Mazamure Maxaafaa 50:15 - Wolaytta Bible

¹⁵ Yaatada, metuwaa gallassi tana xeesa. Taani nena ashshana; neenikka tana bonchchana” yaagees.

Mazamure Maxaafaa 50:15 Iomraidhean Croise

Kawotu Maxaafaa Naa77anttuwaa 20:2

Yaagin Hizqqiyaasi godaakko simmi zin77idi, GODAA woossiis.

Hanidabaa Odiya Naa77antto Maxaafaa 20:9

'Nu bolli iitabai, woi olai, woi boshai, woikko koshai yiyaakko, nuuni ne sunttai de7iyo ha Beeta Maqidasiyaa sinttaaninne ne sinttan eqqidi, nu metuwan neekko waassana. Neeni nu waasuwaa siyada, nuna ashshana' yaagidosona.

Iyyooba Maxaafaa 22:27

Neeni Xoossaa woossana; woossin i siyana; qassi neeni ne shiiquwaa ayyo gattana.

Mazamure Maxaafaa 107:19

Eti metootido wode, GODAAYYO waassidosona; waassin i eta eta waayiyaappe ashshiis.

Mazamure Maxaafaa 107:28

Eti metootido wode, GODAAYYO waassidosona; waassin i eta eta waayiyaappe ashshiis.

Mazamure Maxaafaa 120:1

Ta waayiyaa wode taani GODAA xeesaas; xeesin i taayyo koyiis.

Mazamure Maxaafaa 22:23

Inttenoo, GODAASSI yayyiyaageetoo, a galatite. Inttenoo, Yaaqooba zerettatoo, ubbaikka a bonchchite. Inttenoo, Israa7eela zerettatoo, ubbatikka bonchchuwan ayyo yayyite.

Mazamure Maxaafaa 34:5

Naaqettidaageeti akko xeellidi ufaittoosona; eta som77oi mulekka yeellatenna.

Mazamure Maxaafaa 34:7

GODAA kiitanchchai GODAASSI yayyiya asata naagees; i eta yuushuwan gididi, eta ashshees.

Mazamure Maxaafaa 4:2

Inttenoo asatoo, intte aude gakkanaassi ta bonchchuwaa kaushshuuteetii? SHori bainnabaakka aude gakkanaassi intte siiquuteetii? Wordduwaanne aude gakkanaassi caddi oiqqi kaalluuteetii?

Mazamure Maxaafaa 50:23

Taayyo galataa immiya asi tana bonchchees. Ba ogiyaa sittissiya asa taani Xoossaa atotettaa bessana” yaagees.

Mazamure Maxaafaa 77:2

Taani ta metuwaa gallassi Godaa koyais. Qamman taani shemppennan ta kusheta akko miccais; gidikkonne, taani minettanau danddayikke.

Mazamure Maxaafaa 77:3

Taani Xoossaabaa qoppiyo wode, oolais; taani abaa yereriyo wode, ta shemppoi daafurees.

Mazamure Maxaafaa 81:7

Intte metuwaa wode tana xeesideta; xeesin inttena ashshaas; taani dadaa giddon geemmidosaappe intteyyo allaas. Mariiba giyo pulttuwaa matan taani inttena paaccaas.

Mazamure Maxaafaa 86:5

Abeet Godau, neeni kehanne atto giyaagaa; nena xeegiya ubbaayyo aggenna ne siiqoi dariyoogaa.

Mazamure Maxaafaa 86:7

Neeni taayyo alliyo gishshau, ta metuwaa gallassan taani neeyyo waassais.

Mazamure Maxaafaa 91:15

I tana xeegiyo wode, taani ayyo koyana. Metuwan taani aara issippe gidana; taani a ashshananne bonchchana.

Ermmaasa 39:17

Gido shin, he gallassan taani GODAI nena wotta ekkana; neeni yayyiyo ne morkketu kushiyankka aadhdhada imettakka.

Zakkaariyaasa 13:9

Ha attida heezzantto kushe asaa taani taman yeggana; yeggada birai taman geeyiyoogaadan, eta geeshshana; qassi worqqai paacettiyoogaadankka paaccana. Hegaappe guyyiyan, eti ta sunttan woossana; taanikka etayyo siyana. Taani, 'Hageeti ta asata' yaagana. Etikka, 'GODAI nu Xoossaa' yaagana” yaagees.

Maatiyoosa 5:16

Hegaadankka, asi intte oottiyo lo77o oosuwaa be7idi, saluwan de7iya intte Aawaa galatana mala, intte poo7oi asa sinttan poo7o.

Luqaasa 22:44

Ba wozanaa giddon mishettidi, daro minttidi woossees. I cawattiyo cawai sa7an xokkiya suutta milatees.

Yohaannisa 15:8

Intte daro aifiyaa aifikkonne qassi ta erissiyo ashkkarata gidikko, hegan ta Aawai bonchchettana.

Yesuusi Kiittidoogeetu Oosuwaa 16:25

SHin qamma bilahe gidiyo heeran PHauloosinne Sillaasi Xoossaa woossiiddi, mazamuriyaa yettan Xoossaa galatoosona; galatishin qashuwaasai eti giyoobaa siyees.

Yaaqooba 5:13

Intte giddon waayettiya urai ooninne de7ikko, Xoossaa woosso; ufaittiya urai ooninne de7ikko, yexxidi galato.

Koiro PHeexiroosa 4:11

Yesuus Kiristtoosa baggaara ubbaban Xoossai galatettana mala, ooninne yootiyaabaa gidikko, qaalaa Xoossaappe ekkidi yootiyoogaadan yooto. Qassi ooninne maaddiyaabaa gidikko, Xoossai ayyo immiyo wolqqan maaddo. Bonchchoinne godatettai Xoossaassi meri merinau gido. Amin77i.

Koiro PHeexiroosa 4:14

Asi inttena Kiristtoosa sunttaa gishshau boriyaabaa gidikko, intte anjjettidaageeta; aissi giikko, bonchcho Ayyaanai, Xoossaa Ayyaanai, intte bolli shemppana.

Daannatu Maxaafaa 15:19

Yaagin Xoossai Leehan de7iya biittaa phalqqin, appe haattai kiyiis. Samssooni he haattaappe uyidi alido gishshau, ayyo shemppoi simmiis. Yaatin, he sohuwaa Aini-Haqqoore yaagidi sunttiis. Hegee hachchi gakkanaassi Leehan de7ees.