Mazamure Maxaafaa 43:2 - Wolaytta Bible

² Xoossai, taani naagetta attiyo miixai nena. Neeni tana aibissi aggai? Taani aissi ta morkkiyan naaqettada azzanaidda hemettoo?

Mazamure Maxaafaa 43:2 Iomraidhean Croise

Hanidabaa Odiya Koiro Maxaafaa 28:9

“Solomonaa, ta na7au, ne aawaa Xoossaa era. Ne kumetta wozanaaninne ne eeno giya qofan ayyo ootta. Aissi giikko, GODAI wozanaa ubbaa qorees; qofan de7iya halchchuwaa ubbaakka erees. Neeni a koyikko, i neeyyo beettana; shin neeni a aggikko, i nena merinau aggi bayana.

Mazamure Maxaafaa 140:7

Abeet Ubbaa Haariya GODAU, tana ashshiya minuwau, olaa gallassi ta huuphiyaa gonddalladasa.

Mazamure Maxaafaa 28:7

GODAI taayyo wolqqanne gonddalle; ta wozanai an ammanettees; hegan taani maadettaas. Hegaa gishshau, ta wozanai an ufaittees; taani yettan a sabbana.

Mazamure Maxaafaa 31:4

Neeni taayyo geemmiyoosaa gidiyo gishshau, eti tau qotti wottido piriyaappe tana neeni naaga.

Mazamure Maxaafaa 42:10

Ta morkketi tana, “Ne Xoossai awan de7ii?” yaagi yaagidi, ta meqettaa menttidi cayoosona.

Mazamure Maxaafaa 42:9

Xoossaa, ta wogga zaallaa taani, “Aissi tana dogadii? Taani aissi ta morkkiyan naaqettada azzanaidda hemettoo?” yaagais.

Mazamure Maxaafaa 44:9

SHin ha77i neeni nuna aggadasa; kaushshadasa; nu tooraasaara issippe olaa baakka.

Mazamure Maxaafaa 71:9

Taani cimido wodiyan tana oloppa; ta wolqqai ixxido wodiyan tana aggoppa.

Mazamure Maxaafaa 77:7

“Xoossai nuna merinau aggi bayanee? Zaarettidi i nuna keha bessennee?

Mazamure Maxaafaa 88:15

Yelagatettaasappe doommada, taani tuggataasinne haiqqana mataas. Taani neeyyo dagammada yibbaatana hanais.

Mazamure Maxaafaa 94:14

Xoossai ba asaa yeggenna; i baageeta aggenna.

Kessaabaa 15:2

GODAI ta wolqqaanne ta mazamuriyaa; i tana ashshiyaagaa gidiis. I ta Xoossaa; taani a sabbana. I ta aawaa Xoossaa; taani a xoqqu xoqqu oottana.

Isiyaasa 40:31

SHin GODAA ammanettidi naagiyaageeti, bantta wolqqaa ooraxissana. Eti argganttatudan, qefiyan pude kiyana; woxxidi daafurokkona; hemettidikka wolqqaa wurokkona.

Isiyaasa 45:24

“Eti tabaa haasayiiddi, 'Xillotettainne minotettai GODAA xalaalan de7ees' yaagana” yaagees. A ixxiyaageeti ubbai akko yaana; yiidi yeellatana.

Zakkaariyaasa 10:12

Taani eta GODAN minttana; etikka a sunttan hemettana. Taani GODAI hagaa odais” yaagees.

Efisoona 6:10

Wurssettan, Godaaninne a gita wolqqan minnite.

Piliphphisiyuusa 4:13

Kiristtoosi tau immido wolqqan, ubbabaa oottanau taani danddayais.