Mazamure Maxaafaa 69:17 - Wolaytta Bible

¹⁷ Taappe ne ashkkaraappe ne som77uwaa genttoppa; taani waayettiyo gishshau, taayyo eesuwan zaaruwaa imma.

Mazamure Maxaafaa 69:17 Iomraidhean Croise

Iyyooba Maxaafaa 7:21

Ta balaappe aissi tana maarennan ixxai? Ta nagaraakka aissi atto geennan aggai? Simmi taani duufuwaa wodhdhiyo wodee gakkiis; neeni tana koyiyo wodekka, taani beettikke” yaagiis.

Mazamure Maxaafaa 102:2

Ta waayiyaa gallassi ne som77uwaa taappe genttoppa. Ne haittaa taakko yegga; taani neeyyo waassiyo wode, taayyo eesuwan alla.

Mazamure Maxaafaa 13:1

Abeet GODAU, aude gakkanaassi neeni tana doguutee? Merinaayyo tana doguutee? Aude gakkanaassi neeni taappe geemmuutee?

Mazamure Maxaafaa 143:7

Abeet GODAU, taayyo zaaruwaa immanau ellella! Taani hitaas. Taani duge duufuwan geliya asatu mala gidennaadan, ne som77uwaa taappe genttoppa.

Mazamure Maxaafaa 143:9

Abeet GODAU, taani neekko baqatido gishshau, tana ta morkketuppe ashsha.

Mazamure Maxaafaa 22:24

I naaqettidaageeta karenna; eta gakkida qohuwaa tau ai metoo geenna. Bari som77uwaa etappe genttenna; shin eti maaduwaassi akko waassiyo wodiyan, eta waasuwaa siyees.

Mazamure Maxaafaa 27:9

Ne sinttaa taappe genttoppa. Tana maaddidaagoo, tana ne ashkkaraa hanqqettada guyye zaaroppa. Abeet tana ashshiya Xoossau, tana oloppanne aggoppa.

Mazamure Maxaafaa 40:13

Abeet GODAU, tana ashshanau eeno ga; abeet GODAU, tana maaddanau eesota.

Mazamure Maxaafaa 44:24

Ne som77uwaa nuuppe aissi genttai? Nu qohuwaanne nu un77uwaa aissi dogai?

Mazamure Maxaafaa 66:14

Taani metootido wode ta doonan shiiqettido shiiquwaa, ta inxxarssaappe kiyidaagaa, taani gattana.

Mazamure Maxaafaa 70:1

Abeet Xoossau, tana ashshanau eeno ga; abeet GODAU, tana maaddanau eesota.

Ermmaasa Zilaassaa 3:22

Hegeenne, GODAA aggenna siiquwaappe denddidaagan nuuni xayibookko. A qaretaikka mule wuri erenna;

Maatiyoosa 26:38

Qassi eta, “Taani haiqqana gakkanaassikka kayyottais; hagan takkidi, tanaara naagite” yaagiis.

Maatiyoosa 27:46

Uddufun saate gidiyo heeran Yesuusi ba qaalaa xoqqu oottidi, “Elohee, Elohee, laamaa sabaqitaanii?” yaagiis. Hegaa giyoogee, “Ta Xoossau, ta Xoossau, tana aissi aggadii?” giyoogaa.