Mazamure Maxaafaa 69:26 - Wolaytta Bible

²⁶ Aissi giikko, eti neeni qaxxayidoogeeta yedettoosona; qassi neeni dechchidoogeetu tuggaabaa denttidi haasayoosona.

Mazamure Maxaafaa 69:26 Iomraidhean Croise

Hanidabaa Odiya Naa77antto Maxaafaa 28:9

GODAA sunttan hananabaa yootiya Odeeda giyo issi bitanee Samaariyan de7ees. Odeedi Samaariyaa yiya olanchchatuura gaittanau kiyidi, hagaadan yaagiis; “Be7ite, GODAI, intte aawatu Xoossai Yihudaa hanqqettido gishshau, intte kushiyan aatti immiis. SHin inttekka saluwaa gakkida hanqquwan eta siifideta.

Iyyooba Maxaafaa 30:13

Eti ta hemettiyo ogiyaa gorddidi, tana xaissanau koyoosona; ooninne eti hegaa oottanaagaa diggenna.

Mazamure Maxaafaa 109:16

Aissi giikko, i kehabaa oottanau mulekka qoppibeenna; hiyyeesata, metootanchchatanne ixettidoogeeta gooddidi woriis.

Isiyaasa 53:10

SHin i qohettanaagee GODAA shene gidiis; qassi GODAI i tuggatanaadan oottiis. I bana nagarau yarshsho oottiyo wode, ba zerettaa be7ana. A bareekka aduqqana; GODAA sheneekka a kushiyan polettana.

Isiyaasa 53:4

I tumu nu harggiyaa bau ekkiis; qassi nu azzanuwaakka tookkiis. SHin a gakkida metoi, deshettainne waayee Xoossaappe ayyo yiidabaa giidi nuuni qoppida.

Zakkaariyaasa 1:15

Taani Aihuda gidenna kawotettatu bolli guuttaa hanqqettaas; shin ha77i eta bolli daro hanqqettaas. Aissi giikko, eti ishaluwan uttidi, Aihudatu tuggaa darissidosona.

Zakkaariyaasa 13:7

Ubbaappe Wolqqaama GODAI hagaadan yaagees; “Bisuwau, taayyo mata gidiya ta dorssaa heemmiyaagaa bolli beegotta! Beegottada dorssati laalettanaadan, dorssaa heemmiyaagaa wora. Taanikka he guutta dorssatu bollan ta kushiyaa denttana.

Koiro Tasalonqqe 2:15

He Aihudati Godaa Yesuusanne hananabaa yootiyaageeta woridosona; qassi nuna yedettidosona. Eti Xoossaa ufaissokkona; asa ubbaakka ixxoosona.