Mazamure Maxaafaa 55:20 - Wolaytta Bible

²⁰ Ta laggee ba dabbotu bolli ba kushiyaa yeddiis; etaara maacettido maachchaa koliis.

Mazamure Maxaafaa 55:20 Iomraidhean Croise

Sameela Maxaafaa Naa77anttuwaa 18:12

Yaagin bitanee, “Neeni sha7u xaqara biraa ta kushiyan wottiyaakkokka, taani kawuwaa na7aa bolli ta kushiyaa denttikke! Nuuni ubbai siyishin, kawoi nenanne Abishaaya Ittaaya, 'Ta gishshau giidi, yelaga bitaniyaa Abeselooma ashshite' yaagidi azaziis.

Sameela Maxaafaa Naa77anttuwaa 2:4

Yihudaa asati Kebroona katamaa yiidi, yan eti Daawita Yihudaa asaa bolli kawoyanau tiyidosona. Saa7oola moogidaageeti Gala7aaden de7iya Yaabeesha katamaa asata gididoogaa Daawiti siyido wode,

Sameela Maxaafaa Naa77anttuwaa 5:3

Hegaa gishshau, Israa7eela cimati ubbai Daawitakko Kebroona katamaa yiidosona; yin i etaara Kebroonan GODAA sinttan maachchaa maacettiis; Israa7eela bolli kawotanaadan Daawita eti tiyidosona.

Kawotu Maxaafaa Naa77anttuwaa 17:34

Eti hachchi gakkanaashinkka kase bantta meeziyaadan oottoosona. Eti tumuppe GODAAYYO goinnokkona woikko GODAI Israa7eela giidi sunttido Yaaqooba zerettaassi immido awaajuwaanne wogaa, higgiyaanne azazuwaa naagokkona.

Mazamure Maxaafaa 109:5

Taani lo77o oottin, eti taayyo iitaa zaaroosona; taani eta siiqin, eti tana ixxoosona.

Mazamure Maxaafaa 6:10

Ta morkke ubbati yeellatonanne tuggatona. Eti issi kuttan yeellatidi, guyye simmona.

Mazamure Maxaafaa 89:28

Taani aggenna ta siiquwaa ayyo merinau naagana. Taani aara maacettido maachchaa minttana.

Mazamure Maxaafaa 89:34

Taani etaara maacettido maachchaa birshshikke; ta doonaappe kiyida qaalaa laammikke.

Mazamure Maxaafaa 89:38

SHin ha77i neeni tiyada kawoyidoogaa bolli daro hanqqettadasa; a ixxadasanne aggadasa.

Mazamure Maxaafaa 93:2

Ne kawotaa araatai beniisappe eqqiis; neeni merinaasappe de7aasa.

Eranchchaa Maxaafaa 8:2

Kawuwaassi azazetta; aissi giikko, azazettanau neeni kase Xoossaa sinttan caaqqa uttadasa.

Ermmaasa 5:3

Abeet GODAU, ne aifeti tumaa xeellokkonaayye? Neeni eta dechchadasa, shin eta sakkibeenna. Neeni eta kinchcherettadasa, shin eti seeraa ekkennan ixxidosona. Eti bantta som77uwaa zaallaappe aatti minttidi, bantta nagaraappe simmennan ixxidosona.

Yesuusi Kiittidoogeetu Oosuwaa 12:1

Kawoi Heeroodisi he wode woosa keettaa asaappe amaridaageeta waisuwaa doommiis.

Sameela Maxaafaa Koiruwaa 22:17

Hegaappe guyyiyan, Saa7ooli ba matan eqqidi naagiyaageeta, “GODAA qeeseta worite; aissi giikko, etikka Daawita maaddidosona; Daawiti baqatidoogaa eriiddi, taayyo yootibookkona” yaagiis. SHin kawuwaa oosanchchati GODAA qeesetu bolli bantta kushiyaa wottennan ixxidosona.

Sameela Maxaafaa Koiruwaa 24:10

Ha gonggoluwaa giddon GODAI nena hachchi taayyo aatti immidoogaa neeni ne aifiyan be7adasa; taani nena woranaadan amaridaageeti tana denttettidosona; shin taani, 'GODAI tiyidi kawoyidoogaa i gidiyo gishshau, taani ta godaa bolli ta kushiyaa denttikke' yaagada nena ashshaas.