Mazamure Maxaafaa 57:4 - Wolaytta Bible

⁴ Taani ta morkketu giddon, asaa dafidi miya gaammo malatu giddon de7ais. Eta achchai tooraanne wonddafiyaa zubbiyaa mala; eta inxxarssai qara biso mala.

Mazamure Maxaafaa 57:4 Iomraidhean Croise

Iyyooba Maxaafaa 41:14

Yashshiya achchai de7iyo a manggaagaa pooqqanau danddayiyai oonee?

Mazamure Maxaafaa 10:9

Ba qosettiyoosan geemmidi, hiyyeesa oiqqanau gaammuwaagaadan zuggees. I hiyyeesaa oiqqidi, ba piriyan goochchidi efees.

Mazamure Maxaafaa 35:17

Abeet Godau, neeni aude gakkanaassi co77u gaada xeelluutee? Eta iita oosuwaappe tana ashsha; ha gaammotu mala asatuppe tana wotta ekka.

Mazamure Maxaafaa 43:3

Ne poo7uwaanne ne tumaa taayyo kiitta; eti tana kaalettona. Ne geeshsha deriyaa neeni de7iyoosaa efoona.

Mazamure Maxaafaa 52:2

Nenoo, worddobaa haniyaagoo, neeni harata xaissanau maqettaasa. Ne inxxarssai qara magilaalaa mala.

Mazamure Maxaafaa 55:21

A haasayai oissaappekka aadhdhida shugo; shin ba wozanan morkkiis. A qaalati zaitiyaappekka aadhdhidi woppissidosona; shin qara bisuwaadan qanxxidosona.

Mazamure Maxaafaa 58:6

Abeet Xoossau, eta achchaa eta gappata giddon mentta; abeet GODAU, gaammotu kasilaa xukka.

Mazamure Maxaafaa 59:7

Hekko, eti bantta doonan haasayidi salokkona; eta inxxarssai bisuwaa mala. Eti biron, “Ooninne siyenna” giidi qoppoosona.

Mazamure Maxaafaa 64:3

Eti bantta inxxarssaa bisodan leefidosona; qassi marzze qaalata wonddafiyaa zubbiyaadan dukkanau giigissidosona.

Leemiso Maxaafaa 12:18

Akeekennan haasayiyo haasayai cuphedan caddees; shin aadhdhida eranchchaa inxxarssai pattees.

Leemiso Maxaafaa 25:18

Ba shooruwaa bolli wordduwan markkattiya asi dullai, bisoinne qara zubbee asa qohiyoogaa keenaa qohees.

Leemiso Maxaafaa 28:15

Hiyyeesa asaa haariya iita daannai gudiya gaammuwaanne namisettida godariyaa mala.

Leemiso Maxaafaa 30:14

Eta achchai biso mala gidin, eta manggaagai billama mala gidin, hiyyeesatanne metootanchchata naaqqidi, etabaa bonqqiya asati de7oosona.

Yaaqooba 3:6

Inxxarssaikka tama mala. I nu asatettaa giddon iitabaa ubbaa oottana danddayees; asatetta ubbaa tunissees. Qassi nu de7uwaa wottaakka taman xuuggees; gaannabiyaa taman i xuugettana.

Ajjuutaa 19:15

Asa zareta i dechchana qara bisoi a doonaappe kiyees. Birata dullan asaa i haarana. Ubbaappe Wolqqaama Xoossaa hanqquwaa eessai buulettiyoosan woine aifiyaa i gum77ana.

Daannatu Maxaafaa 9:20

SHin hegaa gidana xayikko, Abimelekappe tamai kiyidi, Sekeema asaanne Beetimiillo asaa mo; hegaadankka qassi, Sekeema asaappenne Beetimiillo asaappe tamai kiyidi, Abimeleka mo” yaagiis.