokkana. Hegaa gishshau, eti bantta sohuwan de7ana; naa77antto eti shabbirettokkona. Beni wodiyaaninne ta asaa Israa7eela bolli daannatiyaageeta taani sunttido wodiyaadan, iitati eta zaarettidi naaqqokkona. Qassi taani nena ne morkketu ubbaappe shemppissana. “'“Hegaa bollankka GODAI ba huuphen ne zareti de7i be7anaadan oottanaagaa neessi yootees.

Kawotu Maxaafaa Koiruwaa 4:20

Yihudaa asainne Israa7eela asai abbaa doona shafiyaadan corattidosona; eti miiddinne uyiiddi ufaittidi de7idosona.

Kawotu Maxaafaa Koiruwaa 4:25

A de7o laitta ubban Yihudaa asainne Israa7eela asai Daanappe biidi Berssaabeha gakkanaashin, ubbai ba woiniyaa turaa kuwaaninne ba ettaa kuwan saro de7iis.

Hanidabaa Odiya Koiro Maxaafaa 21:5

Yoo7aabi qoodido asaa qoodaa Daawitayyo immiis. Israa7eela biittan ubban bisuwan olettanau danddayiya issi miiloonenne issi xeetu sha7u mino asati de7oosona. Qassi Yihudaa biittan bisuwan olettanau danddayiya oiddu xeetanne laappun tammu sha7u mino asati de7oosona.

Mazamure Maxaafaa 105:44

I etayyo dere asatu biittaa immiis; immin eti harati daafurido goshshaa laattidosona.

Mazamure Maxaafaa 44:3

Eti bantta bisuwan olidi, he biittaa kessibookkona; eti bantta kushiyaa minotettan xoonibookkona. SHin neeni eta siiqido gishshau, eti ne ushachcha kushiyaa, ne qesiyaanne ne sinttaa poo7uwaa wolqqan xoonidosona.

Isiyaasa 27:2

He gallassi hagaadan geetettana; “Hagee dosettida woiniyaa turaa soho; abaa yexxite!

Isiyaasa 27:6

Yaana gallassatun Yaaqoobi xaphuwaa yeddana; Israa7eeli aacananne ciyyana; yaatidi aifido aifee sa7aa ubbaa kumana.

Isiyaasa 37:31

Yihudaa asaa atettati xaphuwaa duge yeddidi, bollan aifiyaa aifiya mittaa mala gidana.

Isiyaasa 5:2

Biittaa bookkidi, shuchchaa qori kessidi, ubbaappe lo77iya woiniyaa turaa tokkiis. Tokkidi naagiyo shakkuwaa a giddon shakkiis; woiniyaa eessaa gum77iyoosaa woocidi giigissiis. Hegaappe guyyiyan, lo77o aifiyaa aifees yaagidi naagiis; shin caaliya aifiyaa aifiis.

Ermmaasa 12:2

Neeni eta tokkadasa; tokkin xaphuwaa yeddidosona; diccidi aifiyaa aifidosona. Eti nena doonaappe yeggokkona; shin eta wozanaappe neeni haahuwan de7aasa.

Ermmaasa 2:21

Taani nena muruta zerettaappe ekkada, lo77o woine turadan tokkaas. Yaatin, waana guyye simmada, woran mokkida, moorettida woine tura gidadii?” yaagees.

Yaasu Maxaafaa 24:12

Kashiyaa intteppe sinttau kiittada, Amooretu kawota naa77ata intte sinttaappe kessaas. Hagee ubbai hananau danddayidoogee, intte bisuwaaninne intte wonddafiyaani gidenna.