Mazamure Maxaafaa 5:6 - Wolaytta Bible

⁶ Wordduwaa haasayiyaageetanne neeni xaissaasa. Suuttaa gussiyaageetanne cimmiya asata GODAI shenetees.

Mazamure Maxaafaa 5:6 Iomraidhean Croise

Doomettaabaa 34:14

eta hagaadan yaagidosona; “Nuuni hegaa malabaa oottana danddayokko; nuuni nu michchiyo qaxxarettibeenna asau immokko; hegee nuna kaushshiyaabaa.

Sameela Maxaafaa Naa77anttuwaa 16:8

Neeni Saa7oola sohuwan kawotadasa; neeni gussido Saa7oola asaa suuttaa ubbaa GODAI ne bolli zaariis; qassi GODAI kawotettaa ne na7aa Abeseloomayyo sheedhdhiis. Neeni suutta gussida asa gidiyo gishshau, neeni xayiyo wodee gakkiis” yaagiis.

Sameela Maxaafaa Naa77anttuwaa 20:1

Biniyaama zare gidiya Biikira na7ai SHebaa7a giyo issi shori bainna bitanee yan de7ees. He bitanee malkkataa punnidi, “Nuuni Daawitaara ekkiyo saami baawa! Isseya na7aara nuuni laattanabai baawa! Israa7eela asatoo, ubbaikka intte soo intte soo gelite!” yaagiis.

Mazamure Maxaafaa 11:5

GODAI xilluwaa qorees. SHin iitatanne hanttaarabaa siiqiyaageeta i keehippe ixxees.

Mazamure Maxaafaa 4:2

Inttenoo asatoo, intte aude gakkanaassi ta bonchchuwaa kaushshuuteetii? SHori bainnabaakka aude gakkanaassi intte siiquuteetii? Wordduwaanne aude gakkanaassi caddi oiqqi kaalluuteetii?

Mazamure Maxaafaa 43:1

Abeet Xoossau, tana shatintta. Xoossaa erenna deretuura ta mootuwaa neeni mootetta. Cimmiya iita asatuppe tana neeni ashsha.

Mazamure Maxaafaa 55:23

SHin Abeet Xoossau, neeni iita asata ciimma ollan duge olana. Suuttaa gussiyaageetinne cimmiyaageeti bantta daana laittau baggaanne de7okkona; shin taani nenan ammanettana.

Isiyaasa 26:21

Biittaa bollan de7iya asaa, eta nagaraa gishshau qaxxayanau, GODAI ba de7iyoosaappe kiyidi yees. Biittaikka ba bollan gukkida suuttaa qonccissana; woridoogeetakka naa77antto genttenna.

Roome 1:29

Etan geellatettai, iitatettai, yiiqeenne iita hanotai kumiis; qassi etan qanaatee, shemppo woriyo qofai, palami, cimoinne iita qofai kumiis; qassi eti soqiyaageeta,

Ajjuutaa 21:8

SHin yayyiyaageeti, ammanennaageeti, tunati, shemppo woriyaageeti, shaaramuxiyaageeti, bitiyaageeti, eeqassi goinniyaageetinne worddotiyaageeti ubbai de7iyo sohoi tamainne dinnee eexxiyo abbaa gidana. Hegee naa77antto haiqo” yaagiis.

Ajjuutaa 22:15

SHin kanati, bitiyaageeti, shaaramuxiyaageeti, shemppuwaa woriyaageeti, eeqassi goinniyaageetinne bantta haasayaaninne bantta oosuwan worddotiyaageeti kareera de7oosona.