Mazamure Maxaafaa 71:22 - Wolaytta Bible

²² Abeet ta Xoossau, ne tumatettaa gishshau, taani nena diittan galatana. Abeet Israa7eela geeshshau, taani maazinqqiyan nena sabbana.

Mazamure Maxaafaa 71:22 Iomraidhean Croise

Kawotu Maxaafaa Naa77anttuwaa 19:22

“'Neeni cayidoogeenne toochchidoogee oonee? Neeni o bollan ne qaalaa xoqqu oottada haasayadii? Qassi otoruwan oona xoqqu gaada xeelladii? Hegaa neeni oottidoi ta bollaana, Israa7eela Geeshshaa bollaana gidennee!

Mazamure Maxaafaa 138:2

Ne geeshsha Beeta Maqidasiyaakko simmada ziggaidda, aggenna ne siiquwaanne ne tumatettaa gishshau, taani ne sunttaa galatais; aissi giikko, neeni ne sunttaanne ne qaalaa ubbaappe aattada xoqqu oottadasa.

Mazamure Maxaafaa 144:9

Abeet Xoossau, taani neeyyo ooratta yettaa yexxana; tammu baqettan waaxettida diittaa neeyyo diixxana.

Mazamure Maxaafaa 25:10

GODAA maachchaanne a awaajjuwaa naagiyaageetayyo a ogee ubbai tumatettanne aggenna siiqo.

Mazamure Maxaafaa 33:2

Maazinqqiyaa diixxiiddi, GODAA galatite; tammu baqettan waaxettida diittaakka ayyo diixxite.

Mazamure Maxaafaa 43:4

He wode taani ta Xoossaa yarshshuwaasaa, tana ufaissiya Xoossaakko baana. Abeet Xoossau, ta Xoossau, taani diittaa diixxaidda, nena sabbana.

Mazamure Maxaafaa 56:4

Taani Xoossan ammanettais; taani a qaalaa galatiyo Xoossan ammanettaisinne yayyikke. Asi tana ai oottanee?

Mazamure Maxaafaa 78:41

Eti zaari zaaridi, Xoossaa paaccidosona; Israa7eela Geeshshaa hanqqetissidosona.

Mazamure Maxaafaa 89:1

Abeet GODAU, aggenna ne siiquwaabaa taani merinau yexxana. “GODAI ammanettiyaagaa” gaada, yeleta ubbaayyo ta doonan awaajjana.

Mazamure Maxaafaa 89:18

Nu gonddallee nu GODAASSA; nu kawoi Israa7eela geeshshaassa.

Mazamure Maxaafaa 98:3

I Israa7eela so asaa siiqiyoogaanne etau ammanettiyoogaa hassayiis. Sa7aa gaxaa gakkanaassi de7iya asai ubbai nu Xoossaa xoonuwaa be7iis.

Mazamure Maxaafaa 98:4

Sa7aa bollan de7iya asau ubbau, GODAAYYO ufaissan yexxite; qaalaa xoqqu oottidi, ufaissa sabaa sabbite.

Mazamure Maxaafaa 98:5

Diittaa GODAAYYO diixxite; diittaaninne yettan GODAA sabbite.

Isiyaasa 12:6

Israa7eela Geeshshai intte giddon xoqqu xoqqu giido gishshau, inttenoo, Xiyoonen de7iyaageetoo, hombbocite! Ufaissau yexxite!” yaagana.

Isiyaasa 43:3

Aissi giikko, taani nena Ashshiyaagaa Israa7eela Geeshshaa, GODAA ne Xoossaa. Taani Gibxxe neeyyo wozo oottada, Toophphiyaanne Saaba ne laamiyaa immana.

Isiyaasa 5:16

SHin Ubbaappe Wolqqaama GODAI, suure pirddan xoqqu xoqqu gaana; geeshsha Xoossai geeshsha gidiyoogaa ba xillotettan bessana.

Isiyaasa 5:19

“Ane Xoossai ellello! Nuuni be7ana mala, ba oosuwaa eesoyo! Gatto! Ee, nuuni erana mala, Israa7eela Geeshshai qoppido qofai poletto” yaagiyaageetuyyo aayye7ana!

Isiyaasa 5:24

Tamaa lacoi dalaa oiqqiyoogaadaaninne mela maatai eexxi xayiyoogaadan, hegaadan eta xaphoi wooqqana; eta ciishshaikka buhiyaadan laaletti xayana; aissi giikko, eti Ubbaappe Wolqqaama GODAA higgiyaa ixxidosona; Israa7eela Geeshshaa qaalaakka karidosona.

Isiyaasa 57:15

Aissi giikko, merinau de7iyaagee, gitai, xoqqan de7iyaagee, a sunttaikka Geeshshaa geetettiyoogee, hagaadan yaagees; “Taani xoqqu giidanne geeshsha sohuwan de7ais; gidikkonne, bantta oottido nagarau azzanidi simmiyaageetuuranne banttana ziqqi oottiyaageetuura de7ais. Yaatada taani bantta oottido nagarau azzanidi simmiyaageetu ayyaanaanne banttana ziqqi oottiyaageetu wozanaa ooraxissais.

Isiyaasa 60:9

Hageeti Tarsseesappenne abbaa doonan de7iya haaho biittatuppe denddidi, ne asaa neekko miyyiya markkabeta. Hegaarakka gujjidi, kawotettati ubbai a asaa bonchchanaadan oottida GODAA ne Xoossaa, Israa7eela Geeshshaa sunttaa bonchchanau, biraanne worqqaa caanidi ekki yaana.

Mikiyaasa 7:20

Neeni beniisappekka doommada nu maizza aawatussi geppada caaqqidoogaadan, Abrahaamanne Yaaqooba zare gidida ne asaassi ne ammanettiyoogaanne ne aggenna siiquwaa bessana.

Roome 15:8

Aissi giikko, Xoossai ammanettidaagaa gidiyoogaa erissanau, Xoossai aawatuyyo immana giidoogaa tumayanaunne Aihuda gidenna asai Xoossaa a maarotettaa gishshau bonchchanau Kiristtoosi Aihudatuyyo ashkkara gididoogaa intteyyo odais. Hegaa Xoossaa maxaafai yaagees; “Hegaa gishshau, taani nena Aihuda gidenna asaa giddon galatana; ne sunttaakka sabbana” yaagees.