Mazamure Maxaafaa 72:11 - Wolaytta Bible

¹¹ Kawotu ubbai ayyo gulbbatona; kawotettati ubbai ayyo kiitettona.

Mazamure Maxaafaa 72:11 Iomraidhean Croise

Mazamure Maxaafaa 86:9

Abeet Godau, neeni medhdhido kawotettaa asai ubbai yiidi, ne sinttan gulbbatana; eti ne sunttaa bonchchana.

Isiyaasa 11:9

Ta geeshsha deriyan ooninne qohettenna, woikko bayenna; aissi giikko, abbai haattan kumiyoogaadan, sa7ai GODAA eriyoogan kumana.

Isiyaasa 49:7

Asai karidoogau, ixxidoogaunne deriyaa haariyaageetu ashkkarau, GODAI, Israa7eela Woziyaagee, Israa7eela Geeshshai hagaadan yaagees; “Ammanettiya GODAA gishshaunne nena doorida Israa7eela Geeshshaa gishshau kawoti be7idi, denddi eqqana. Deriyaa haariyaageetikka be7idi goinnana” yaagees.

Isiyaasa 54:5

Aissi giikko, nena Medhdhidaagee neessi azinaa; ayyo sunttaikka Ubbaappe Wolqqaama GODAA. Israa7eela Geeshshai nena Wozidaagaa; i biitta ubbaa Xoossaa geetettees” yaagees.

Mikiyaasa 7:17

Eti shooshshaadan, biittaa laaccana; sa7aara tiran gooshettiya meretatudan kokkoriiddi, bantta qatuwaappe kiyana. Kiyidi gita dagaman GODAAKKO, nu Xoossaakko, simmana; eti GODAASSI yayyiiddi de7ana.

Qoodaabaa 24:7

Etau daro haattai pulttana; eta zerettau gidiya haattai de7ana. Eta kawoi Kawuwaa Agaagappe gitatana; eta kawotettaikka bonchchettana.

Roome 11:25

Ta ishatoo, taani intte eranaadan koyiyo tumu xuura yohoi de7ees; hegee intte inttena intterkka, nuuni aadhdhida eranchcha yaagidi qoppiyoogaa teqqees; Israa7eela asaappe baggai siyennan ixxiis; shin he siyennan ixxiyoogee Aihuda gidenna asaa kumetta qoodai Xoossaakko gakkanaassi gam77ana.

Ajjuutaa 11:15

Hegaappe guyyiyan, laappuntta kiitanchchaikka ba malkkataa punniis. Saluwan, “Sa7aa kawotettai ha77i nu Godaassanne a Kiristtoosassa; qassi merinaappe merinaa gakkanaassi i haarana” yaagiya wolqqaama cenggurssai siyettiis.

Ajjuutaa 17:14

Eti Dorssaara olettana; shin dorssainne dorssaara de7iyaageeti, i xeegidoogeetinne dooridoogeeti, a kaalliya ammanettidaageeti, he kawota xoonana; aissi giikko, i godatu Godaanne kawotu Kawuwaa” yaagiis.

Ajjuutaa 21:24

Asa zerettai katamee poo7uwan hemettana. Sa7aa kawotikka bantta bonchchuwaa he katameekko ehaana.

Ajjuutaa 21:26

Asa zeretta gitatettainne bonchchoi he katameekko shiiqana.