Mazamure Maxaafaa 45:3 - Wolaytta Bible

³ Wolqqaama kawuwau, ne bisuwaa ne xeessan gixxa; bonchchoinne gitatettai nebaa.

Mazamure Maxaafaa 45:3 Iomraidhean Croise

Iyyooba Maxaafaa 1:16

I biron haasayishin, hara bitanee yiidi, “Xoossaa tamai saluwaappe wodhdhidi, dorssatanne dorssata heemmiyaageeta miis. Yaatin, ta xalaalai attada, ha hanidabaa neeyyo yootanau yaas” yaagiis.

Mazamure Maxaafaa 104:1

Tanooshsho, GODAA galata! Abeet GODAU ta Xoossau, neeni ai keena gitee! Neeni bonchchuwaanne anggaa maayadasa.

Mazamure Maxaafaa 145:12

Hegeenne, ne wolqqaama oosuwaabaanne ne kawotettaa bonchchuwaa anggaabaa asaa erissanaassa.

Mazamure Maxaafaa 145:5

Eti ne bonchchuwaanne ne anggaa gitatettaabaa haasayana; taanikka ne maalaalissiya oosuwaa zaara zaarada qoppana.

Mazamure Maxaafaa 21:5

Neeni xoonuwaa immido gishshau, a bonchchoi darees; gitatettaanne anggaa ayyo immadasa.

Mazamure Maxaafaa 21:7

Kawoi GODAN ammanettees. Ubbaappe Xoqqiya Xoossai a aggennan siiqiyo gishshau, i yeeqenna.

Mazamure Maxaafaa 96:6

Bonchchoinne anggai a yuushuwan de7ees; minotettainne puulai a Beeta Maqidasiyan de7ees.

Siiquwaa Sabaa 2:3

“Ta siiqoi hara wodallatu giddon xeelliyo wode, woran de7iya appiliyaa giyo mittaa milatees; tana keehi ufaissin, a kuwaa giddon uttaas; a aifee min, tana keehi mal77ees.

Siiquwaa Sabaa 5:13

A gacotikka sawo maatainne qimamee tokettido madabaadan lo77oosona; a menttershshati karbbiyaa shittoi xokkiyo wora ciishshaadan lo77oosona.

Isiyaasa 49:2

Ta inxxarssaa qara bisuwaadan oottiis; ba kushiyaa kuwan tana genttiis; i tana poshshido zubbe oottiis; yaatidi ba shoohuwaa giddon tana yeggidi qottiis.

Yesuusi Kiittidoogeetu Oosuwaa 10:36

Xoossai asa ubbaa Godaa Yesuus Kiristtoosa baggaara, sarotettaa yootiiddi, ha wonggeliyaa mishiraachchuwaa Israa7eela asaassi kiittidoogaa intte ereeta.

Roome 14:9

Hegaa gishshau, Kiristtoosi paxa de7iyaageetuyyoonne haiqqidaageetuyyo Goda gidanau haiqqidi, haiquwaappe denddiis.

Ibraawe 1:3

Na7ai Xoossaa bonchcho poo7uwaa phoolees; qassi muleerakka a meretaa ekkidi, ba wolqqaama qaalan ha sa7aa naagees; yaatidi asaa nagaraappe geeshshidi, Ubbaappe Bolla Xoossaappe ushachcha baggaara saluwan uttiis.

Ibraawe 4:12

Aissi giikko, Xoossaa qaalai paxa de7eesinne oottees; naa77u zoozee de7iyo bisuwaappekka aadhdhidi qarattees. He qaalai shemppoinne ayyaanai, kureenne kolzzee issippe gaittiyoosaa shaakkana gakkanaassi caddees. Qassi asa wozanan de7iya koshshaanne qofaa i shaakkees.

Ibraawe 8:1

Nuuni haasayiyo gitabai hagaa; saluwan Ubbaappe Bolla Xoossai uttiyo kawotaa araataappe ushachcha baggaara uttida qeese ubbatu halaqai, hagaa malai nuuyyo de7ees.

Ajjuutaa 1:16

I ba ushachcha kushiyan laappun xoolintteta oiqqiis. A doonaappe naa77u baggaara qarattida bisoi kiyiis. A som77oikka wolqqappe poo7iya awa aifiyaa milatees.

Ajjuutaa 19:15

Asa zareta i dechchana qara bisoi a doonaappe kiyees. Birata dullan asaa i haarana. Ubbaappe Wolqqaama Xoossaa hanqquwaa eessai buulettiyoosan woine aifiyaa i gum77ana.

Ajjuutaa 19:21

Eta wotaaddarati paraa toggidaagaa doonaappe kiyiya bisuwan haiqqidosona. Kafo ubbati eta ashuwaappe banttau danddayido keenaa miidosona.

Daannatu Maxaafaa 3:16

Ehuudi naa77u baggaara qarattida issi wara gidida bisuwaa baayyo giigissiis; giigissidi ushachcha miyyiyaa baggaara ba maayo giddon gixxiis.