Mazamure Maxaafaa 55:5 - Wolaytta Bible

⁵ Tana yashshainne kokkorssai oiqqiis; dagamai tana worirggiis.

Mazamure Maxaafaa 55:5 Iomraidhean Croise

Sameela Maxaafaa Naa77anttuwaa 15:14

Hegaappe guyyiyan, Daawiti banaara issippe Yerusalaamen de7iya ba oosanchchata, “Denddite! Nuuni baqatoos! Hegee xayikko, nu giddoppe ai asinne Abeseloomappe kessi ekkenna. Nuuni eesotidi baana koshshees; hegee xayikko, i eesotidi yiidi nuna xaissana; nu katamaa bisuwan busakkana” yaagiis.

Iyyooba Maxaafaa 21:6

Tana gakkidabaa taani qoppiyo wodekka, tana daganttees; ta bollaikka kokkorees.

Iyyooba Maxaafaa 6:4

Ubbaa Danddayiya Xoossaa wonddafiyaa zubbeti tana caddidosona; ta bollaikka eta yiishshaa uyees. Xoossaa dagamai ta bolli salppiis.

Mazamure Maxaafaa 119:120

Ta bollai neessi yayyidi kokkorees; taani ne pirddaassi yayyais.

Mazamure Maxaafaa 18:6

Tana metoi iissin, GODAA xeesaas; “Tana maadda” gaada ta Xoossaayyo waassaas. I ba Beeta Maqidasiyan ta cenggurssaa siyiis; taani waassido waasoi a haittan wodhdhiis.

Mazamure Maxaafaa 42:6

Ta wozanai azzaniis; hegaa gishshau, taani Yorddaanoosa biittan, Hermmoone xoqqan, Miizaare Deriyan eqqada nena hassayais.

Mazamure Maxaafaa 61:2

Taani ta sooppe kiyada haaho sohuwan de7ishin, ta wozanai taahido wode, taani nena xeesais. Taappe xoqqiya zaallaakko, tana kaaletta.

Isiyaasa 21:4

Tana yiicoyees; tana yashshai kokkorssees; taani amottido omarssai taayyo kokkorssau laamettiis.

Hizqqeela 7:18

Eti waaruwaa maayana; qassi yashshan kokkorana. Eta som77oikka yeellaa maayana; eta huupheekka meedettana.

Luqaasa 22:44

Ba wozanaa giddon mishettidi, daro minttidi woossees. I cawattiyo cawai sa7an xokkiya suutta milatees.