Mazamure Maxaafaa 64:5 - Wolaytta Bible

⁵ Eti bantta iita maqquwaassi issoi issuwaa minttettoosona; bantta piriyaa qottiyoosaa zorettoosona. Eti, “A ooni be7anee?” yaagoosona.

Mazamure Maxaafaa 64:5 Iomraidhean Croise

Doomettaabaa 20:13

Xoossai tana ta aawaa keettaappe kessido wode taani iyyo, 'Nuuni biido biittan ubban neeni taayyo oottana kehatettai hagaa; “I ta ishaa” gaada tabaa haasaya' yaagaas” yaagiis.

Iyyooba Maxaafaa 22:13

SHin neeni, 'Xoossai ai erii? I hegaa mala, sakkana xumaa giddoorakka pirddanau danddayii?

Mazamure Maxaafaa 10:11

I ba wozanan, “Xoossai tana dogiichchiis. Ba som77uwaa taappe genttiichchiis; mulekka i be7enna” yaagees.

Mazamure Maxaafaa 124:7

Nuuni shankkanchchatu piriyaappe kafoi kessi ekkiyoogaadan kessi ekkida. Pireenne meqqiis, nuuninne kessi ekkidi attida!

Mazamure Maxaafaa 140:5

Otoranchcha asati taayyo diizzaa giigissidosona; gitiyaa hiixxidosona; tana oiqqanau piriyaa ogiyan wottidosona.

Mazamure Maxaafaa 59:7

Hekko, eti bantta doonan haasayidi salokkona; eta inxxarssai bisuwaa mala. Eti biron, “Ooninne siyenna” giidi qoppoosona.

Mazamure Maxaafaa 94:7

Yaatidi eti, “GODAI nuna be7enna; Yaaqooba Xoossai akeekenna” yaagoosona.

Kessaabaa 15:9

“Morkkee ceeqettiiddi, 'Taani eta yedettada oiqqana. Taani eta aquwaa shaakkada, ta koyidobaa ubbaa ekkana. Taani ta bisuwaa shoddada, eta xaissana' yaagidi ceeqettiis.

Isiyaasa 41:6

Asa ubbai ba shooruwaa shooruwaa maaddees; qassi ba ishaa, “Minna” yaagees.

Hizqqeela 8:12

Qassi i tana hagaadan yaagiis; “Laa asa na7au, hagaa Israa7eela asaa cimati ubbaikka xuman bantta eeqa misiliyaa keettan eti oottiyoobaa be7ai? Aissi giikko, eti, 'GODAI nuna be7enna; GODAI ha biittaa aggiis' yaagoosona” yaagiis.

Qoodaabaa 22:6

Eti taayyo keehi wolqqaamiyo gishshau, hayyanaa ha77i yaada, eta taayyo qanggarkkii! Ooni erii, taani eta xoonanaunne biittaappe kessanau danddayanaakkonne. Aissi giikko, neeni anjjidoogee anjjettidaagaanne neeni qanggidoogee qanggettidaagaa gidiyoogaa taani erais” yaagiis.

Maatiyoosa 23:15

“Lo77o milatiya iitatoo, higgiyaa tamaarissiyaageetoonne Parisaawetoo intte issi uraa ammanttanau abbaaninne sa7an yuuyiyo gishshaunne qassi intte a ammanttiyo wode, he uraa intteegaappe naa77u kushe iitida gaannabiyau na7a oottiyo gishshau, intteyyo aayye7ana.

Ajjuutaa 11:10

Sa7an de7iya asai ha hananabaa yootiya naa77u asatu haiquwan ufaittana. Asai eta haiquwaa Masqqaladan bonchchana; issoi issuwaayyo immiyoobaakka kiittana. Aissi giikko, sa7an de7iya asaa eti daro metoyidosona.

Daannatu Maxaafaa 20:22

Israa7eela asai biidi sa7ai qammana gakkanaassi, GODAA sinttan yeekkiis; yeekkidi, “Nu ishatuura, Biniyaama asatuura olettanau naa77anttuwaa pude bonii?” yaagidi GODAA oichchiis. Oichchin GODAI, “Ee, etaara olettanau pude biite” yaagiis. Yaagin Israa7eela asai issoi issuwaa minttettidi, koiro gallassi eti olau salppido sohuwan naa77anttuwaakka salppidosona.