Mazamure Maxaafaa 56:5 - Wolaytta Bible

⁵ Gallassa ubban ta morkketi taayyo meto medhdhoosona; eti ubbaton taayyo iitabaa qoppoosona.

Mazamure Maxaafaa 56:5 Iomraidhean Croise

Kawotu Maxaafaa Koiruwaa 18:2

Yaagin Eelaasi Akaabayyo beettanau denddidi biis. He wode Samaariyan wolqqaama koshai de7ees.

Mazamure Maxaafaa 118:6

GODAI tanaara de7iyo gishshau, taani yayyikke. Asi tana ai oottii?

Mazamure Maxaafaa 41:7

Tana ixxiya ubbati issippe ta bollan saasukkoosona; “Iitabai a bolli gakkees” giidi qoppoosona.

Mazamure Maxaafaa 49:6

Ta morkketau, bantta aquwan ammanettiyaageetaunne bantta duretettaa daruwan ceeqqiyaageetau aissi yayyiyaanaa?

Ermmaasa 18:18

Asati hagaadan yaagidosona; “Haa yiite; ane Ermmaasa bolli maqettoos. Aissi giikko, qeeseti tamaarissiyo higgee, aadhdhida eranchchati immiyo zoree, hananabaa yootiyaageeti yootiyo qaalai xayenna. Haa yiite; ane a mootoos. I yootiyo qaalaa siyennan aggoos” yaagidosona.

Maatiyoosa 22:15

Hegaappe guyyiyan, Parisaaweti biidi, a haasayaappe bala demmidi, a oiqqana mala maqettidosona.

Maatiyoosa 26:61

“Ha bitanee, ‘Taani Xoossaa Beeta Maqidasiyaa qolada, heezzu gallassan zaaretta keexxanau danddayais’ yaagiis” yaagidosona.

Yohaannisa 2:19

Yaagin Yesuusi, “Ha Beeta Maqidasiyaa qolite; taani heezzu gallassan zaarettada keexxana” yaagiis.

Naa77antto PHeexiroosa 3:16

Ba xaafiyo dabddaabbe ubban, he yohuwaabaa xaafiyo wode, i giyoogee hagaa. Tamaaribeenna asatinne minnibeenna asati Xoossaa maxaafata harata geellayiyoogaadankka, he dabddaabbiyaa giddon de7iya akeekanau waayissiya yohuwaa geellayoosona. Eti hegaa oottiyoogan bantta bolli bashshaa ehoosona.

Sameela Maxaafaa Koiruwaa 18:17

Hegaappe guyyiyan, Saa7ooli Daawita, “Ta na7iyaa bairiyaa Meraaba hannaho; taani o neeyyo machcho immana; neeni mino asa gida; yaatada GODAA olaa oletta” yaagiis. Saa7ooli ba wozanan, “Taani a bochchikke; Pilisxxeema asati a worona” yaagidi qoppiis.

Sameela Maxaafaa Koiruwaa 18:21

I ba wozanan, “Ayyo pire gidana malanne Pilisxxeema asati a worana mala, taani Miikaalo Daawitayyo immana” yaagidi qoppiis. Hegaa gishshau, Saa7ooli Daawita, “Neeni tanaara bollotanau hagee neeyyo naa77antto qaada” yaagiis.

Sameela Maxaafaa Koiruwaa 18:29

Hegaa gishshau, Saa7ooli Daawitayyo kaseegaappe aattidi yayyiis. Saa7ooli ba de7o laitta ubban Daawitayyo morkke gidiis.

Sameela Maxaafaa Koiruwaa 20:33

Oichchin Saa7ooli Yonaataana woranau tooraa a bolli xonggiis. Hegaa gishshau, Yonaataani ba aawai Daawita woranau qofaa qachchidoogaa eriis.

Sameela Maxaafaa Koiruwaa 20:7

Yaagin i, 'Yaanikko lo77o' yaagikko, tau ne ashkkarau saro; shin i hanqqettikko, i tana qohanau ba qofaa qachchidoogaa hegan era.