Mazamure Maxaafaa 48:1 - Wolaytta Bible

¹ GODAI gita. Nu Xoossaa kataman a geeshsha deriyan aaro galatai ayyo bessees.

Mazamure Maxaafaa 48:1 Iomraidhean Croise

Nahimiyaa Maxaafaa 9:5

Leewatuppe Yaasu, Qaadimi7eeli, Baani, Hashaabanee, SHerebee Hodee, SHabaaneenne Pataahee Israa7eela asaa hagaadan yaagidosona; “Denddi eqqidi, merinaappe merinau de7iya GODAA intte Xoossaa galatite! Galata ubbaappenne saba ubbaappe bollaara xoqqu xoqqu giidanne bonchchettida Xoossaa sunttaa sabbite” yaagidosona.

Mazamure Maxaafaa 145:3

GODAI gita; aaro galatai ayyo bessees. A gitatettai asa qofaappe aadhdhees.

Mazamure Maxaafaa 147:5

Nu Godai gita; a wolqqai daro; a akeekai likkiyaappe aadhdhiyaagaa.

Mazamure Maxaafaa 2:6

Godai, “Taani ta geeshsha deriyaa Xiyoone bolli ta kawuwaa kawoyaas” yaagees.

Mazamure Maxaafaa 30:1

Abeet GODAU, neeni tana ciimmaappe kessido gishshaunne ta morkketan, “Hashshu au” giissabeenna gishshau, taani nena xoqqu xoqqu oottana.

Mazamure Maxaafaa 42:1

Gaarai goggiya haattaa laamotiyoogaadan, abeet Xoossau, hegaadan taanikka nena laamotais.

Mazamure Maxaafaa 46:1

Xoossai nuuni naagetti attiyo sohonne nuuyyo wolqqa. Nuna metoi gakkiyo wode, maaddanau i ubbaton matan de7ees.

Mazamure Maxaafaa 46:4

Issi shaafai de7ees. He shaafai goggidi, Xoossaa katamaa, Ubbaappe Xoqqiya Xoossai de7iyo geeshsha sohuwaa ufaissees.

Mazamure Maxaafaa 47:8

Xoossai ba geeshsha kawotaa araatan uttidi, kawotettata haarees.

Mazamure Maxaafaa 65:1

Abeet Xoossau, Xiyoonen neeyyo galatai bessees; nuuni neeyyo shiiqettidobaakka gattana.

Mazamure Maxaafaa 78:68

SHin i Yihudaa zariyaanne siiqiyo Xiyoone deriyaa dooriis.

Mazamure Maxaafaa 86:10

Aissi giikko, neeni gita; neeni maalaalissiyaabaa oottaasa. Ne xalaalai Xoossaa.

Mazamure Maxaafaa 87:1

GODAA katamai geeshsha deriyan keexettiis.

Mazamure Maxaafaa 87:3

Nenoo Xoossaa katamau, neeni bonchchettana mala, Xoossai hagaadan yaagees;

Mazamure Maxaafaa 96:4

Aissi giikko, GODAI gita; aaro galatai ayyo bessees. Xoossatu ubbaappe aadhdhidi i yayettanau bessees.

Mazamure Maxaafaa 99:9

GODAA nu Xoossaa, xoqqu xoqqu oottite; a geeshsha deriyaa bollan ayyo goinnite; aissi giikko, GODAI nu Xoossai geeshshattennee!

Isiyaasa 27:13

He gallassi gita malkkatai punettana; punettin Asoore biittan xayiyaageetinne Gibxxe biittau goossidaageeti yaana; yiidi Yerusalaamen geeshsha deriyan GODAAYYO goinnana.

Ermmaasa 31:23

Ubbaappe Wolqqaama GODAI, Israa7eela Xoossai, hagaadan yaagees; “Taani Israa7eela asaa omooduwaappe zaarada ishalissiyo wode, Yihudaa biittaaninne a katamatun eti naa77anttuwaa, 'Nenoo xillotettai de7iyo sohuwau, nenoo geeshsha deriyau, GODAI nena anjjo' yaagana.

Abddiyyu 1:17

“SHin Xiyoone Deriyan bashshaappe kessi ekkiyaageeti de7ana; Xiyooneekka geeshsha gidana; Yaaqooba zaretikka bantta biittaa laattana.

Mikiyaasa 4:1

Wurssettaa gallassatun GODAA Beeta Maqidasee keexettido deree deretu ubbaappe xoqqidi beettana; kera ubbatuppekka bollaara xoqqu xoqqu gaana. Dere asai akko zulana.

Zakkaariyaasa 8:3

GODAI hagaadan yaagees; 'Taani Xiyoone simmana; simmada Yerusalaame giddon de7ana. Qassi Yerusalaameekka Ammanettiya Katama geetettana; Ubbaappe Wolqqaama GODAA deree qassi Geeshsha Dere geetettidi xeesettana' yaagees.

Maatiyoosa 24:15

“Hegaa gishshau, hananabaa yootiya Daaneeli odido bashshaa tunatettai geeshsha sohuwan eqqidaagaa intte be7ana; hegee woigiyoogaakko, nabbabiyaagee akeeko.

Ibraawe 12:22

SHin intte Xiyoone Deriyaa, de7o Xoossai de7iyo katamaa, issippe shiiqidi ufaittiya daro sha7u kiitanchchatukko saluwaa Yerusalaame yiideta.

Ajjuutaa 19:5

Hegaappe guyyiyan, “Xoossaa ashkkara ubbai, Xoossaayyo yayyiya guuttai gitai ubbai nu Xoossaa galatite” yaagiya cenggurssai kawotaa araataappe kiyiis.

Ajjuutaa 21:2

Geeshsha katamiyaa ooratta Yerusalaama, ba azinaayyo gixxa giigida bullashettiya maccaaseedan, giiga uttidaara saluwaappe Xoossaa matappe duge wodhdhiyaaro taani be7aas.