Mazamure Maxaafaa 57:8 - Wolaytta Bible

⁸ Tanooshsho, beegotta! Diittaunne maazinqqiyau, beegottite! Taanikka maallado guuraara beegottana.

Mazamure Maxaafaa 57:8 Iomraidhean Croise

Hanidabaa Odiya Naa77antto Maxaafaa 20:28

Eti Yerusalaame gakkidi, diittaara, maazinqqiyaaranne xurumbbaara GODAA Beeta Maqidasiyaa gelidosona.

Mazamure Maxaafaa 150:3

Malkkataa punniiddi, a galatite; diittaanne maazinqqiyaa diixxiiddi a galatite.

Mazamure Maxaafaa 16:9

Hegaa gishshau, ta wozanai ufaittees; ta shemppoikka ufaittees. Ta bollaikka hirggi bainnan de7ees.

Mazamure Maxaafaa 27:6

He wode taani tana dooddida ta morkketuppe gitatada, xoqqu xoqqu yaagana. Taani a dunkkaaniyan ufaittaidda yarshshuwaa yarshshana. Taani GODAAYYO diixxananne yexxana.

Mazamure Maxaafaa 30:12

Hegaa gishshau, taani nena sabbanaappe attin, co77u giikke. Abeet GODAU ta Xoossau, taani nena merinaukka galatana.

Mazamure Maxaafaa 43:4

He wode taani ta Xoossaa yarshshuwaasaa, tana ufaissiya Xoossaakko baana. Abeet Xoossau, ta Xoossau, taani diittaa diixxaidda, nena sabbana.

Isiyaasa 52:1

Nenoo Xiyoone katamau, beegotta; beegottada minotettaa afalaadan maaya. Nenoo, geeshsha katamau, Yerusalaamee, ne bonchcho maayuwaa maaya; aissi giikko, hagaappe sinttanau qaxxarettibeennaageenne tunai ne giddo gelenna.

Isiyaasa 52:9

Inttenoo Yerusalaamen qolettida sohotoo, issippe ufaissau yexxite; aissi giikko, GODAI ba asaa minttettiis; Yerusalaame katamaakka woziis.

Yesuusi Kiittidoogeetu Oosuwaa 2:26

Hegaa gishshau, ta wozanai ufaittiis; ta inxxarssankka ufaissai kumiis. Qassi ta bollaikka lo77o de7ana giidi, ufaissan naagees.

Daannatu Maxaafaa 5:12

“Debooraa! Beegotta! Beegotta! Beegotta! Beegottada mazamuriyaa yexxa. Baaraaqaa, dendda! Nenoo, Abino7aama na7au, ne omooduwaa ekkada ya.