Mazamure Maxaafaa 55:17 - Wolaytta Bible

¹⁷ Maallado, gallassinne omarssi taani waassananne ta metuwaa ayyo yootana; yootin i tabaa siyana.

Mazamure Maxaafaa 55:17 Iomraidhean Croise

Iyyooba Maxaafaa 19:7

“Taani, 'Naaqettaas' yaagada waassin, taayyo alliyaabi baawa; qaalaa xoqqu oottada, suure pirddaassi waassinkka, siyiyaabi baawa.

Mazamure Maxaafaa 119:62

Ne xillo pirddaa gishshau, nena galatanau, taani qamma bilahe denddais.

Mazamure Maxaafaa 141:2

Ta woosai ixaanaa cuwaadan ne sintti shiiqo; taani ta kushiyaa micciyoogee neeyyo omarssa yarshsho mala gido.

Mazamure Maxaafaa 72:12

A xeesiya hiyyeesata, naaqettidaageetanne maaddiyaabi bainnaageeta i ashshees.

Mazamure Maxaafaa 77:2

Taani ta metuwaa gallassi Godaa koyais. Qamman taani shemppennan ta kusheta akko miccais; gidikkonne, taani minettanau danddayikke.

Mazamure Maxaafaa 88:13

Abeet GODAU, taani neekko waassais; maalladuwan ta woosai ne sintti gakkees.

Mazamure Maxaafaa 92:2

Tammu baqettan waaxettida diittaanne maazinqqiyaa diixxiiddi, maallado aggenna siiquwaa, qammi neeni ammanettiyaagaa gidiyoogaa awaajjiyoogee lo77o.

Ermmaasa Zilaassaa 3:8

Taani a xeegaas; akko waassinkka, i ta woosaa siyennan ixxiis.

Daaneela 6:10

Daaneeli awaajoi parametti kiyidoogaa erido wode, ba soo biis; biidi bolla pooqiyan de7iya kifiliyaa geliis. He kifiliyaa maskkootee Yerusalaame baggi simmidi dooyetti uttidaashin, ba kase woossiyoogaadankka gulbbatidi, ba Xoossaa galatiiddi, hachchi hachchi heezzutoo woossiis.

Daaneela 6:13

Yaagin eti, “Kawuwau, yaatin hekko Yihudaappe omoodettidi, yiidaageetuppe issuwaa gidiya Daaneeli, neeyyookka neeni paramada kessido ne awaajuwaayyookka azazettenna. I ha77ikka hachchi hachchi heezzutoo ba Xoossaa woossees” yaagidosona.

Marqqoosa 1:35

Yesuusi maallado wonttimaattan denddidi, sooppe kiyidi, asi bainnasaa biis; biidi yaani Xoossaa woossiis.

Marqqoosa 6:46

Erissiyo ashkkarata moissidoogaappe guyyiyan, Xoossaa woossanau deriyaa huuphiyaa kiyiis.

Marqqoosa 6:48

Carkkoi erissiyo ashkkaratukko carkkiyo gishshau, erissiyo ashkkarata abbaa shaariyoogee waissiyoogaa Yesuusi be7idi, kuttoi waassana haniyo wode abbaa bolli hemettiiddi, etakko yiis; eta yeggidi aadhdhanau koyiis.

Yesuusi Kiittidoogeetu Oosuwaa 10:3

Issi gallassi uddufun saate heeran, “Qornneliyoosaa” giya Xoossaa kiitanchchai baakko gelishin, Qornneliyoosi ajjuutan geeshshidi be7iis.

Yesuusi Kiittidoogeetu Oosuwaa 10:30

Qornneliyoosi hagaadan yaagiis; “Taani hachchi oiddu gallassaappe kase ha saaten uddufun saate woosaa ta sooni Xoossaa woossishin, phooliya maayuwaa maayida asi ta sinttan eqqidi,

Yesuusi Kiittidoogeetu Oosuwaa 10:9

Wonttetta gallassi eti biidi, Yoophphe katamaakko matishin, PHeexiroosi usuppun saate heeran keettaa bollan dembbayidi oottidosaa Xoossaa woossanau kiyiis.

Yesuusi Kiittidoogeetu Oosuwaa 3:1

Issi gallassi, PHeexiroosinne Yohaannisi Xoossaa woossanau uddufun saatiyan Beeta Maqidasiyaa biidosona.

Efisoona 6:18

Xoossaa woossiiddinne a maaduwaa oichchiiddi, ubba wode Geeshsha Ayyaanan Xoossaa woossite. Hegaa gishshau, minnite; salettoppite; geeshshatu ubbaayyo Xoossaa ubba wode woossite.

Koiro Tasalonqqe 5:17

Ubba wode Xoossaa woossite.

Ibraawe 5:7

Yesuusi sa7an de7iyo wode, bana haiquwaappe ashshanau danddayiya Xoossaa keehi yeekkidinne afuxxidi woossiisinne oichchiis; Xoossai a woosaa siyidoogee, i bana toochchidoogaassanne bau yayyidoogaassa.