Mazamure Maxaafaa 79:4 - Wolaytta Bible

⁴ Nu shoorotuyyo nuuni cayiyoobaa gidida; nu heeran de7iyaageetuyyo miicciyoobaanne qiriyoobaa gidida.

Mazamure Maxaafaa 79:4 Iomraidhean Croise

Kawotu Maxaafaa Koiruwaa 9:7

yaatikko, Israa7eela asaa taani kase etayyo immido biittaappe xoqollana; taani ta sunttaayyo geeshshido ha Beeta Maqidasiyaakka aggaagana. Aggin Israa7eelati asaa ubbaa giddon haiseyiyoobaanne qilliicciyoobaa gidana.

Nahimiyaa Maxaafaa 1:3

Eti zaaridi, “Omooduwan gam77idi, bantta biittaa simmida Aihudati gita metuwaaninne yeellaa giddon de7oosona. Yerusalaame gimbbiyaa dirssai kolettiis; qassi gimbbiyaa penggetikka taman xuugettidosona” yaagidosona.

Nahimiyaa Maxaafaa 2:19

SHin Beeti-Horoona katamaa asa gidiya Sanbbalaaxi, Amoona biittaa asa gidiya Xoobbeenne Araba biittaa asa gidiya Gesheemi hagaa siyido wode, nu bollan qilliiccidi miiccidosona. Qassi, “Hagee intte oottiyoobai aibee? Woikko qassi kawuwaa bollan wonjjalanau koyeetii?” yaagidi oichchidosona.

Mazamure Maxaafaa 80:6

Neeni nuna nu shoorotu ooshshaassi gaaso oottadasa; nu morkketi nu bolli miiccidosona.

Mazamure Maxaafaa 89:41

Ogiyaara aadhdhiya ubbati a bonqqidosona; i ba shoorotuyyo boriyoobaa gidiis.

Isiyaasa 43:28

Hegaa gishshau, taani Beeta Maqidasiyaa halaqata tunissaas; Yaaqooba bashshau, Israa7eelakka cashshau aattada immaas” yaagees.

Ermmaasa 24:9

Laalada yeddiyo biitta ubban taani eta ha sa7aa kawotettatu ubbau daganttiyaabaanne cayiyoobaa, boriyoobaanne leemisiyoobaa, qilliicciyoobaanne qanggiyoobaa oottana.

Ermmaasa 25:18

Hachchi hanidoogaadankka eta ubbaa bashshanne dagama, cashshanne qanggetta oottana mala, Yerusalaamenne Yihudaa katamata, a kawotanne a halaqata ubbaa ushshaas.

Ermmaasa 42:18

“Ubbaappe Wolqqaama GODAI, Israa7eela Xoossai hagaadan yaagees; 'Yerusalaamen de7iyaageetu bollan ta hanqqoinne ta yiilloi gukkidoogaadan, intte Gibxxe geliyo wode intte bollankka ta hanqqoi hegaadan gukkana. Intte dagama, cashsha, qanggettanne qilliicciyoobaa gidana; ha sohuwaa naa77antto mulekka be7ekketa' yaagees.

Ermmaasa 51:51

Intte, 'Nuuni cayettido gishshau kauyyida; allagati GODAA Beeta Maqidasiyan de7iya geeshsha sohota gelido gishshau, nuuni yeellaa maayida' yaagideta.

Ermmaasa Zilaassaa 1:11

I asati namisettidi, qumaa demmanau ooloosona. Eti paxa de7ana gishshau giidi, bantta bonchcho buquraa ubbaa quman laammoosona. Yerusalaama hagaadan yaagausu; “Abeet GODAU, xeella; taani karettidoogaa be7a!

Ermmaasa Zilaassaa 5:1

Abeet GODAU, nu bolli gakkidabaa ubbaa hassaya; nuna xeella; nu kaushshaakka be7a!

Hizqqeela 22:5

Nenoo, suntti moorettidonne shabbirettida katamau, mataaninne haahuwan de7iyaageeti nena qilliiccana.

Hizqqeela 35:12

Qassi intte, 'Israa7eela dereti baisa attidosona; nuuni mi xaissana mala, nuussi imettidosona' giidi, haasayido cashshaa ubbaa taani GODAI siyidoogaa intte he wode erana.

Hizqqeela 36:15

Qassi kawotettatu cashshaa hagaappe sinttanau taani inttena sissikke; intte asaa yeellaakka hagaappe sinttanau tookkekketa; qassi intte asaassi xube gidekketa. Taani Ubbaa Haariya GODAI hagaa odais” yaagees' yaaga” yaagiiddi yiis.

Daaneela 9:16

Abeet Godau, neeni kase ne xillo ooso ubbaa oottidoogaadan, hai ne hanqquwaanne ne teegaa ne katamaappe, Yerusalaameppe, ne geeshsha deriyaappe, wora zaara. Nuuni oottido nagarainne nu aawati oottido mooroi Yerusalaamenne ne asaanne nu yuushuwan de7iya ubbaassi qilliicciyoobaa kessiis.

Zakkaariyaasa 8:13

Inttenoo Yihudaa asatoo, inttenoo Israa7eela asatoo, kawotettatu giddon intte qanggettidaageeta gididi de7ideta; shin ha77i taani inttena ashshana; inttekka anjjettidaageeta gidana. Yayyoppite! Intte kushiyaakka minttite!” yaagees.

Zaarettido Wogaa 28:37

GODAI nena laaliyo hara kawotettatu ubbaa giddon poora hageetubaa giidi, qilliicciyoobaanne baceessiyoobaa gidana.