Mazamure Maxaafaa 50:21 - Wolaytta Bible

²¹ Neeni hagaa ubbaa oottiyo wode, taani co77u giido gishshau, tanakka ne mala gaada qoppadasa. SHin ha77i taani nena walassaisinne ne balaa ne sinttan qoodais.

Mazamure Maxaafaa 50:21 Iomraidhean Croise

Iyyooba Maxaafaa 34:33

“Neeni Xoossai oottiyoobaa ixxaidda, ne waagai neeni dosiyoogaadan hananau koyai? Simmi qofaa qachchanai nenappe attin, tana gidikke. Hegaa gishshau, neeni qoppiyoobaa taayyo yoota.

Mazamure Maxaafaa 50:3

Nu Xoossai yaana; co77u geenna. Eexxiya tamai a sinttaana; wolqqaama gotee a yuushuwaana.

Mazamure Maxaafaa 50:8

Ne yarshshuwaa gishshaunne neeni ubbaton shiishshiyo xuuggiyo yarshshuwaa gishshau, taani nena walassikke.

Mazamure Maxaafaa 73:11

Eti, “Xoossai nubaa ainne erenna; Ubbaappe Xoqqiya Xoossai ainne be7enna” yaagoosona.

Mazamure Maxaafaa 90:8

Neeni nu iita oosuwaa ne sinttan wottadasa; qassi nu geemmida nagaraa ne sintta poo7uwaakko aattadasa.

Kessaabaa 3:14

Xoossai Muusa, “Taani tanattennee; neeni Israa7eelatuyyo, 'Tanattennee inttekko tana kiittiis' yaaga” yaagiis.

Leemiso Maxaafaa 29:1

Daroton seerin ixxidi, morgge zozzida urai hassayennan meqqana; he urau paxoikka baawa.

Eranchchaa Maxaafaa 12:14

Xoossai ooso ubbaa bollan, qassi geemmida yoho ubbaa bollan, lo77o gidin, iita gidinkka pirddanau de7ees.

Isiyaasa 26:10

Iita asayyo kehatettaa oottikkokka, i xillotettaa tamaarenna. Suure asatu biittan iitabaa oottees; GODAA gitatettaakka erenna.

Isiyaasa 42:14

GODAI hagaadan yaagees; “Adussa wodeesappe taani saruwan takkaas; co77u gaada danddayaas. Ha77i maaretai oikkido maccaaseedan, taani waassana; tookka tookkada shemppananne peenuqana.

Isiyaasa 57:11

“Intte oossi yayyidi, taayyo worddotidetii? Intte tana hassayibeekketa; intte wozanankka qoppibeekketa. Taani daro wodiyaa co77u giido gishshaassa gidennee, intte taassi yayyennan aggidoogee?

Ermmaasa 2:23

Neeni waanada, 'Taani tunabeikke; taani Ba7aala eeqatuyyo goinnanau woxxabeikke' gaanau danddayai? Ane neeni wombban hanidobaa xeella; neeni oottidobaanne akeeka. Neeni yaanne haanne wottaa jaamiya gaameelee mala.

Amoxa 8:7

GODAI Yaaqoobi ceeqettiyo ba sunttan hagaadan yaagidi caaqqiis; “Taani eti oottido iita oosuwaa mulekka dogikke.

Qoodaabaa 23:19

Xoossai worddotanau asa gidenna; ba qofaa laammanau i asa na7a gidenna. I yootidi, ba yootidoogaa oottennee? Woikko i ba giidobaa polennee?

Koiro Qoronttoosa 4:5

Hegaa gishshau, Godai xuman genttidobaa poo7uwaa kessiyaagee, wozanaa qofaa qonccissiyaagee yaana wodee gakkanaassi o bollinne oonanne pirddoppite. He wode, asai ubbai huuphiyan huuphiyan Xoossaappe galataa ekkana.

Naa77antto PHeexiroosa 3:9

Issooti issooti qoppiyoogaadan, Godai ba oottana giidoogaa oottanau takkenna; shin ooninne ba nagaraappe simmanaadan koyeesippe attin, ooninne xayana mala koyenna gishshau, inttebaa genccees.

Ajjuutaa 3:19

Taani siiqiyo ubbaa seeraisinne qaxxayais; simmi keehi mishetta; ne nagaraappekka simma.