Mazamure Maxaafaa 51:14 - Wolaytta Bible

¹⁴ Abeet Xoossau, tana ashshiya Xoossau, suuttaa gussido nagaraappe tana ashsha; he wode ta inxxarssai ne xillotettaabaa yexxana.

Mazamure Maxaafaa 51:14 Iomraidhean Croise

Doomettaabaa 42:22

Roobeeli, “Taani inttena, 'Na7aa bolli nagara oottoppite' gaada yootabeikkinaa? SHin intte siyennan ixxideta. Simmi ha77i, a suuttai nuna achchees” yaagiis.

Doomettaabaa 9:6

Xoossai asaa bana Xoossaa milatissidi medhdhido gishshau, asa suutta gussiya oona gidikkonne, a suuttaikka asa kushen gukkana.

Sameela Maxaafaa Naa77anttuwaa 12:9

Hagaa mala iitabaa GODAA sinttan oottada, aibissi GODAA qaalaa karadii? Hiitiyaa Ooriyoona bisuwan woradasa; yaatada a keettaayyiyo neeyyo ekkadasa. Ee, Amoona asatu bisuwan a woradasa.

Sameela Maxaafaa Naa77anttuwaa 21:1

Daawiti kawotido wode, heezzu laitta kumettaa biittai koshatiis. Hegaa gishshau, Daawiti GODAA oichchiis; oichchin GODAI a, “Hegee hanidoogee Saa7oola asai gussido suuttaa gishshaassa; aissi giikko, i Gabaa7oona asata woriis” yaagiis.

Sameela Maxaafaa Naa77anttuwaa 3:28

Daawiti ha yohuwaa siyidoogaappe guyyiyan, “Taaninne ta kawotettai Neera na7aa Abaneera suuttan GODAA sinttan merinaukka ashettokko.

Izira Maxaafaa 9:13

“Nu bolli gakkida iitabai ubbai nu iita oosuwaappenne nu gita naaquwaappe denddidaagaana. Gidikkonne, neeni nu Xoossai nu nagaraa daruwaa keenaa nuna pirddabaakka; shin nuuppe amaridaageeta zerettau palahissadasa.

Nahimiyaa Maxaafaa 9:33

Nuna gakkidaban ubban neeni xillo. Aissi giikko, nuuni nena naaqqikkokka neeni ammanettiyoogaa aggabaakka.

Mazamure Maxaafaa 25:5

Neeni tana ashshiya Xoossaa gidiyo gishshau, ne tumatettan tana kaalettanne tamaarissa. Gallassa kumettan taani nenan ufaissaa oottais.

Mazamure Maxaafaa 26:9

Tana nagaranchchatuura issippe pittoppa; woikko asa woriyaageetuura issippe xaissoppa.

Mazamure Maxaafaa 35:28

Gallassa kumettan ta inxxarssai ne xillotettaabaanne ne galataabaa yootana.

Mazamure Maxaafaa 38:22

Abeet Godau, tana ashshiyaagoo, tana maaddanau ellella.

Mazamure Maxaafaa 55:23

SHin Abeet Xoossau, neeni iita asata ciimma ollan duge olana. Suuttaa gussiyaageetinne cimmiyaageeti bantta daana laittau baggaanne de7okkona; shin taani nenan ammanettana.

Mazamure Maxaafaa 68:20

Ee, nu Xoossai nuna ashshiya Xoossaattennee! Haiquwaappe attiyoi Ubbaa Haariya GODAI ashshiina.

Mazamure Maxaafaa 88:1

Abeet GODAU, tana ashshiya Xoossau, taani gallassi neessi waassais; qammikka ne sinttan yeekkais.

Isiyaasa 12:2

“Be7ite, Xoossai ta atotettaa; taani an ammanettada, yayyikke. Aissi giikko, GODAI Xoossai taayyo wolqqanne yetta. I ta atotettaa gidiis” yaagana.

Isiyaasa 45:17

SHin Israa7eela GODAI merinaa atotettan ashshirggiis; intte merinaukka yeellatekketanne kauyyekketa.

Hizqqeela 33:8

Issi iita asa taani, 'Laa neeni tumu haiqqana' yaagiyo wode, i ba nagaraappe simmana mala, neeni ayyo yootana xayikko, he nagaranchchai ba nagaran haiqqees; shin taani a suuttaa neeppe achchana.

Daaneela 9:16

Abeet Godau, neeni kase ne xillo ooso ubbaa oottidoogaadan, hai ne hanqquwaanne ne teegaa ne katamaappe, Yerusalaameppe, ne geeshsha deriyaappe, wora zaara. Nuuni oottido nagarainne nu aawati oottido mooroi Yerusalaamenne ne asaanne nu yuushuwan de7iya ubbaassi qilliicciyoobaa kessiis.

Daaneela 9:7

“Abeet Godau, neeni xillo; shin nuuni hachchi yeellaa maayida. Yihudaaninne Yerusalaamen de7iya asai ubbai, nuuni neeyyo ammanettennan ixxin, neeni haaho biittaaninne mata biittan laalido Israa7eela asai ubbai yeellatida.

Hoose7a 4:2

Ha biittan de7iyaabai qanggetta, worddo, asa woro, wuussanne shaaramuxa xalaala. Eti maachcha ubbaa kanttidosona; asaa woroi woruwaa kaallees.

Imbbaaqooma 3:18

hegee ubbai xayikkokka, taani GODAN ufaittana; tana ashshiya Xoossan taani ufaissaa poccu gaana.

Yesuusi Kiittidoogeetu Oosuwaa 18:6

SHin eti PHauloosa haasayaa phalqqiininne a cayin, PHauloosi ba maayuwaappe buhiyaa qoqqofiiddi, “Intte palai inttena oiqqo; taani hegan gelikke; hagaappe hini baggan taani Aihuda gidenna asaakko bais” yaagiis.

Yesuusi Kiittidoogeetu Oosuwaa 20:26

Hegaa gishshau, intteppe issi urai bayikkokka taani hegan gelennaagaa hachchi intteyyo geeshshada yootais.

Roome 10:3

Aissi giikko, Xoossai asaa xillissiyo ogiyaa eti erennan, bantta huuphe xillotettaa essanau koyidosona; qassi bantta huuphen Xoossai asaa xillissiyo ogiyau haarettibookkona.