Mazamure Maxaafaa 61:2 - Wolaytta Bible

² Taani ta sooppe kiyada haaho sohuwan de7ishin, ta wozanai taahido wode, taani nena xeesais. Taappe xoqqiya zaallaakko, tana kaaletta.

Mazamure Maxaafaa 61:2 Iomraidhean Croise

Mazamure Maxaafaa 142:3

Taani hitido wode, neeni ta ogiyaa eraasa. Taani hemettiyo ogiyan taayyo gitiyaa qotti wottidosona.

Mazamure Maxaafaa 143:4

Hegaa gishshau, taani hitaas; ta wozanaikka yibbaatiis.

Mazamure Maxaafaa 17:1

Abeet GODAU, neeni taayyo xillo pirddaa pirddana mala, taani nena oichchiyoogaa siya; ta waasuwaa ezgga. Taani cimmenna inxxarssaappe woossiyo woosaakko, ne haittaa zaara.

Mazamure Maxaafaa 18:2

GODAI tau wogga zaallaa; taani olaappe naagettiyo miixaa; i tana ashshiyaagaa. Ta Xoossai taani akko baqatiyo ta wogga zaallaa. I ta gonddalliyaa. I tana ashshiya wolqqaamaa; i taani qosetta attiyo soho.

Mazamure Maxaafaa 18:46

GODAI de7ees! Xoossai, ta wogga zaallai galatetto! Tana ashshiya Xoossai xoqqu xoqqu go!

Mazamure Maxaafaa 27:5

Hegaa gishshau, metuwaa gallassan i tana ba de7iyoosan genttana; ba dunkkaaniyan i tana qosi ashshana. I tana xoqqa shuchchaa bollan essana.

Mazamure Maxaafaa 40:2

Bashsha ollaappe, liqimisiyaa urqqaappe tana kessiis. Ta gediyaa shuchchaa bollan essiis; qassi ta ogiyaakka saro oottiis.

Mazamure Maxaafaa 42:6

Ta wozanai azzaniis; hegaa gishshau, taani Yorddaanoosa biittan, Hermmoone xoqqan, Miizaare Deriyan eqqada nena hassayais.

Mazamure Maxaafaa 43:5

Tanooshsho, taani aissi azzaniyaanaa? Qassi aissi jabbukettiyaanaa? Taani Xoossan ufaissaa wottana. Aissi giikko, taani ha77ikka tana ashshiyaagaanne ta Xoossaa galatana.

Mazamure Maxaafaa 55:5

Tana yashshainne kokkorssai oiqqiis; dagamai tana worirggiis.

Mazamure Maxaafaa 62:2

A xalaalai ta wogga zaallaanne tana ashshiyaagaa; i taani qosetta attiyo soho gidiyo gishshau, mulekka yeeqikke.

Mazamure Maxaafaa 62:6

A xalaalai ta wogga zaallaanne tana ashshiyaagaa; i taani qosetta attiyo soho gidiyo gishshau, mulekka yeeqikke.

Mazamure Maxaafaa 77:3

Taani Xoossaabaa qoppiyo wode, oolais; taani abaa yereriyo wode, ta shemppoi daafurees.

Isiyaasa 32:2

Asai huuphiyan huuphiyan carkkuwaappe geemmiyo soho, gotiyaappe baqatiyo soho gidana; mela sohuwan goggiya haattanne booddila biittan de7iya gita zaallaa kuwaa mala gidana.

Isiyaasa 54:11

GODAI hagaadan yaagees; “Nenoo, metootida katamee! Gotee yaanne haanne shocidooree, minttettiyaabi xayidooree, be7a, taani nena bonchcho shuchchan alleeqissada keexxana; ne baasuwankka sampperiyaa giyo shuchchaa hiixxana.

Luqaasa 22:44

Ba wozanaa giddon mishettidi, daro minttidi woossees. I cawattiyo cawai sa7an xokkiya suutta milatees.

Zaarettido Wogaa 4:29

SHin hegan de7iiddi, intte GODAA, intte Xoossaa koyana; intte a intte kumetta wozanaappenne intte kumetta shemppuwaappe koyikko demmana.