Mazamure Maxaafaa 68:29 - Wolaytta Bible

²⁹ Hegaa gishshau, Yerusalaamen de7iya ne Beeta Maqidasiyaa kawoti yiidi, neeyyo imuwaa immana.

Mazamure Maxaafaa 68:29 Iomraidhean Croise

Kawotu Maxaafaa Koiruwaa 10:10

Yaagada kawiyaa oiddu sha7u kilo giraame deexxiya worqqaa, keehi daro sawuwaanne al77o shuchchaa kawuwaayyo immaasu. Saaba kawiyaa Kawuwaa Solomonayyo immidoogaa keena daro sawuwaa hegaappe simmin ooninne ehibeenna.

Hanidabaa Odiya Koiro Maxaafaa 29:3

Ta Xoossaa Beeta Maqidasiyaa taani keehippe siiqiyo gishshau, taani ta Xoossaa Beeta Maqidasiyaayyo giigissidoogaappe haraa taayyo buzo de7iya worqqaappenne biraappe geeshsha Beeta Maqidasiyaayyo immaas.

Hanidabaa Odiya Naa77antto Maxaafaa 32:23

Daro asati GODAAYYO imotaa immidosona; Yihudaa Kawuwaa Hizqqiyaasayyookka al77o miishsha ehiidosona. He wodeppe doommidi, kawotetta ubbai Hizqqiyaasa keehippe bonchchiis.

Hanidabaa Odiya Naa77antto Maxaafaa 32:33

Hizqqiyaasi haiqqidi, ba maizzan gaittiis; gaittin qommo baggaara de7iya Daawita zerettatu makkaanan a moogidosona. I haiqqin, Yihudaa asai ubbainne Yerusalaamen de7iya asai a bonchchidosona. A sohuwan a na7ai Minaasee kawotiis.

Nahimiyaa Maxaafaa 2:8

Qassi Beeta Maqidasiyaa qatuwaa penggiyaa giigissanau, katamaa gimbbe dirssaa diranaunne taani de7iyo keettaa keexxanau taayyo mittaa immana mala, kawuwaa woraa naagiya Asaafassikka dabddaabbee xaafetto” yaagaas. Yaagin, Xoossaa lo77o kushee tanaara de7iyo gishshau, kawoi taani oichchidobaa ubbaa immiis.

Mazamure Maxaafaa 45:12

Xiiroosa biittaa asai neessi woituwaa ekkidi yaana; dureti nena auddashana.

Mazamure Maxaafaa 76:11

GODAAYYO, intte Xoossaayyo, shiiqettidoogaa gattite. Inttenoo shooro kawotettatoo, yayettanau bessiyaagaayyo immiyoobaa ehiite.

Isiyaasa 18:7

He wode adussanne liiqo asaappe, matai haahoi yayyiyo asaappe, wolqqaamanne xooniya kawotettaappe, qassi shaafai eta biittaa gidduwan shaakkidi goggiyo biittaa asaappe, Ubbaappe Wolqqaama GODAASSI imotai Xiyoone Deriyaa, a sunttai de7iyo sohuwaa yaana.