Mazamure Maxaafaa 51:11 - Wolaytta Bible

¹¹ Tana ne sinttaappe oloppa; ne Geeshsha Ayyaanaa taappe ekkoppa.

Mazamure Maxaafaa 51:11 Iomraidhean Croise

Doomettaabaa 4:14

Hekko neeni tana hachchi ha biittaappe yedettaasa; taani ne sinttappe qosettana; betedan taani sa7aa bollan toilattana; tana demmai ooninne worana” yaagiis.

Doomettaabaa 6:3

GODAI, “Ta Ayyaanai asan merinau de7enna; aissi giikko, asi haiqqiyaagaa; a laittaikka issi xeetanne laatama gidana” yaagiis.

Sameela Maxaafaa Naa77anttuwaa 7:15

SHin taani ne sinttaappe diggido Saa7oolappe ta siiqoi ekettidoogaadan, appe mulekka ekettenna.

Kawotu Maxaafaa Naa77anttuwaa 13:23

SHin GODAI Abrahaamaara, Yisaaqaaranne Yaaqoobaara maacettido maachchaa gishshau, etayyo kehiis, qarettiisinne qoppiis. Hachchi gattanaukka i eta xaissibeenna woikko ba sinttappe diggibeenna.

Kawotu Maxaafaa Naa77anttuwaa 23:27

Hegaa gishshau GODAI, “Taani Israa7eela ta sinttappe diggidoogaadan, Yihudaakka ta sinttappe diggana; taani doorido katamaa, Yerusalaamenne taani, 'Ta sunttai hagan de7ana' giido ha Beeta Maqidasiyaa diggana” yaagiis.

Kawotu Maxaafaa Naa77anttuwaa 24:20

GODAI hanqqettido gishshau, Yerusalaame asaa bollinne Yihudaa asaa bolli hagee haniis; wurssettan eta i ba sinttappe diggiis. Sedeqiyaasi Baabiloone kawuwaa bolli makkaliis.

Mazamure Maxaafaa 43:2

Xoossai, taani naagetta attiyo miixai nena. Neeni tana aibissi aggai? Taani aissi ta morkkiyan naaqettada azzanaidda hemettoo?

Mazamure Maxaafaa 71:18

Abeet Xoossau, ne wolqqaanne ne minotettaa yiya yeleta ubbaassi yootana gakkanaassi, taani cimada puulummikkokka tana aggoppa.

Mazamure Maxaafaa 71:9

Taani cimido wodiyan tana oloppa; ta wolqqai ixxido wodiyan tana aggoppa.

Ermmaasa 7:15

Intte dabbota, Efireema zerettata taani diggidoogaadan, ta sinttappe inttenakka diggana” yaagees.

Luqaasa 11:13

Intte iita gidiiddi, intte naatussi lo77obaa immiyoogaa erikko, yaatin saluwan de7iya Aawai bana woossiyaageetussi Geeshsha Ayyaanaa waati darissidi immanddeeshsha?” yaagiis.

Yohaannisa 14:26

shin Geeshsha Ayyaanai, minttettiyaagee, Aawai ta sunttan kiittanaagee, inttena ubbabaa tamaarissana. Taani intteyyo odido ubbabaakka inttena hassayissana.

Roome 1:4

Qassi i ba geeshshatetta Ayyaanan haiquwaappe denddidoogan, Xoossaa Na7aa gidiyoogaa gita wolqqan bessiis.

Roome 8:9

SHin Xoossaa Ayyaanai inttenan de7ikko, Geeshsha Ayyaanai giyoogaadan de7eetappe attin, intte asatettai koyiyoogaadan de7ekketa. SHin ooninne Kiristtoosa Ayyaanai bainnaagaa gidikko, he urai Kiristtoosabaa gidenna.

Efisoona 4:30

Xoossai inttena woziyo gallassau intte parametti uttido Xoossaa Geeshsha Ayyaanaa azzanissoppite.

Naa77antto Tasalonqqe 1:9

He gallassi, i ba geeshshatu ubban bonchchettanaunne qassi bana ammaniya ubbatun sabettanau yiyo wode, eti Godaa sinttappenne a wolqqaa bonchchuwaappe shaahettidi, merinaa bashshan qaxxayettana. Nuuni intteyyo yootido kiitaa intte ammanido gishshau, intte a bonchchiyaageetu giddooninne sabbiyaageetu giddon de7ana.

Daannatu Maxaafaa 13:25

Na7ai Xor77appenne Eshttaa7oolappe gidduwan de7iya Daana moottan de7ishin, GODAA Ayyaanai a denttettiyoogaa doommiis.

Daannatu Maxaafaa 15:14

Samssooni Leeha biido wode, Pilisxxeema asati wocamiiddi, aara gaittanau yiidosona. Yin GODAA Ayyaanai a bolli wolqqappe wodhdhiis; wodhdhin a kushiyaa qachchi wottido wodoruwaa, shaloi tamaa be7idi duuxxiyoogaadan, duuteretti yeggiis.

Daannatu Maxaafaa 16:20

“Samssoonaa, Pilisxxeemati yiichchidosona!” yaagaasu. Yaagin xiskkuwaappe beegottidi, kaseegaadan duuterettada baana yaagidi qoppiis; shin GODAI appe shaakettiichchidoogaa i eribeenna.

Sameela Maxaafaa Koiruwaa 10:10

Saa7oolinne ashkkarai Gib77aa gakkin, hananabaa yootiyaageetu citai aara gaittiis; Xoossaa Ayyaanai a bolli wolqqappe wodhdhiis; wodhdhin eta giddon hananabaa yootiis.

Sameela Maxaafaa Koiruwaa 16:14

GODAA Ayyaanai Saa7oolappe shaahettiis; shaahettin GODAAPPE kiitettida iita ayyaanai Saa7oola niqiichchiis.