Mazamure Maxaafaa 72:12 - Wolaytta Bible

¹² A xeesiya hiyyeesata, naaqettidaageetanne maaddiyaabi bainnaageeta i ashshees.

Mazamure Maxaafaa 72:12 Iomraidhean Croise

Sameela Maxaafaa Naa77anttuwaa 14:16

Xoossai nuuyyo immido laataappe tananne ta na7aa xaissanau koyiya asa kushiyaappe kawoi siyidi ashshanaakkonne' yaagada qoppais.

Iyyooba Maxaafaa 29:12

Aissi giikko, maaduwaassi waassiya hiyyeesatanne aawai aayyiyaa xayin, maaddiyaabi bainnaageeta taani ashshaas.

Iyyooba Maxaafaa 36:15

Xoossai tuggatiyaageeta eta tuggan tamaarissees; i eta metuwaa baggaara eta sissees.

Mazamure Maxaafaa 10:17

Abeet GODAU, neeni banttana ziqqissiyaageetu amuwaa siyaasa. Neeni eta minttettaasa.

Mazamure Maxaafaa 102:17

I hiyyeesatu woosaa siyana; eta watiwatuwaa karenna.

Mazamure Maxaafaa 102:20

Hegeenne, qashettida asatu ooliyaa siyanaassanne haiquwaassi pirddettida asata birshshanaassa.

Mazamure Maxaafaa 55:17

Maallado, gallassinne omarssi taani waassananne ta metuwaa ayyo yootana; yootin i tabaa siyana.

Mazamure Maxaafaa 72:4

He kawoi asaa giddon naaqettidaageetu gishshaa mootetto; hiyyeesata i ashsho; huqqunniyaageeta i mentteretto.

Leemiso Maxaafaa 29:7

Xillo asi hiyyeesaa maataa erees; shin iita asi hegaa mala eraa mulekka erenna.

Eranchchaa Maxaafaa 4:1

Taani qassikka, salo gufantton asi asa ai keenaa naaqqiyaakkonne xeellaas. Naaqettidaageeti banttana minttettiyaabaa xayidi yeekkoosona. Naaqqiyaageetussi gita maatai de7iyoogaappe attin, naaqettiyaageeta maaddiyaabi ooninne baawa.

Isiyaasa 41:17

“Hiyyeesatinne metootanchchati haattaa koyin etau xayiyo wode, qassi eta kookkeekka saamuwan meliyo wode, taani GODAI etau siyana; taani, Israa7eela Xoossai eta aggikke.

Luqaasa 7:22

Yesuusi zaaridi, “Biidi intte be7idoogaanne siyidoogaa Yohaannisassi yootite; qooqeti xeelloosona; wobbeti hemettoosona; inchchirichchai oiqqidoogeeti paxoosona; tulleti siyoosona; haiqqidaageeti denddoosona; hiyyeesati wonggeliyaa mishiraachchuwaa siyoosona.

Naa77antto Qoronttoosa 8:9

Aissi giikko, intte nu Godaa Yesuus Kiristtoosa aaro kehatettaa ereeta; Kiristtoosi dure gidi uttidi, intte a hiyyeesatettan duretanaadan, intte gishshau hiyyeesiis.

Ibraawe 7:25

Hegaa gishshau, i eta gishshaa gaannatanau merinau de7iyo gishshau, Xoossaakko ba baggaara yiyaageeta muleera ashshanau danddayees.

Sameela Maxaafaa Koiruwaa 22:2

Metootidaageeti, woikko acuwan gelidaageeti, woikko sa7ai iitidoogeeti ubbati Daawitakko shiiqidosona; shiiqin i etayyo halaqa gidiis. Issi oiddu xeetaa gidiya asai aara de7ees.