Mazamure Maxaafaa 60:1 - Wolaytta Bible

¹ Abeet Xoossau, neeni nuna aggadasa; nu miixaa menttadasa. Neeni nuna hanqqettadasa; shin ha77i nuukko simma.

Mazamure Maxaafaa 60:1 Iomraidhean Croise

Sameela Maxaafaa Naa77anttuwaa 10:16

Kawoi Hadaadi7eezeri Sooriyaa asata Efiraaxiisa SHaafaappe hefintta baggappe kiittidi ehiissiis; ehiissin Helaama biidosona. Hadaadi7eezera olanchchatu gadaawai SHobaaki eta kaalettees.

Sameela Maxaafaa Naa77anttuwaa 5:20

Yaagin Daawiti Ba7aali-Paraaxiima giyoosaa biidi, yan eta xooniis. Yaatidi Daawiti, “Haattaa di7oi xuussi kanttiyoogaadan GODAI ta morkketu giddoora tana kanttissiis” yaagiis. Hegaa gishshau, he sohuwaa sunttai Ba7aali-Paraaxiima geetettiis.

Sameela Maxaafaa Naa77anttuwaa 8:14

Daawiti Eedooma biitta ubban olanchchatu qatota medhdhiis; yaatin he biittaa asai ubbai Daawitayyo haarettiis. Daawiti biido soho ubban GODAI ayyo xoonuwaa immiis.

Sameela Maxaafaa Naa77anttuwaa 8:3

Rahooba na7ai, Xooba Kawoi Hadaadi7eezeri Efiraaxiisa SHaafaa matan de7iya ba zawaa zaari ekkanau biidi, Daawitaara olettin, Daawiti a xooniis.

Kawotu Maxaafaa Naa77anttuwaa 14:7

Amesiyaasi Maxine Zanggaaraa giyo sohuwan tammu sha7u Eedooma biittaa asaa woriis; woridi Selaa7a giyo katamaakka olan oiqqiis. Oiqqidi Yoqiti7eela yaagidi sunttiis; sunttin hachchi gakkanaashin ha sunttan xeesettees.

Hanidabaa Odiya Koiro Maxaafaa 18:3

Hamaata katamaa matan de7iya Xooba biittaa Kawoi Hadaadi7eezeri, ba kawotettaa Efiraaxiisa SHaafaa gakkanaashin aassanau biishin, Daawiti a xooniis.

Hanidabaa Odiya Koiro Maxaafaa 28:9

“Solomonaa, ta na7au, ne aawaa Xoossaa era. Ne kumetta wozanaaninne ne eeno giya qofan ayyo ootta. Aissi giikko, GODAI wozanaa ubbaa qorees; qofan de7iya halchchuwaa ubbaakka erees. Neeni a koyikko, i neeyyo beettana; shin neeni a aggikko, i nena merinau aggi bayana.

Hanidabaa Odiya Naa77antto Maxaafaa 25:11

Hegaappe guyyiyan, Amesiyaasi bana minttidi, ba olanchchata kaalettidi, Maxine Wombbaa biis; bin a olanchchati Se7iira asaappe tammu sha7aa woridosona.

Mazamure Maxaafaa 108:11

Abeet Xoossau, nuna aggidai nena gidikkii? Abeet Xoossau, neeni nu tooranchchatuura olau kiyakka.

Mazamure Maxaafaa 44:9

SHin ha77i neeni nuna aggadasa; kaushshadasa; nu tooraasaara issippe olaa baakka.

Mazamure Maxaafaa 59:1

Abeet ta Xoossau, ta morkketuppe tana ashsha; ta bolli denddiyaageetuppe tana naaga.

Mazamure Maxaafaa 59:11

Ta asati balirggenna mala, neeni eta woroppa. Abeet Godau, nu gonddalliyau, ne wolqqan eta toilayada ongga.

Mazamure Maxaafaa 60:10

Abeet Xoossau, nuna aggidai nena gidikkii? Abeet Xoossau, neeni nu tooranchchatuura olau kiyakka.

Mazamure Maxaafaa 74:1

Abeet Xoossau, neeni nuna merinau aissi aggadii? Ne hanqqoi ne qooruwan de7iya dorssatu bolli aibissi suullidee?

Mazamure Maxaafaa 79:5

Abeet GODAU, hagee aude gakkanaassi hananee? Neeni merinau hanqqettuuttee? Ne qanaatiya hanqqoi tamadan eexxanee?

Mazamure Maxaafaa 79:9

Abeet nuna ashshiya Xoossau, ne sunttaa bonchchuwaa gishshau, nuna maadda. Ne sunttaa gishshau, nuna ashsha; nu nagaraa atto yaaga.

Mazamure Maxaafaa 80:1

Abeet Israa7eela henttanchchau, Yooseefa asaa wudiyaadan kaalettiyaagoo, neeni nuuyyo siya. Kiruubeta giyo kiitanchchatuppe bollaara de7iya araatan uttidaagoo, Efireema, Biniyaamanne Minaase sinttan qoncca. Ne wolqqaa denttada nuna ashshanau haaya.

Mazamure Maxaafaa 80:3

Abeet Xoossau, nuna zaara; nuuni attanaadan, ne som77uwaa nuussi poo7issa.

Mazamure Maxaafaa 85:4

Abeet nuna ashshiya Xoossau, nuna guyye zaara. Neeni nuussi lanccidoogaanne agga.

Mazamure Maxaafaa 89:19

Beni neeni ne ammanettida asatuyyo ajjuutan hagaadan yaagadasa; “Taani olettiyaagaa maaddaas. Taani asaa giddoppe doorettidaagaa xoqqu xoqqu oottaas.

Mazamure Maxaafaa 89:3

Neeni, “Taani dooridoogaara maachchaa maacettaas. Ta ashkkaraa Daawitayyo hagaadan yaagada caaqqaas;

Mazamure Maxaafaa 89:38

SHin ha77i neeni tiyada kawoyidoogaa bolli daro hanqqettadasa; a ixxadasanne aggadasa.

Mazamure Maxaafaa 89:7

Geeshshatu yaa7aa giddon Xoossai yayettidaagaa. Bana dooddidaageetu ubbaappe aadhdhidi, keehi daganttiyaagaa.

Mazamure Maxaafaa 90:13

Abeet GODAU, ne hanqqoi aude gakkanaassee? Simma; ne ashkkaratuyyo qaretta!

Zakkaariyaasa 10:6

“Taani Yihudaa asaa minttettana; Yooseefa asaakka ashshana; taani etayyo qarettiyo gishshau, eta zaarada ehaana; qassi etikka taani eta kasekka aggabeennabaa mala gidana. Taani GODAA eta Xoossaa gidiyo gishshau, eta woosaa siyana.

Sameela Maxaafaa Koiruwaa 13:11

Sameeli Saa7oola, “Hagee neeni oottidoogee aibee?” yaagiis. Yaagin Saa7ooli, “Asai laalettiyoogaa, neenikka giido wode yabeennaagaanne Pilisxxeemati Mikimaasan shiiqidoogaa taani be7ada,

Sameela Maxaafaa Koiruwaa 4:17

Oichchin oduwaa ehiida bitanee, “Israa7eelati Pilisxxeematu sinttaappe baqatidosona; daro asai wuriis; ne naati naa77ai Hofiniininne Piinihaasi haiqqidosona; Xoossaa Taabootaikka omoodettiis” yaagiis.