Mazamure Maxaafaa 60:6 - Wolaytta Bible

⁶ Xoossai ba geeshsha sohuwan hagaadan yaagiis; “Taani xoonada Sekeema biittaa shaakkana; qassi Sukkota Dilbbaa likkana.

Mazamure Maxaafaa 60:6 Iomraidhean Croise

Doomettaabaa 12:6

Gakkin Abraami he biittan Sekeemi giyoosan de7iya Moore giyo gita wolaa gakkanaassi hemettidi biis. He wode Kanaane asati he biittan de7oosona.

Sameela Maxaafaa Naa77anttuwaa 3:18

ane hekko ha77i polite! Aissi giikko, GODAI, 'Ta asaa Israa7eela, taani Pilisxxeema asatu kushiyaappenne eta morkke ubbatu kushiyaappe ta ashkkaraa Daawita baggaara ashshana' giidoogaa hassayite” yaagiis.

Mazamure Maxaafaa 119:162

Darobaa omooddida asi ufaittiyoogaadan, neeni giido qaalan taani ufaittais.

Mazamure Maxaafaa 132:11

GODAI Daawitassi mulekka kaddenna caaquwaa hagaadan yaagidi caaqqiis; “Ne gulbbataappe yelettida ne naatuppe issuwaa taani kawoyana.

Mazamure Maxaafaa 56:4

Taani Xoossan ammanettais; taani a qaalaa galatiyo Xoossan ammanettaisinne yayyikke. Asi tana ai oottanee?

Mazamure Maxaafaa 89:19

Beni neeni ne ammanettida asatuyyo ajjuutan hagaadan yaagadasa; “Taani olettiyaagaa maaddaas. Taani asaa giddoppe doorettidaagaa xoqqu xoqqu oottaas.

Mazamure Maxaafaa 89:35

“Taani issitonkka merinaayyo ta geeshshatettan caaqqarggaas; Daawitassi worddotikke.

Ermmaasa 23:9

Hananabaa yootiyaageetubaa taani qoppiyo wode, ta wozanai taahees; ta meqettati ubbaikka kokkoroosona. GODAA gishshaunne a geeshsha qaalaa gishshau, taani mattottida asa mala, woiniyaa eessai wolqqaa diggido asa mala gidaas.

Amoxa 4:2

Ubbaa Haariya GODAI hagaadan yaagidi, ba geeshshatettan caaqqiis; “Intte manxxaquwan oiqettidi gooshettana gallassainne intteppe attida amaridaageetikka manxxaquwan ohettidi biya moletudan hanana gallassai yaana.

Yaasu Maxaafaa 1:6

Minna; xala! Aissi giikko, taani eta maizza aawatussi immana gaada caaqqido biittaa neeni ha asaa laatissana.

Yaasu Maxaafaa 13:27

Yorddaanoosa Wombbaassi gidduwan Haseboona Kawuwaa Sihoona kawotettaappe attidaageeta, Beeti-Haraama, Beeti-Niimira, Sukkotanne Xafoona geetettiya katamata ekkees. Arggo baggaara eta zawai Yorddaanoosa SHaafaa gididi biidi, Galiila Abbaa gakkees.

Yaasu Maxaafaa 17:7

Minaase yaratu biittaa zawai Aseera biittaappe doommidi, Sekeemappe arshsho baggaara de7iya Mikimataata gakkees. He zawai hegaappe denddidi biidi, tohossa baggaara de7iya Taappuha asai de7iyoosaa xaaxi waaxees.

Yaasu Maxaafaa 20:7

Yaagin Israa7eela asai Nifttaaleema gezziyan, Galiilan de7iya Qedeeshanne a hentta gadeta, Efireema gezziyan de7iya Sekeemanne a hentta gadetanne Yihudaa gezziyan de7iya Qiriyaati-Arbbaa7a woikko Kebroona dummayidosona.

Yaasu Maxaafaa 24:1

Hegaappe guyyiyan Yaasu Israa7eela zaretu ubbaa Sekeema giyo kataman shiishshiis. Cimata, halaqata, daannatanne ola gadaawata ubbaa xeegiis; xeegin eti Xoossaa sinttan shiiqidosona.

Yaasu Maxaafaa 24:32

Israa7eela asai Gibxxe biittaappe ehiido Yooseefa meqettaa Sekeeman moogidosona. He sohuwaa Yaaqoobi SHekeema aawaa Hamoora naatuppe xeetu xaqara biran shammiis; shammin guyyeppe Yooseefa zareti laattidosona.