Mazamure Maxaafaa 47:8 - Wolaytta Bible

⁸ Xoossai ba geeshsha kawotaa araatan uttidi, kawotettata haarees.

Mazamure Maxaafaa 47:8 Iomraidhean Croise

Hanidabaa Odiya Koiro Maxaafaa 16:31

Saloti ufaittona; sa7aikka hashshu go! Kawotettatu giddon eti, “GODAI kawotiis!” yaagona.

Mazamure Maxaafaa 110:6

Kawotettaa bolli i pirddana; olaa dembbatakka aha xalaala oottana; sa7an ubban de7iya kawota i mentterettana.

Mazamure Maxaafaa 48:1

GODAI gita. Nu Xoossaa kataman a geeshsha deriyan aaro galatai ayyo bessees.

Mazamure Maxaafaa 89:14

Xillotettainne suure pirddai ne kawotaa araataassi baaso. Aggenna siiqoinne tumatettai nena ajaboosona.

Mazamure Maxaafaa 9:4

Neeni taayyo xillo pirddaa pirddadasa; neeni xillotettan pirddaidda, ne kawotaa araatan uttadasa.

Mazamure Maxaafaa 93:1

GODAI kawotiis! Bonchchuwaa maayiis; wolqqaa gixxiis. Sa7ai minnidi eqqiis; mulekka qaaxxenna.

Mazamure Maxaafaa 94:20

Higgiyaa shaariya geella daannatuura neeni zuppetakka.

Mazamure Maxaafaa 96:10

Kawotettatu giddon, “GODAI kawotiis! Sa7ai minni eqqiis; mulekka qaaxxenna. GODAI asaa bolli suuretettan pirddana” yaagite.

Mazamure Maxaafaa 97:1

GODAI kawotiis sa7an de7iya asai ufaitto; haaho haruurotun de7iya asatikka ufaittona.

Mazamure Maxaafaa 99:1

GODAI kawotiis! Hegaassi asati kokkorona. Kiruubeta giyo kiitanchchatuppe bollaara kawotaa araatan uttees; hegaassi biittai qaaxxo;

Mazamure Maxaafaa 99:2

GODAI Xiyoonen gita; kawotettaa ubbaappe i xoqqu xoqqu giis.

Zakkaariyaasa 14:9

Qassi GODAI sa7a ubbaa bolli kawotana; he gallassi issi GODAA xalaalai de7ana; a sunttaikka mexi issuwaa gidana.

Milkkiyaasa 1:14

Taayyo yarshshana giidi shiiqettido attuma dorssai a wudiyaa giddon de7ishin, boriyoobai de7iyo dorssaa yarshshiya he cimmiyaagee qanggettidaagaa gido! Aissi giikko, taani gita Kawuwaa; ta sunttaikka kawotettatu giddon yayettidaagaa” yaagees.

Ibraawe 4:16

Simmi nuna koshshiyo wode maaddiya maarotettaa ekkanaunne aaro kehatettaa demmanau, aaro kehatettai de7iyoosaa Xoossaa araataakko, yayyennan shiiqoos.

Ajjuutaa 19:6

Hegaappe guyyiyan, daro asadan wocamiya, wolqqaama shaafadan guummiya, wolqqaama dadaadan xuuqqiya cenggurssaa taani siyaas. He cenggurssai, “Xoossaa galatai gakko. Aissi giikko, nu Godai, Ubbaappe Wolqqaama Xoossai kawotiis.

Ajjuutaa 20:11

Hegaappe guyyiyan, taani gita bootta araataanne he araatan uttidaagaa be7aas. Sa7ainne saloi a sinttappe baqatidosona; naa77antto beettibookkona.