Mazamure Maxaafaa 45:1 - Wolaytta Bible

¹ Taani ha yettaa kawuwaassi xaafiyo wode, ta wozanai lo77o qofaa pulttees; ta inxxarssai lo77o xaafiya asa biiriyaa mala.

Mazamure Maxaafaa 45:1 Iomraidhean Croise

Sameela Maxaafaa Naa77anttuwaa 23:2

“GODAA Ayyaanai ta baggaara haasayees; a qaalai ta inxxarssan de7ees.

Izira Maxaafaa 7:6

Iziri Baabilooneppe yiis. I GODAI, Israa7eela Xoossai immido Muuse Higgiyaa loitti xanna7ida eranchcha asa. GODAA a Xoossaa kushee a bollan de7iyo gishshau, i oichchidobaa ubbaa kawoi ayyo immiis.

Iyyooba Maxaafaa 33:3

Ta haasayiyo qaalati ta wozanaa suuretettaa qonccissoosona; taani eriyoogaa ta inxxarssai tumatettan haasayees.

Iyyooba Maxaafaa 34:4

Ane nuuni likkebaanne lo77obaa shaakkidi eroos.

Mazamure Maxaafaa 2:6

Godai, “Taani ta geeshsha deriyaa Xiyoone bolli ta kawuwaa kawoyaas” yaagees.

Mazamure Maxaafaa 42:1

Gaarai goggiya haattaa laamotiyoogaadan, abeet Xoossau, hegaadan taanikka nena laamotais.

Mazamure Maxaafaa 49:3

Ta wozanaa qofai ciimma; ta doonai aadhdhida eratettaa haasayana.

Mazamure Maxaafaa 69:1

Abeet Xoossau, tana ashsha; aissi giikko, haattai taayyo qooriyaa gakkiis.

Mazamure Maxaafaa 80:1

Abeet Israa7eela henttanchchau, Yooseefa asaa wudiyaadan kaalettiyaagoo, neeni nuuyyo siya. Kiruubeta giyo kiitanchchatuppe bollaara de7iya araatan uttidaagoo, Efireema, Biniyaamanne Minaase sinttan qoncca. Ne wolqqaa denttada nuna ashshanau haaya.

Leemiso Maxaafaa 16:23

Aadhdhida eranchcha asi haasayanaappe kasetidi qoppees; qoppidi asi ekkiyo haasayaa haasayees.

Siiquwaa Sabaa 1:12

“Kawoi maaddan uttidaashin, ta shittuwaa sawoi keettaa giddo ubban tonggu giis.

Isiyaasa 5:1

Taani ta siiqiyoogau a woiniyaa turaa tokkiyo sohuwaabaa siiqo yettaa yexxana. Taani siiqiyoogau araddida keran woiniyaa turaa tokkiyo sohoi de7ees.

Maatiyoosa 12:35

Lo77o asi ba lo77o minjjaappe lo77obaa kessees; qassi iita asi ba iita minjjaappe iitabaa kessees.

Maatiyoosa 25:34

“Hegaappe guyyiyan, taani kawoi taappe ushachcha baggaara de7iyaageeta hagaadan yaagana; ‘Ta Aawai anjjidoogeetoo, haa yiidi sa7ai merettoosappe hachchi gakkanaashin, intteyyo giigida kawotettaa laattite.

Maatiyoosa 27:37

Qassi, “Hagee Aihudatu Kawuwaa Yesuusa” yaagidi mootiyo xifatiyaa a huuphessaara wottidosona.

Efisoona 5:32

Ha xuurai wolqqaama tumatetta; shin taani hagee Kiristtoosabaanne woosa keettaabaa yootees yaagais.

Naa77antto PHeexiroosa 1:21

Aissi giikko, hananabaa yootidobi ubbai geeshsha asati Geeshsha Ayyaanai kaalettin, Xoossaa qaalaa haasayidosonappe attin, asa sheniyan haasayettibeenna.