Mazamure Maxaafaa 68:12 - Wolaytta Bible

¹² Eti yaagidosona; “Morkke kawotinne eta tooranchchati baqataa shaaridosona; son attida maccaasati omooduwaa shaakkidosona.

Mazamure Maxaafaa 68:12 Iomraidhean Croise

Kessaabaa 14:25

Laagoi eta waissana mala, GODAI eta para gaaretu irzzuwaa binqqirssaa diggiis; diggin Gibxxeti, “GODAI eta maaddidi Gibxxe oliyo gishshau, ane nuuni Israa7eela asaappe baqatoos” yaagidosona.

Qoodaabaa 31:27

Qoodidi olan olettida olanchchatuyyoonne attida maabaraayyo naa77u kessidi shaakkite.

Qoodaabaa 31:54

Muuseenne qeesee El77aazari shaalaqatuppenne mato halaqatuppe ekkido worqqaa GODAA sinttan Israa7eela asaa hassayissana mala, Xoossaa Dunkkaaniyaa giddo gelissidosona.

Yaasu Maxaafaa 10:16

He Amooretu kawoti ichchashati baqatidi, Maqqeeda katamaa matan de7iya gonggoluwaa giddon qosettidosona.

Yaasu Maxaafaa 10:42

GODAI, Israa7eela Xoossai Israa7eela asaassi olettido gaasuwan, Yaasu he kawota ubbaa eta biittaarakka issi dentta olan xooniis.

Ajjuutaa 6:15

Hegaappe guyyiyan, sa7aa kawoti, deriyaa haariyaageeti, shaalaqati, dureti, wolqqaamati, qassi hara asai ubbai, ailleti, goqati deriyaa kiyidi, gonggolo giddooninne shuchchaa kooppuwan qosettidosona.

Daannatu Maxaafaa 5:19

“Kawoti yiidi, Magiddo pulttotu matan de7iya Taa7inaakan olettidosona. He Kanaane kawoti yan olettiiddi, omooddanau aiba biranne demmibookkona.

Daannatu Maxaafaa 5:30

'Eti omooddidi shaakkiyoobaa demmennan aggokkona. Issi issi olanchchaa issi issi woikko naa77u naa77u geela7oti gakkennan aggokkona. Sisaarayyo eti lo77iya maayuwaa immana; qassi taayyookka qooriyan xaaxanau xilifiyan alleeqettidi lo77iya maayota eti ehaana' yaagaasu.

Sameela Maxaafaa Koiruwaa 30:24

Intte giyoobaa ooninne maayenna. Olettanau biidaageetinne nubaa naagiiddi hagan gam77idaageeti issi lagge shaakkana; ubbaageekka issi mala gidana” yaagiis.