Mazamure Maxaafaa 59:5 - Wolaytta Bible

⁵ Abeet Ubbaappe Wolqqaama GODAU Xoossau, Israa7eela Xoossau, kawotettata ubbaa pirddanau beegotta; makkalaa oottiyaageeta maaroppa.

Mazamure Maxaafaa 59:5 Iomraidhean Croise

Doomettaabaa 33:20

Yan yarshshiyoosaa keexxidi a, “Xoossaa, Israa7eela Xoossaa” giidi sunttiis.

Mazamure Maxaafaa 54:3

Otoranchchati ta bolli denddoosona; daganttiya asati tana woranau koyoosona. Eti Xoossaa wudokkona.

Mazamure Maxaafaa 55:15

Ta morkketi wodee gakkennan haiqqona; eti paxa moogettona. Aissi giikko, iitatettai eta giddooninne eti de7iyoosan de7ees.

Mazamure Maxaafaa 7:7

Deretu yaa7ai ne yuushuwan shiiqo; neeni etappe bollaara gidada haara.

Mazamure Maxaafaa 80:4

Abeet Ubbaappe Wolqqaama GODAU Xoossau, ne asaa woosaa bolli aude gakkanaayyo hanqqettuutee?

Mazamure Maxaafaa 84:8

Abeet Ubbaappe Wolqqaama GODAU Xoossau, ta woosaa neeni siya. Abeet Yaaqooba Xoossau, ezgga.

Mazamure Maxaafaa 9:15

Kawotettati bantta bookkido ollan banttau kunddidosona. Eti qotti wottido piree eta tohuwaa oiqqiis.

Kessaabaa 20:5

Etayyo hokkoppa woikko etayyo goinnoppa. Aissi giikko, taani, GODAI ne Xoossai qanaatiya Xoossaa; tana ixxiyaageeta aawatu nagaraa gishshau, naata heezzantto yeletaanne oiddantto yeletaa gakkanaassi qaxxayiyaagaa.

Kessaabaa 3:15

Xoossai Muusa qassi, “Neeni Israa7eelata, 'GODAI intte aawatu Xoossai, Abrahaama Xoossai, Yisaaqa Xoossai, Yaaqooba Xoossai, i tana inttekko kiittiis' yaaga; hagee yeletaappe yeletaa gakkanau taani hassayettanau merinau ta suntta.

Isiyaasa 1:10

Inttenoo, Sadooma haariyaageetu malatoo, GODAA qaalaa siyite! Inttenoo, Gamoora asaa malatoo, nu Xoossaa higgiyaa ezggite!

Isiyaasa 27:11

Mittaa tasheti meliyo wode meqerettoosona; maccaasaikka yiidi, eta eettanau efees. Ha asai akeeki bainna asa gidiyo gishshau, eta Medhdhidaagee etau qarettennanne maarenna.

Ermmaasa 18:23

SHin abeet GODAU, eti tana woranau maqettidoogaa ubbaa neeni eraasa. Neeni eta iitatettaa atto gooppa, woikko eta nagaraa ne sinttappe quccoppa. Eti ne sinttan xoonettidi kunddona. Ne hanqquwaa wode neeni eta hagaadan ootta.

Daaneela 6:7

Nuuni ne kawotettaa oosuwaa oottiya halaqati, biittaa haariyaageeti, ola gadaawati, zoriyaageetinne auraajjaa haariyaageeti ubbai maayido issi zoretai de7ees. Hegeekka hachchippe biidi hasttamu gallassai gakkanaashin, ai asinne nena kawuwaa woossanaappe attin, hara ai asakka woikko ai xoossakka woossennaadan, neeni awaajuwaa kessanaassa; geelladan woossiyaabi de7ikko, gaammotu ollan olettanaadan neeni azazanaassa.

Amoxa 9:7

GODAI hagaadan yaagees; “Inttenoo, Israa7eela asatoo, intte taayyo Toophphiyaa asaa mala gidekketiiyye? Taani inttena Gibxxe biittaappe kessidoogaadan, Pilisxxeema asaa Kafttoorappe, qassi Sooriyaa asaakka Qiirappe kessaas” yaagees.

Roome 9:6

SHin taani, “Xoossai immana giidoogee attana” yaagikke. Aissi giikko, Israa7eela asa ubbati Xoossai dooridoogeeta gidokkona.

Yaaqooba 2:13

Aissi giikko, asa maaribeenna uraa Xoossai maarennan pirddana; maarotettai pirddaa xoonees.