Mazamure Maxaafaa 44:22 - Wolaytta Bible

²² SHin ne gishshau, gallassa ubban nuna woroosona; goora7anau efiyo dorssadan qoodettida.

Mazamure Maxaafaa 44:22 Iomraidhean Croise

Doomettaabaa 18:15

Yaagin Saara keehi yayyido gishshau, “Taani miiccabeikke” yaagada lahottaasu. SHin i, “Ee, neeni tumu miiccadasa” yaagiis.

Kawotu Maxaafaa Koiruwaa 19:10

Yaagin Eelaasi, “Ubbaappe Wolqqaama GODAAYYO Xoossaayyo taani daroppe mishettaas. Aissi giikko, Israa7eela asai nenaara maacettido maachchaa kanttiis; neeyyo yarshshiyoosaakka qoliis; ne sunttan hananabaa yootiyaageetakka bisuwan woriis. Yaatin, taani tarkka attaas; ha77i eti ta shemppuwaakka ekkanau koyoosona” yaagiis.

Mazamure Maxaafaa 139:2

Taani aude uttiyaakkonne aude eqqiyaakko, neeni eraasa; neeni ta qofaa ubbaa haahuwan akeekaasa.

Mazamure Maxaafaa 44:11

Neeni nuna dorssatudan shuhau aattada immadasa; qassi kawotettatu giddon nuna laaladasa.

Mazamure Maxaafaa 94:11

GODAI asaa qofai hada gidiyoogaa erees.

Isiyaasa 53:7

I un77etiisinne qohettiis; shin ba doonaa pogibeenna. SHukkanau efiyo dorssaadan laagettiis; ba ikisiyaa meediyaageetu sinttan co77u giya dorssa maraadan, ikka ba doonaa pogibeenna.

Ermmaasa 17:10

Taani GODAI asau ubbau a ogiyaadaaninne a oosuwaadan zaaranau, asaa wozanaa qoraisinne a kahaa paaccais” yaagees.

Yohaannisa 15:21

SHin eti tana kiittidaagaa erenna gishshau, ha ubbaa ta gaasuwan eti intte bolli wottana.

Roome 8:36

Xoossaa maxaafai, “Nuuni ne gishshau, gallassaa muumiyaa olettida; goora7anau efiyo dorssadan qoodettida” yaagees.

Koiro Qoronttoosa 4:9

Aissi giikko, taassi misatiyoogaadan, nuuni ha sa7aassi, kiitanchchatussinne asaassi kaa7iyoobaa gidido gishshau, Xoossai nuna Yesuusi kiittidoogeeta haiquwaassi pirddettida asatudan, ubbaappe wurssetta oottiis.

Yaasu Maxaafaa 22:22

“Wolqqaamai Xoossaa GODAA! Wolqqaamai Xoossaa GODAA! Nuuni hagaa aibissi oottidaakko i erees! Nuuni aibissi oottidaakko inttekka eranaadan koyoos. Nuuni GODAA bollan makkalidabanne azazettennan ixxidabaa gidikko, hachchi nuna paxa wottoppite.

Ajjuutaa 17:6

Qassi he mishiriyaa geeshshatu suuttaanne Yesuusayyo markkattishin woridoogeetu suuttaa uyada mattottidaaro taani be7ada garamettaas.