Mazamure Maxaafaa 50:14 - Wolaytta Bible

¹⁴ Hegaa gishshau, Xoossaassi neeni immiyo yarshshoi galata gido; Ubbaappe Xoqqiya Xoossaassi ne shiiquwaa gatta.

Mazamure Maxaafaa 50:14 Iomraidhean Croise

Iyyooba Maxaafaa 22:27

Neeni Xoossaa woossana; woossin i siyana; qassi neeni ne shiiquwaa ayyo gattana.

Mazamure Maxaafaa 147:1

GODAA galatite! Nu Xoossaa sabbiyoogee lo77ottennee; a sabbiyoogee ufaissiyaabaanne bessiyaabaa.

Mazamure Maxaafaa 22:25

Taani neeni oottido lo77o oosuwaa gishshaassi, kunttida yaa7an galatana. Taani shiiqettidobaa neeyyo yayyiya asaa sinttan gattana.

Mazamure Maxaafaa 22:26

Hiyyeesati miidi kallana. GODAA koyiyaageeti a galatana. Eti merinau duretana.

Mazamure Maxaafaa 27:6

He wode taani tana dooddida ta morkketuppe gitatada, xoqqu xoqqu yaagana. Taani a dunkkaaniyan ufaittaidda yarshshuwaa yarshshana. Taani GODAAYYO diixxananne yexxana.

Mazamure Maxaafaa 50:23

Taayyo galataa immiya asi tana bonchchees. Ba ogiyaa sittissiya asa taani Xoossaa atotettaa bessana” yaagees.

Mazamure Maxaafaa 56:12

Abeet Xoossau, taani neessi shiiqettidobaa oottana; hegaa galataa yarshshuwaa taani neeyyo immana.

Mazamure Maxaafaa 61:8

Yaatiyaabaa gidikko, taani ta shiiquwaa gallassi gallassi gattaidda, ne sunttaa ubbaton sabbana.

Mazamure Maxaafaa 65:1

Abeet Xoossau, Xiyoonen neeyyo galatai bessees; nuuni neeyyo shiiqettidobaakka gattana.

Mazamure Maxaafaa 69:32

Naaqettidaageeti tana GODAI ashshidoogaa be7idi ufaittona. Inttenoo Xoossaakko shiiqiyaageetoo, intte wozanai minetto.

Mazamure Maxaafaa 76:11

GODAAYYO, intte Xoossaayyo, shiiqettidoogaa gattite. Inttenoo shooro kawotettatoo, yayettanau bessiyaagaayyo immiyoobaa ehiite.

Mazamure Maxaafaa 76:12

I halaqatu otoruwaa giishshees; wolqqaama kawotakka i yashissees.

Hoose7a 14:2

GODAAKKO simmidi, hagaadan yaagidi woossite; “Nu nagara ubbaappe nuna maara; neeni nuna ne kehatettan shiishsha ekka; yaatin nuuni nu inxxarssan nena galatana.

Naahooma 1:15

Be7ite, issi kiitettidaagee lo77o mishiraachchuwaa odiiddinne sarotettaa awaajjiiddi, xoqqa deretu bollaara gakkiis. Inttenoo, Yihudaa asatoo, intte morkketi muleera xayidosona; eti naa77antto intte biittaa woraajjokkona. Hegaa gishshau, intte baalata bonchchite; intte shiiqqidobaakka gattite.

Naahooma 2:1

Nenoo Nanawe katamau, mentterettiyaabai kiyiichchiis! Hegaa gishshau, ne qatuwaa naaga; ne ogiyaakka wochcha; ne gittaa mintta; ne wolqqaakka kuntta.

Roome 12:1

Hegaa gishshau, ta ishatoo, intte intte asatettaa Xoossaa ufaissiya de7onne geeshsha yarshsho oottidi, Xoossau shiishshanaadan, taani inttena Xoossaa maarotettan woossais; Xoossau intte goinnanau bessiya tumu ogee hegaa.

Zaarettido Wogaa 23:21

“GODAAYYO, ne Xoossaayyo, immanau geppidobaa immanau gam77oppa. GODAI ne Xoossai neeni geppidoogaa kumettan neeppe koyiyo gishshau, polana xayikko, neeyyo nagara gidana.

Zaarettido Wogaa 23:22

SHin neeni geppana xayikko, hegan neeyyo nagari baa.

Zaarettido Wogaa 23:23

GODAAYYO, ne Xoossaayyo, immana gaada neeni doonan haasayidoogaa ne dosan immana giido gishshau, ne inxxarssan haasayidoogaa pola.

Zaarettido Wogaa 23:24

“Ne shooruwaa woiniyaa gidduwaara kanttiyo wode, woiniyaappe ne koyido keenaa mappe attin, appe aibanne ne oiqqido miishshan yeggoppa.

Koiro Tasalonqqe 5:18

Ubbaban galatite. Aissi giikko, Kiristtoos Yesuusa baggaara Xoossai intteppe koyiyoobai hegaa.

Ibraawe 13:15

Simmi Xoossaayyo Yesuusa baggaara ubba wode galataa yarshshuwaa immoos; hegaa giyoogee menttershshai a sunttaayyo immiyo galataa giyoogaa.

Koiro PHeexiroosa 2:5

Inttekka qassi de7o shuchchadan, geeshsha qeese gididi, Yesuus Kiristtoosa baggaara Xoossaa ufaissiya ayyaanaa yarshshuwaa Xoossaayyo yarshshanau, intte intte huuphen ayyaana keettadan keexettite.

Koiro PHeexiroosa 2:9

SHin Xoossai xumaappe garamissiya ba poo7uwau inttena xeesiis; intte a ooratta oosuwaa yootanau doorettida zare; intte kawo qeeseta; geeshsha asanne Xoossaassi buzo asa.