Mazamure Maxaafaa 78:24 - Wolaytta Bible

²⁴ Eti maanau, etau mannaa bukissiis; saluwaa kattaa etayyo immiis.

Mazamure Maxaafaa 78:24 Iomraidhean Croise

Nahimiyaa Maxaafaa 9:15

Eti namisettido wode saluwaappe qumaa immadasa; qassi eti saamettido wode zaallaappe haattaa pulttissadasa. Neeni etayyo immanau caaqqido biittaa gelidi laattana mala azazadasa.

Nahimiyaa Maxaafaa 9:20

Eta tamaarissana mala, ne lo77o Ayyaanaa etayyo immadasa. Maanau mannaa eta doonaappe pacissabaakka; qassi eta saamuwaassikka haattaa immadasa.

Mazamure Maxaafaa 105:40

Eti miyoobaa oichchin, kuraachcho misatiya kafota etau yeddiis; eta saluwaa qumaa kalissiis.

Mazamure Maxaafaa 68:9

Abeet Xoossau, neeni iraa darissada bukissadasa; qa77ettida biittaa zaarada ooraxissadasa.

Kessaabaa 16:14

Xaazai xaskkido wode, sa7an wodhdhida shachcha misatiya burcce poqoi bazzo biittaa bollan beettiis.

Kessaabaa 16:4

Yaagin GODAI Muusa, “Taani intteyyo saluwaappe oittaa bukissana; asai ubba gallassikka kiyidi, hachchi hachchissi gidiyaagaa xalaalaa maxanau koshshees. Asai ta azazuwaa kaalliyaakko kaallennaakko taani eta hegan paaccana.

Koiro Qoronttoosa 10:3

Eti ubbai he issi ayyaana qumaa miidosona.

Zaarettido Wogaa 29:5

GODAI oitamu laittaa kumettaa inttena biittaa bazzuwan kaalettiyo wode, intte maayoi intte bollaappe wuribeenna, intte caammaikka intte tohuwaappe wuribeenna.

Zaarettido Wogaa 8:3

I nena ziqqi oottiisinne namisissiis; hegaappe simmidi nena gidin, woi ne maizza aawata gidinkka, erenna mannaa nena miziis. Hegaa i oottidoogee asi GODAI haasayiyo qaala ubbaanappe attin, oitta xallan de7ennaagaa nena tamaarissanaassa.