Mazamure Maxaafaa 50:22 - Wolaytta Bible

²² “Inttenoo, Xoossaa dogiyaageetoo, hagaa akeekite. Hegee xayikko, taani inttena mentterettana; he wode inttena ashshiyaabi baawa.

Mazamure Maxaafaa 50:22 Iomraidhean Croise

Sameela Maxaafaa Naa77anttuwaa 22:42

Banttana maaddiyaabaa koyidosona; shin ooninne eta ashshibeenna. GODAAKKA eti xeesidosona; shin i etau koyibeenna.

Iyyooba Maxaafaa 10:7

Taani mooranchcha gidennaagaanne ne kushiyaappe tana ooninne ashshanau danddayennaagaa neeni eraasa.

Iyyooba Maxaafaa 8:13

Xoossaa dogiya asaa ubbaa wurssettai hegaa mala; Xoossai bainna uraa hidootaikka xayana.

Mazamure Maxaafaa 10:4

Iitai ba otoruwan Xoossaa koyenna; ba qofa ubbankka Xoossaa ainne wudenna.

Mazamure Maxaafaa 7:2

Neeni tana ashshennabaa gidikko, eti tana gaammuwaadan zaazidi, ooninne ashshennan dafidi carqqayana.

Mazamure Maxaafaa 9:17

Iitati duufuwaa baana; Xoossaa dogiya kawotettati ubbaikka etadan hanana.

Mazamure Maxaafaa 9:18

Hiyyeesi ubbatoo dogetti attenna; woikko metootanchchi wottido ufaissi merinaayyo xayenna.

Eranchchaa Maxaafaa 7:14

Neeyyo ubbabai giigido wodiyan ufaitta; qassi metoi gakkiyo wodiyankka akeeka; aissi giikko, ufaissa gidin, meto gidin, Xoossai yeddiyo wodiyan yees. SHin augee kasetidi yaanaakko, neeni erakka.

Isiyaasa 51:13

Intte salota miccidanne sa7aa baasuwaakka baasida GODAA, inttenakka medhdhida Xoossaa dogidetii? Eti inttena xaissanau giigissido, inttena huqqunniya asatu hanqquwaa gaasuwan gallassa kumetta yayyideta. SHin inttena huqqunniyaageetu hanqqoi awan de7ii?

Ermmaasa 2:32

Geela7iyaa ba alleequwaa woikko bullashettiyaara ba bullachchaa maayuwaa dogai? SHin ta asai tana qoodi bainna gallassaa dogiis.

Hizqqeela 18:28

I ba oottido nagaraa ubbaa qoppidi simmido gishshau, i tumu paxa de7anaappe attin haiqqenna.

Hoose7a 13:8

Marata wotti ekkido maaheedan, taani inttenaara gaittana; gaittada inttena daakerettana. Qassi taani inttena gaammodan yan maana; bazzo do7adan, inttena poosherettana.

Hoose7a 4:6

Ta asai eratettai xayin bayiis. Intte eratettaa ixxido gishshau, taanikka intte tau qeese gidanaagaa ixxais. Intte Xoossaa higgiyaa intte dogido gishshau, taanikka intte naata dogana.

Hoose7a 5:14

Hegaa gishshau, taani Efireemayyo gaammodan hanana; Yihudaayyookka wodala gaammodan hanana. Taani eta mentterettada, tookka ekkada baana; ooninne eta taappe wotti ekkenna.

Amoxa 2:14

Pala woxxiyaagee baqatidi kessi ekkenna; minuwaayyo wolqqi ixxana; olanchchaikka ba shemppuwaa ashshenna.

Mikiyaasa 5:8

Yaaqooba zaretu atettati kawotettatu giddon, daro asaa giddon, bazzo do7atu giddon de7iya gaammo malanne dorssaa wudiyaa giddon de7iya wodala gaammo mala gidana. I hegaara kanttiyo wode yereretteesinne mentterettees; ooninne ashshanau danddayenna.

Hagge 1:5

Hegaa gishshau, Ubbaappe Wolqqaama GODAI hagaadan yaagees; “Ane intte inttena gakkiiddi de7iyaabaa qoppite.

Luqaasa 15:17

“Ba mooruwaa hassayidi, ‘Qumai xoonidi sa7an attiyo ta aawaa oosanchchati aappuna shin, tana hagan namisai worii?

Zaarettido Wogaa 32:18

Eti de7uwaa immida Zaallaa qoppibookkona; qassi yeli dichchida Xoossaa dogidosona.

Zaarettido Wogaa 32:39

“'GODAI tanattenne. Ta xallai Xoossaa. Taappe attin, hara xoossi baawa. Woriyaagee, de7uwaakka immiyaagee tana; taani masunxxissada, taani pattana; ta kushiyaappe ooninne ashshenna.