Mazamure Maxaafaa 49:11 - Wolaytta Bible

¹¹ Eti bantta biittaa banttabaa ginkka, duufoi merinau eta keettanne yeletaappe yeletaa gakkanaashin eti de7iyo soho gidana.

Mazamure Maxaafaa 49:11 Iomraidhean Croise

Doomettaabaa 4:17

Qaayeeli ba keettaayeera aqiis; a abbe ixettada, Heenooka yelaasu. Qaayeeli katamaa he wode keexxidi, he katamaa ba na7aa sunttan “Heenooka” giidi sunttiis.

Sameela Maxaafaa Naa77anttuwaa 18:18

Abeseloomi paxa de7iiddi, “Ta sunttaa hassayissiya na7i taayyo baawa” yaagidi, bana hassayissiya shuchchaa massido tuussaa kawo dilbban essiis; essidi he tuussaa ba sunttan xeesiis. Hachchi gakkanaashin, he tuussai “Abeselooma tuussaa” geetettees.

Mazamure Maxaafaa 10:6

Ba wozanan i, “Tana aibinne qaattenna. Tana mulekka metoi gakkenna” yaagidi qoppees.

Mazamure Maxaafaa 39:7

“Abeet Godau, ha77i simmi, taani naagiyoobai aibee? Taani ufaissaa oottiyoi nenaana.

Mazamure Maxaafaa 5:9

Eta doonaappe kiyiyaabi ammanttenna. Eta wozanankka genee kumiis; eta doonai dooyettida duufo mala; eti bantta inxxarssan cimmoosona.

Mazamure Maxaafaa 64:6

Eti iitabaa maqettiiddi, “Nuuni lo77o maqqo maqettida” yaagoosona. Hegeenne, asassi wozanainne kahai ciimma gidiyoogaa bessees.

Eranchchaa Maxaafaa 2:14

Cincca asati bantta denddiyo sohuwaanne biidi gakkiyo sohuwaa eroosona; shin eeyyati hegaa ubbaa erokkona” yaagaas. Gidoppe attin, eta naa77aa wurssettaikka issuwaa.

Eranchchaa Maxaafaa 2:21

Asi ba de7ido laittan bau de7ida aadhdhida eratettan, eraaninne hiillan daafuridi demmidobaa ubbaa ainne daafuribeennaagau yeggidi bees. Hegeekka qassi, hadanne likke gidennabaa.

Hizqqeela 38:10

“'Ubbaa Haariya GODAI hagaadan yaagees; “He wode qofai ne wozana giddo yin, neeni iitabaa halchchana.

Luqaasa 11:39

Garamettin Godai a, “Parisaawetoo, shaatiyaayyoonne keriyaayyo bolla baggaa geeshsheeta; shin intteyyo giddoora bonqqiyoogeenne iitatettai kumi uttiis.

Yesuusi Kiittidoogeetu Oosuwaa 8:22

Yaatada ha ne wozanaa iita qofaa gishshau, nagaraappe simma; geelladan ne wozanan de7iya iita qofaa Xoossai atto gaanaakkonne Xoossaa woossa.

Zaarettido Wogaa 3:14

Minaase zariyaappe Yaa7iiri, kumetta Arggooba biittaa laattiis; hegeekka Gashuuratunne Maa7ikatu biittaa gaxaa gakkanaashin de7iya Baasaane biittaa. I qeeri katamata ba sunttan xeesettanaadan oottiis; hegaa gishshau, eti hachchi gakkanaashin, Yaa7iira katamata geetetti xeesettoosona.)

Sameela Maxaafaa Koiruwaa 15:12

Maallado guuran Sameeli denddidi, Saa7oolaara gaittanau biis; shin asai ayyo, “Saa7ooli Qarmmeloosa katamaa biis; biidi yan bana hassayissiya hawulttiyaa essiis; hegaappe simmidi, Gelggala wodhdhiis” yaagidi yootiis.